BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن بەسپايەۆتىڭ تۋعان كۇنى

بۇگىن قازاقتىڭ تانىمال ٴانشىسى، التىن داۋىس، جەزتاڭداي ۇلى مەيرامبەك بەسپايەۆتىڭ دۇنيەگە كەلگەن كۇنى. قازاق ەستارداسىنا 7 جاسىنان كەلگەن قارا بالانىڭ قاجىماس ەڭبەگى مەن قازاق دەپ سوققان جۇرەگى ونى الەمنىڭ تۇكپىر-تۇكپىرىنە تارىداي شاشىلعان ٴيسى قازاققا تانىمال ەتتى، دەپ حابارلايدى baq.kz ٴتىلشىسى.

ول تۋرالى ايتار وي دا، جازار دۇنيە دە جەتەدى. تانىمال ٴانشى تۋرالى الەۋمەتتىك جەلىدە ٴتۇرلى قۇتتىقتاۋلار، انشىگە دەگەن ىستىق ىقلاستار ايتىلىپ جاتىر. سولاردىڭ ىشىندە جۋرناليست جارقىن تۇسىپبەكتىڭ تومەندەگى قۇتتىقتاۋى ەرەكشە ەكەن.

ول اۋىرعاندا مۇقىم قازاقتىڭ قابىرعاسى قايىسىپ، ۋايىمعا سالىندى.

ول بالا كۇنىندە «بوزتورعايدى» ايتقاندا كوزىنەن جاس شىقپاعان قازاق قالمادى، قارشاداي بالانىڭ تاعدىرىنا الاڭداپ، مەيرامبەكتى جەتىم دەپ ويلادى.

ول نامازعا جىعىلعاندا ٴبارى ساجدەگە باسىن ٴيدى.

ول قالاي ٴان ايتسا، قالعان انشىلەر دە سونىڭ جولىمەن ٴجۇردى.

ول ٴجاي سىبىرلاپ سويلەگەنىنىڭ ٴوزى دە ٴان سياقتى، اۋزىنان شىققان ٴاربىر دىبىس نوتا.

ول انشىلىگىن بۇلدامادى، ونەرىن ساتپادى.

ول قانشا تانىمال بولسا دا، سونشالىقتى قاراپايىم بولدى.

ول كوسىلىپ سۇحبات بەرمەدى، شەشىلىپ سويلەمەدى. ىشىندەگى شەرى تەك ٴان بوپ بوزداپ شىقتى. اندەرى اۋەزدى، سوزدەرى اۋەن تابيعاتىنا ساي بولدى.

ول تابيعاتىنان مۋزىكانت، ٴانشى، اقىن بولدى. جۇرەگى قالاعان ٴاندى ايتتى، جۇرەگىنەن شىققان ٴسوزدى عانا ٴان ەتتى.

ول ٴورىستىلدى تىڭدارمانداردىڭ ٴوزىن قازاقشا انگە ەلىتىپ، شوۋ بيزنەس ٴتىلىن انا تىلىمىزگە يكەمدەي باستادى. ٴتىپتى، بايان ەسەنتايەۆا دا مەيرامبەكتىڭ ەرەكشە دارىن، شىنايى تالانت ەكەنىن مويىنداپ، حالىق الدىنداعى بەدەلىنىڭ اسقاقتىعىن ەسكەرىپ، كينوسىنا تارتا باستادى.

ول بالا كۇنىندە-اق «العاشقى ماحاببات» فيلمىنە ٴتۇسىپ، كينو قورىمىزدى ٴبىر مولايتتى.

سول مەيرامبەك بۇگىن 40 جاسقا تولىپ وتىر. شىعارماشىلىعىنا تابىس، ونەرىنە ٴمان تىلەيمىز!

ال تانىمال ٴتىلىنىڭ ۋسويقىسى بار پراديۋسەر سەرىك اباس-شاح مەيرامبەكتەي ٴىنىسىن:

"پرازدنيكبەك 5پايەۆ ىنىمە:

40 جاس - جاس قوي، تورىقپا،
شابا بەر، جورتىپ، جورىقتا!
5پايەۆ 105 جاساسىن،
65 قوسشى، "سوروكقا".

سەرىك اعا. 07.11.2016" - دەپ قۇتتىقتاعان ەكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي