BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باتىرحان شۇكەنوۆ ورىنداعان قازاق اندەرىنىڭ نوتالار جيناعى جارىق كوردى

الماتى، baq.kz. باتىرحان شۇكەنوۆ شىرقاعان قازاق اندەرىنىڭ نوتالار جيناعىنىڭ تۇساۋكەسەرى ٴوتتى. جيناققا كومپوزيتورلار قۋات شىلدەبايەۆ، تولەگەن مۇحامەدجانوۆ، نادجيب ۆيلدانوۆ پەن رەنات گايسيندەر جازعان 14 كومپوزيسيا ەندى.

«ساعىم دۇنيە» نوتالار جيناعىن تانىستىرا وتىرىپ، باتىرحان شۇكەنوۆ قورىنىڭ ديرەكتورى نارگيز شۇكەنوۆا بۇل يدەيانىڭ بىلتىر ومىرگە كەلگەنىن تىلگە تيەك ەتتى.

«قازاق تىلىنە كوزقاراستىڭ قالاي وزگەرگەنىن، قازاق كومپوزيتورلارىنىڭ كلاسسيكتارعا اينالعانىن كورسەتكىمىز كەلدى. سازگەرلەرىمىزدىڭ اندەرى بارشا قازاقتىڭ ۇيىندە شىرقالسىن دەگەن نيەتىمىز دە جوق ەمەس» - دەدى ول.

ٴانشىنىڭ اعاسى باۋىرجان شۇكەنوۆ كەڭەس زامانىندا «مۋزىكالنىي كيوسك» دەپ اتالاتىن تەلەۆيزيالىق باعدارلاما بولعانىن ايتتى.

«ول جەردە جاڭادان شىققان نوتالار جيناعى تۋرالى ٴسوز قوزعالاتىن. باعدارلاما جۇرگىزۋشىسى: «بۇل جيناق مۋزىكامەن اۋەستەنەتىن بارلىق تىڭدارمانعا ارنالادى، ۇيدە وتىرىپ شىعارمالاردى ويناۋعا ىڭعايلى»، – دەيتىن. جاستىق شاعىمدا وسىنداي جيناقتاردىڭ مەن ٴۇشىن ماڭىزى زور ەدى، كەيىن ولار باسىلماي قالدى. بۇرىن قازاق اندەرىنىڭ سوزدەرى مەن نوتالارى بەرىلگەن جيناقتار شىعىپ تۇرۋشى ەدى، ۇيىمدە بارىن الىپ قاراسام، بارلىعى كەڭەس داۋىرىندە شىققان ەكەن. تاۋەلسىز كەزەڭىمىزدە قانشاما جاقسى اندەر دۇنيەگە كەلدى، ٴبىراق ولاردىڭ سوزدەرى مەن نوتالارى جيناق بولىپ شىعىپ جاتقان جوق. كەشە عانا كىتاپ دۇكەندەرىن ارالاپ، ەش جەردە نوتالار جيناعىن كەزدەستىرمەدىم. ٴبىز جيناقتى باتىردىڭ قۇرمەتىنە ارناپ شىعاردىق. ٴسال دە بولسا نوتا تانيتىن ادام ونىڭ شىعارمالارىن وقىپ ورىنداي الادى. ٴبىز ٴۇشىن جيناعىمىزدىڭ قازاق تىلىندە شىققانى وتە ماڭىزدى»، – دەدى باۋىرجان شۇكەنوۆ.

جيناق 2000 دانامەن شىقتى. مىڭ داناسى كىتاپحانالار مەن وقۋ ورىندارىنا جىبەرىلسە، قالعانى كىتاپ دۇكەندەرىندە ساتىلىمعا تۇسەدى دەپ جوسپارلانىپ وتىر. سونىمەن قاتار، جيناقتىڭ ەلەكتروندىق نۇسقاسى ينتەرنەتتە، باۋىرجان شۇكەنوۆ قورىنىڭ شارا بارىسىندا تانىستىرىلعان جەكە سايتىندا (https://batyr.foundation) جارىق كورەدى. كەز كەلگەن ادام جيناقتى سول جەردە جۇكتەپ الا الادى.

ايتا كەتەلىك، قوردىڭ سايتى ٴانشىنىڭ ٴومىرىنىڭ ٴار كەزەڭىنەن سىر شەرتەدى، تايملاين ارقىلى ونىڭ مۋزىكانت رەتىندە قالىپتاسۋ جولىن، بۇعان دەيىن جاريالانباعان سۋرەتتەرىن كورۋگە، العاشقى جازبالارىن تىڭداۋعا جانە دوستارىنىڭ ەستەلىكتەرىن وقۋعا بولادى.

جىلدىڭ سوڭىنا قاراي ٴانشىنىڭ تولىق شىعارماشىلىق مۇراسىنىڭ جيناعى، سونىڭ ىشىندە بۇعان دەيىن جارىق كورمەگەن اندەرى دە حالىققا تانىستىرىلادى دەپ جوسپارلانۋدا.

باقىتجان بۇقارباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي