BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«باقىتتى بالا» بايقاۋىندا ديماش قۇدايبەرگەن ارنايى جۇلدەسىن تاپسىرادى ەكسكليۋزيۆ

العاش رەت اقتوبەدە اشىق بالالار ۆوكالدىق فەستيۆال-كونكۋرسى وتەدى. ٴىس-شارادا ديماش قۇدايبەرگەن مەن دانەليا تۋلەشوۆا سىندى تانىمال انشىلەر ٴان شىرقايدى، دەپ حابارلايدى baq.kz ٴتىلشىسى.

اقتوبە وبلىسىندا 2018 جىل ٴسابي جىلى دەپ جاريالاندى. وسىعان وراي، وبلىس اكىمدىگى ٴوسىپ كەلە جاتقان ۇرپاقتى شىعارماشىلىق جاعىنان دامىتۋ ٴۇشىن ارنايى ٴىس-شارالاردى قامتيتىن «باقىتتى بالا» جوباسىن ازىرلەدى. جوبا اقتوبە قالاسىندا 1-2 ماۋسىمعا بەلگىلەنىپ وتىرعان «باقىتتى بالا-2018» اشىق بالالار ۆوكالدىق فەستيۆالىمەن باستالادى.

«اتالعان ەسترادالىق اندەر كونكۋرسىنا 10 جاستان 15 جاسقا دەيىنگى جاس مۋزىكالىق دارىندى بالالار قاتىسادى. كونكۋرستىڭ ۇمىتكەرلەرىنە انا تىلىندە كەز كەلگەن ٴاندى (ونىڭ ىشىندە ٴوزى جازىپ شىعارعان) دەربەس ورىنداۋ قاجەت جانە الەمدىك حيت تۋىندىلاردى دا تاڭداسا بولادى. فەستيۆال-كونكۋرسقا وتىنىشتەر 2018 جىلعى 15 مامىرعا دەيىن قابىلداندى. وعان 420 ٴوتىنىش بەرىلىپ، سولاردىڭ ىشىندە قاشىقتىقتان ىرىكتەۋ تۋرىنان 20 جەتكىنشەك تاڭدالدى. بىرنەشە جەڭىمپاز 2 ماۋسىم كۇنى ەسترادا جانە سپورت جۇلدىزدارىنىڭ قاتىسۋىمەن وتەتىن سالتاناتتى ماراپاتتاۋ كەزىندە جاريالانادى»، - دەپ حابارلادى كونكۋرس ۇيىمداستىرۋشىلارى.

ولاردىڭ مالىمەتىنشە، ٴىس-شاراعا دۇنيەجۇزىنە ايگىلى ٴانشى ديماش قۇدايبەرگەن (قازاقستان)، «گولوس. دiتي-2017» ۋكراينالىق ۆوكالدىق كونكۋرس جەڭىمپازى دانەليا تۋلەشوۆا (قازاقستان)، «سلاۆيان بازارى-2017» كونكۋرسىنىڭ جەڭىمپازدارى لۋيزا نۋركۋاتوۆا مەن ۆلاد سىتنيك (ۋكراينا)، ارميان ٴانشىسى دجوردان اراكەليان (ارمەنيا) جانە اۋە گيمناستى اناستاسيا ديدۋح (ۋكراينا) قاتىسادى.

«فينالعا قاتىسۋشىلار باس جۇلدەگە تاعايىندالعان 2 ميلليون تەڭگە ٴۇشىن سايىسقا تۇسەدى. نەگىزگى جەڭىمپازدان باسقا، ٴبىرىنشى ورىن يەگەرى 1،5 ملن تەڭگە مولشەرىندە، ەكىنشى مەن ٴۇشىنشى ورىنداردىڭ يەگەرلەرى سايكەسىنشە 750 مىڭ تەڭگە جانە 500 مىڭ تەڭگە كولەمىندە اقشالاي جۇلدەمەن ماراپاتتالادى. سونداي-اق، كونكۋرسقا قاتىسۋشىلاردىڭ ٴبىرى بۇكىل الەمگە ايگىلى ٴانشى، «سلاۆيان بازارى-2015»، «singer-2017» حالىقارالىق كونكۋرستارىنىڭ جەڭىمپازى، «mtv music awards» سىيلىعىنىڭ يەگەرى ديماش قۇدايبەرگەننىڭ اتاۋلى جۇلدەسىن يەلەنەدى»، - دەپ حابارلايدى ۇيىمداستىرۋشىلار.

بۇعان قوسا، قازىلار القاسىنىڭ قۇرامىنا مادەنيەت پەن ونەر سالاسىنىڭ تانىمال حالىقارالىق قايراتكەرلەرى كىرگەن. كونكۋرستى اقتوبە قالاسىنىڭ اكىمدىگى مەن «qazaqstan» ۇلتتىق ارناسىنىڭ قولداۋىمەن «ديماشالي» شىعارماشىلىق ورتالىعى ۇيىمداستىرماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي