«astanadausy-2018» فەستيۆالىنە الەمنىڭ 12 ەلىنەن انشىلەر كەلەدى

«astanadausy-2018» ەكىنشى جىلسايىنعى مۋزىكالىق شاراسىنىڭ وتۋىنە ٴبىر اپتادان از ۋاقىت قالدى. 29 تامىزدا «بارىس ارەنا» مۇزايدىن سارايىنىڭ ساحناسىندا ازيا، ەۋروپا جانە امەريكانىڭ 12 مەملەكەتىنىڭ ارتيستەرى بارشا الەم تىڭدارماندارىنىڭ جۇرەگىن جاۋلاعان حيتتەرىن ورىندايدى، دەپ حابارلايدى baq.kz اقپارات اگەنتتىگى.

اتاپ ايتقاندا، ninetyone توبى، گريگوريي لەپس، loreen، alekseev، اني لوراك، فيليپپ كيركوروۆ، سوگديانا، سوسو پاۆلياشۆيلي جانە باسقالارى. كەش جۇرگىزۋشىلەرى – ٴلايلا سۇلتانقىزى جانە اندرەي رازىگرايەۆ.

وتكەن جىلى اتالمىش شارا ەلوردادا العاش رەت وتكىزىلىپ، كۇشتى اسەر قالدىرعان. بەيبىتشىلىك پەن كەلىسىم سارايىندا قايرات نۇرتاس، بيانكا، oceana، arash، گريگوريي لەپس سىندى ۇزدىك ارتيستەر قالا تۇرعىندارى مەن قوناقتارىنا كوتەرىڭكى كوڭىل كۇي سىيلاعان بولاتىن. انشىلەر قازاقستاندىق كورەرمەندەردىڭ قوناقجايلىلىعى مەن ىقىلاسىن ەرەكشە اتاپ ٴوتىپ، جىلى قارسى العاندارى ٴۇشىن العىستارىن ٴبىلدىردى.

مۋز-تۆ تەلەارناسىنىڭ باس ديرەكتورى ارمان داۆلەتياروۆ فەستيۆالگە قۋانا قاتىسقانىن جانە جاقسى اسەر العانىن ايتقان ەدى.

- مۇنداي فەستيۆال رەسەيدە دە بولعان ەمەس، ۇيىمداستىرۋشىلارعا، قالا اكىمدىگىنە وسىنداي مەرەكە سىيلاعاندارى ٴۇشىن العىس ايتامىن. جۇرەگىمدى شاتتىق كەرنەپ تۇر… جىلى شىراي تانىتقان بارشا قازاقستاندىقتارعا راحمەت، - دەدى شارادان كەيىن ارمان داۆلەتياروۆ.

«فەستيۆالدىڭ جىل سايىن وتكىزىلۋىن تىلەيمىن»، - دەدى سۆەتلانا لوبودا. ايتقانى كەلدى! بيىل دا ۇيىمداستىرۋشىلار قىزىققا تولى كەرەمەت كەش سىيلاماق.ايتا كەتەيىك، «astana dausy-2018» استانا قالاسى اكىمدىگىنىڭ مادەنيەت جانە سپورت باسقارماسىنىڭ كۇشىمەن ۇيىمداستىرىلادى.

فەستيۆالدىڭ قويۋشى-رەجيسسەرى رەتىندە كيەۆتەن «fchf-group» كومانداسى شاقىرىلدى. مۋزىكالىق شارانىڭ باستى ۇرانى – «استانا داۋىسى – شەكسىز!».

ۇيىمداستىرۋشىلاردىڭ حابارلاۋىنشا، ارتيستەر ساحنادا ونەر كورسەتكەندە لازەرلىك شوۋدىڭ ينستاللياسيالارى مەن ەلەمەنتتەرىندە قازاقستاننىڭ سيمۆولدارى مەن ۇلتتىق بەلگىلەرى قولدانىلادى. مىسالى، باستى ەكران ۇلتتىق باس كيىمنىڭ، ال ەدەندەگى دوڭگەلەك ەكران استانانىڭ بەلگىسىنىڭ ەلەمەنتتەرىنىڭ ٴبىرىنىڭ فورماسىندا جاسالادى. ٴاربىر قويىلىم ەرەكشە بولادى، دەيدى ۇيىمداستىرۋشىلار.

ەسكە سالايىق، فەستيۆالگە قاتىساتىن ارتيستەرگە كورەرمەندەردىڭ شەكسىز سۇيىسپەنشىلىگىنىڭ جانە ونىڭ شىعارماشىلىعىن جوعارى باعالاۋدىڭ بەلگىسى رەتىندە مۇسىنشەلەر تابىستالادى. مۋزىكالىق كەش 29 تامىزدا ساعات 19.00-دە وتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!