BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

امىرە «سلاۆيان بازارى» تۋرالى: قازىلار جەڭىستى بىردەي ۇپاي العان رۋمىنيالىققا بەردى

بۇگىن ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا بەلارۋستىڭ ۆيتەبسك قالاسىندا وتكەن «سلاۆيان بازارى» حالىقارالىق ونەر بايقاۋىندا 1-ورىن العان «امىرە» لاقاپ اتىمەن ونەر كورسەتكەن قازاقستاندىق ەرنار سادىربايەۆ جۋرناليستەر سۇراعىنا جاۋاپ بەردى، دەپ حابارلايدى baq.kz ٴتىلشىسى.

«قۇرمەتتى قازاقستاندىقتار، ەڭ ٴبىرىنشى سىزدەرگە العىس ايتامىن، قولداۋلارىڭىزعا راحمەت. سىزدەردىڭ تىلەكتەرىڭىز بەن باتالارىڭىزدىڭ كوپ كومەگى ٴتيدى. «سلاۆيان بازارىندا» بارىنشا تىرىستىق، ەشكىمنەن كەم ۇپاي العان جوقپىز. ەكى كۇن بويى ٴبىرىنشى قاتاردا تۇردىق. قالعانى ٴادىل قازىلاردىڭ شەشىمى بولدى»، - دەدى امىرە.

سونداي-اق، كونكۋرسانت ٴوزىنىڭ لايىق ونەر كورسەتكەنىن، ٴوزى ٴۇشىن ەڭ ٴبىرىنشى حالىقتىڭ پىكىرى ماڭىزدى ەكەنىن ايتتى.

«جەڭىس تىم جاقىن تۇردى. ەڭ باستىسى لايىق ونەر كورسەتتىم. ال جەڭىس قازىلاردىڭ تاڭداۋى، سەبەبى رۋمىنيالىق انشىمەن ۇپايىمىز ٴبىر بولدى. قولىمنان كەلگەنىن جاسادىم، ٴبىراق وسىلاي بولۋ ٴتيىس بولعان شىعار. ەڭ باستىسى مەن ٴۇشىن – حالىقتىڭ پىكىرى، سول كىسىلەردىڭ كوڭىلى»، - دەدى ول.

ەسكە سالا كەتسەك، «سلاۆيان بازارىندا» قازاقستاندىق ٴانشى امىرە مەن رۋمىنيا ەلىنەن كەلگەن مارچەل روشكا ەكەۋى بىردەي 156 ۇپاي الىپ، قازىلار بايقاۋدىڭ گران-پري جۇلدەسىن روشكاعا بەرۋ شەشىمىن قابىلدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي