BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

امىرە 1،5 ملن تەڭگە تۇراتىن كوستيۋمىن پولشا انشىسىنە سىيلادى

فوتو: ашық дереккөзден

بەلارۋس ەلىندە وتكەن «سلاۆيان بازارى» بايقاۋىندا 1-ورىن العان امىرە فينالدا كيىپ شىققان قۇنى 1،5 ميلليون تەڭگەلىك كوستيۋمىن قازىلاردىڭ بىرىنە سىيعا بەرگەن، دەپ حابارلايدى baq.kz ٴتىلشىسى.

«سوڭعى كۇنى امىرەگە وتە ەرەكشە وبرازدى تاڭدادىق. جابىلۋ سالتاناتىندا قولدان تىگىلگەن ٴساندى كوستيۋمدى كيدى. ٴبارى ونىڭ جانىنا كەلىپ تۇرتكىلەدى، سۋرەتكە ٴتۇستى، كوستيۋمىن ۇستاپ كوردى. سوڭىندا ٴبىز ونى قازاقستانعا اكەلگەن جوقپىز»، - دەدى مۇقانوۆ.

پروديۋسەر امىرەنىڭ كوستيۋمى نەلىكتەن ەلگە جەتپەي قالعانىن ايتتى.

«قازىلار قۇرامىندا پولشادان كەلگەن جىگىت بولدى. ول 2000-جىلدارى گران-پري العان ەكەن. ٴبىز ونى العاش رەت كورسەكتە ەۋروپادا وتە اتاقتى ارتيست. مەنىڭشە، كەچماريك. ول بىزگە كەلىپ «كوستيۋمدى ماعان ساتىڭىزشى» دەپ ٴوتىندى. بايقاۋ اياقتالعان سوڭ بىزدە كىشىگىرىم كەلەڭسىز جاعدايعا تاپ بولدىق. قازاقستاننان كەلگەن ارىپتەسىمىزدىڭ ٴبىرى ونى تىلىمەن شاعىپ الىپ، رەنجىتىپ الىپتى. امىرەگە پولشالىق جىگىتتى رەنجىتىپ العانىمىزى ايتتىم. سوسىن امىرە كوستيۋمدى سىيلاي سالايىق دەدى. مەن وعان كوستيۋمنىڭ قىمبات تۇراتىنىن ايتتىم. ٴبىز جىگىتكە بارىپ كوستيۋمدى سىيلاعان ساتتە ول جىلاۋعا شاق قالدى. وسىلايشا جارتىلاي گۋسار ستيلىندە تىگىلگەن كوستيۋم پولشاعا كەتتى»، - دەدى پروديۋسەر.

ونىڭ ايتۋىنشا، كوستيۋمنىڭ باعاسى – 1،5 ملن تەڭگە شاماسىندا. ونى ەل بىلە بەرمەيتىن وتاندىق ديزاينەرلەر 2 ايعا جۋىق ۋاقىتتا قولمەن تىگىپ شىققان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي