2319 
0
قىركۇيەكتىڭ 26 كۇنى الماتى قالاسىندا «جاندانۋ الەمى» قورىنىڭ ۇيىمداستىرۋىمەن وتەتىن ۇلتتىق «بالا داۋىسى» بالالار ٴان بايقاۋى وتەدى، دەپ حابارلايدى baq.kz اقپارات اگەنتتىگى.
4260
0 
استانا: 
قىركۇيەكتىڭ 26 كۇنى الماتى قالاسىندا «جاندانۋ الەمى» قورىنىڭ ۇيىمداستىرۋىمەن وتەتىن ۇلتتىق «بالا داۋىسى» بالالار ٴان بايقاۋى وتەدى، دەپ حابارلايدى baq.kz اقپارات اگەنتتىگى.
ۇلتتىق «بوبەك» ورتالىعى ەلىمىزدىڭ ەڭ دارىندى بالالارىن قارسى الادى.
8 جانە 12 جاس ارالىعىنداعى قازاقستاننىڭ تۇكپىر-تۇكپىرىنەن كەلگەن 19 فيناليست «بالا داۋىسى-2018» بايقاۋىنىڭ گراند – فينالىنا دايىندىعىن باستايدى. جاس ەرەكشەلىكتەرىنە قاراماستان، ولاردىڭ ٴارقايسىسى ٴوز ايماعىن جانە قالاسىن تانىتىپ قانا قويماي، ەلىمىزدىڭ ەڭ جارقىن داۋىسى اتانۋ ٴۇشىن باق سىناسادى. «جۇلدىزدى ٴۇي» كەزەڭىندە فيناليستەر ٴۇش كونسەرتتىك باعدارلامادا ونەر كورسەتۋگە دايىندالادى. اتاپ ايتار بولساق، «بالالىق شاعىمنىڭ اندەرى»، «تۋعان جەردىڭ اندەرى»، «الەم حيتتارى».
فيناليستتەرگە ٴار ٴتۇرلى ۆوكالدىق جارىستارعا قاتىسىپ، كوپشىلىككە تالىمگەر بولىپ جۇرگەن ٴوز ىستەرىنىڭ شەبەرلەرى شەبەرلىك-ساعاتتار وتكىزەدى. سونداي-اق جانار دۇعالوۆا، بەيبىت كۋشكاليەۆ، ايقىن تولەپبەرگەن، سەرىك يبراگيموۆ، الىشەر كارىموۆ، ٴمادينا ٴسادۋاقاسوۆا، باۋىرجان ساتوۆ پەن سالتانات باكايەۆا سىندى ەسترادا جۇلدىزدارى دا تاجىربيەلەرىمەن بولىسەدى.
ۆوكالدىق جانە اكتەرلىك شەبەرلىكتەر، حورەوگرافيا جانە ساحنا مادەنيەتى ساباقتارى - قاتىسۋشىلارعا ميلليونداعان كورەرمەندەردىڭ جۇرەكتەرىن جاۋلاپ الىپ، ارمانعا ٴبىر قادام جاقىنداۋعا كومەكتەسەدى. بۇل ساباقتاردىڭ ناتيجەسىن 26 قازاننان باستاپ 1 جەلتوقسانعا دەيىن ٴار جۇما، سەنبى جانە جەكسەنبى كۇندەرى «كتك» ارناسىندا تاماشالاپ كورۋگە جانە باعالاۋعا مۇمكىندىك بەرەدى. تەلەكورەرمەندەر «حالىق سۇيىكتىسى» ارنايى سىي يەگەرىن انىقتايدى، ال ٴ8-شى جەلتوقسان كۇنى قازىلار القاسى ۇلتتىق ونەر اكادەمياسىنىڭ وقۋ گرانتىن جانە ديسنەيلەندكە جولداما الاتىن «بالا داۋىسى» iii ماۋسىمىنىڭ جەڭىمپازىن اتايدى. ٴار فيناليست بايقاۋ قورىتىندىسىنا قاراماستان ارنايى جاسالعان سيقىرلى نوتا مەن ۇيىمداستىرۋشىلاردىڭ ارنايى سىيلىقتارىنا يە بولادى.
ااتلعان شارا قازاقستان رەسپۋبليكاسىنىڭ مادەنيەت جانە سپورت مينيسترلىگى، قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ قولداۋىمەن جانە ٴاليا نازاربايەۆانىڭ «جاندانۋ الەمى» قورىنىڭ ۇيىمداستىرۋىمەن وتەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
