BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قورقىت مۇراسى يۋنەسكو تىزىمىنە ەندى

استانا، baq.kz. يۋنەسكو-نىڭ "ادامزاتتىڭ ماتەريالدىق ەمەس مادەني مۇرالارى" تىزىمىنە قورقىت اتا مۇراسى - ەپوسى، حالىق اڭىز-اڭگىمەلەرى مەن مۋزىكاسىن ازەربايجان، قازاقستان جانە تۇركيا اتىنان تىركەدى.

يۋنەسكو قورقىت اتانىڭ "12 قاھارماندىق اڭىز-اڭگىمەلەر جانە 13 كۇيدەن تۇراتىن ەپوستىق مادەني مۇراسى ۇرپاقتان ۇرپاققا اۋىزشا جەتكىزىلىپ وتىرعانىن" ايتادى. قورقىت اتا اڭىز-اڭگىمەلەرىندە ويشىل، جىراۋ، كۇيشى قوبىزشى رەتىندە كورىنەدى. ادەبي ٴارى تاريحي ەتنيكالىق مۇرا سانالاتىن "قورقىت اتا" كىتابىندا تۇركى تىلدەس تايپالاردىڭ تاريحى مەن مادەنيەتىنە قاتىستى مول دەرەك بار.

يۋنەسكو بۇعان دەيىن قازاقستان اتىنان 2016 جىلى قازاق كۇرەسىن، 2015 جىلى ايتىستى قازاقستان مەن قىرعىزستان اتىنان، 2014 جىلى دومبىرامەن كۇي تارتۋ ونەرىن قازاقستان اتىنان، كيىز ٴۇيدى قازاقستان مەن قىرعىزستان اتىنان، 2017 جىلى اسىقتى قازاقستان اتىنان تىركەگەن.

قازاقستان 1999 جىلى "قورقىت اتا" كىتابىنىڭ 1300 جىلدىعىن يۋنەسكو دەڭگەيىندە اتاپ وتكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي