BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقان سەرىنىڭ دومبىراسى ٴبىر عاسىردان سوڭ قايتا كۇمبىرلەدى

الماتىدا ىقىلاس اتىنداعى حالىق اسپاپتارىنىڭ مۋزەيىندە اقىن، ٴانشى، كومپوزيتور اقان سەرى قورامسا ۇلىنىڭ دومبىراسىمەن العاش رەت كۇمبىرلەپ كۇي شەرتىلدى. قازاقتىڭ حالىق اقىنىنىڭ عاسىرلىق تاريحى بار مۋزىكا اسپابىن مۇراجايعا تانىمال جازۋشى ساكەن ٴجۇنىسوۆتىڭ ۇرپاقتارى تاپسىرعان ەدى، دەپ حابارلايدى baq.kz اقپارات اگەنتتىگى.

مۋزەيدە وتكەن اقان سەرىگە ارنالعان شىعارماشىلىق كەشتە ەرلان تولەۋتاي اقان سەرىنىڭ دومبىراسىمەن «سىرىمبەتتى» كۇمبىرلەتتى. سونداي-اق، ٴداستۇرلى مۋزىكا ونەرىنىڭ وكىلدەرى اقىننىڭ «ٴشامشىقامار»، «ماڭماڭگەر»، «بالقاديشا» جانە باسقا دا اندەرىن ورىندادى. الماتىنىڭ «قالا كۇنى» اياسىندا وتكەن مۋزىكا كەشىنە مادەنيەت پەن ونەر قايراتكەرلەرى مەن جاستار جينالدى.

الماتى اكىمى باۋىرجان بايبەك مەملەكەت باسشىسىنىڭ «رۋحاني جاڭعىرۋ» باعدارلامالىق ماقالاسىندا جەكە مادەنيەتىمىز بەن ۇلتتىق كودتى ساقتاۋعا ۇلكەن ٴمان بەرىلگەندىگىن، ال بۇل ەلىمىزدىڭ مادەني جەتىستىكتەرىن بۇكىل الەمگە پاش ەتۋگە مۇمكىندىك بەرەتىنىن اتاپ ٴوتتى.

«مەملەكەت باسشىسى ن.ٴا.نازاربايەۆتىڭ ساليقالى ساياساتى ارقاسىندا قازاق حالقىنىڭ مادەني- رۋحاني مۇراسى قايتا جاڭعىرۋدا. سونىڭ جارقىن مىسالى رەتىندە بۇگىنگى كۇنى مۇراجايدا 100-دەن استام مۋزىكا اسپاپتارى مەن باسقا دا كيەلى زاتتار ساقتالعان ٴارى ولاردىڭ قاتارى جىل سايىن جاڭا ەكسپوناتتارمەن تولىعۋدا. ٴبىز بۇگىن ەرەكشە ساياسي وقيعانىڭ كۋاسى بولىپ وتىرمىز، ىقىلاس مۇراجايىنىڭ قورىنا ۇلى اقىن اقان سەرىنىڭ جەكە دومبىراسى بەرىلىپ وتىر»، - دەدى باۋىرجان بايبەك.

تەك سوڭعى ەكى جىلدىڭ ىشىندە عانا الماتىدا «الاتاۋ» ٴداستۇرلى ونەر تەاترى، ٴداستۇرلى مۋزىكانىڭ مۋلتيمەديالىق ورتالىعى، الماتىنىڭ مىڭجىلدىق تاريحى مۇراجايى اشىلىپ، 5 رەت ايتىس جانە اقىنداردىڭ «التىن دومبىرا» مەن قازاق ۇلتتىق سپورتتىڭ « ۇلى دالا ويىندارى» فەستيۆالدەرى ٴوتتى.

اقان سەرى – قازاق ٴان ونەرىندەگى قايتالانباس تۇلعا. ول 1843 جىلى سولۇتستىك قازاقستان وبلىسى ايىرتاۋ اۋدانىنىڭ قوسكول اۋىلىندا تۋىلعان، قازىرگى كەزدە ەلدى مەكەنگە اقان سەرى ەسىمى بەرىلگەن. اقان سەرى زور داۋسىمەن، مۋزىكاعا جانە پوەزياعا دەگەن قىزىعۋشىلىعىمەن ەرەكشەلەنەتىن. ول ۇلتتىق مادەنيەتتىڭ قالىپتاسۋى مەن دامۋىنا مول ۇلەس قوستى. ۇلى اقىننىڭ ٴومىرى تۋرالى ەكى تومدىق رومان جارىق كوردى، ونىڭ اۆتورى – جازۋشى ساكەن ٴجۇنىسوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي