BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس قاسىمبەكتىڭ قىزمەتى اۋىستى

استانا، baq.kz. مەملەكەت باسشىسى ج.م.قاسىمبەكتى قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ٴمينيسترى قىزمەتىنە تاعايىنداۋ تۋرالى جارلىققا قول قويدى. بۇل تۋرالى اقورودانىڭ ٴباسپاسوز قىزمەتى حابارلادى.

"جەڭىس ماحمۇد ۇلى قاسىمبەك قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ٴمينيسترى بولىپ تاعايىندالسىن، ول قازاقستان رەسپۋبليكاسىنىڭ ينۆەستيسيالار جانە دامۋ ٴمينيسترى قىزمەتىنەن بوساتىلسىن"، - دەلىنگەن جارلىقتىڭ ماتىنىندە.

سونىمەن قاتار، مەملەكەت باسشىسى قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ٴارى جەتىلدىرۋ جونىندەگى شارالار تۋرالى قاۋلىعا قول قويدى.

مەملەكەتتىك باسقارۋ جۇيەسىنىڭ تيىمدىلىگىن ارتتىرۋ ماقساتىندا قاۋلى ەتەمىن:

1. قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگى:

1) قازاقستان رەسپۋبليكاسىنىڭ ۇلتتىق ەكونوميكا مينيسترلىگىنە ينۆەستيسيالاردى تارتۋ جونىندەگى مەملەكەتتىك ساياساتتى قالىپتاستىرۋ سالاسىنداعى;

2) قازاقستان رەسپۋبليكاسىنىڭ سىرتقى ىستەر مينيسترلىگىنە ينۆەستيسيالاردى تارتۋ جونىندەگى مەملەكەتتىك ساياساتتى ىسكە اسىرۋ سالاسىنداعى فۋنكسيالارى مەن وكىلەتتىكتەرى بەرىلە وتىرىپ وزگەرتىلىپ، قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى بولىپ قايتا ۇيىمداستىرىلسىن.

2. مىنالار:

1) قازاقستان رەسپۋبليكاسىنىڭ سىرتقى ىستەر مينيسترلىگى ەكسپورتتى ىلگەرىلەتۋ سالاسىنداعى قىزمەتتى ۇيلەستىرۋگە جاۋاپتى;

2) مەملەكەتتىك ورگاندار بەرىلەتىن فۋنكسيالار مەن وكىلەتتىكتەرگە سايكەس قايتا ۇيىمداستىرىلاتىن مەملەكەتتىك ورگاننىڭ قۇقىقتارى مەن مىندەتتەمەلەرىنىڭ قۇقىقتىق ميراسقورلارى بولىپ بەلگىلەنسىن.

3. قازاقستان رەسپۋبليكاسىنىڭ ۇكىمەتى:

1) قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ ينۆەستيسيالار جونىندەگى كوميتەتىن قازاقستان رەسپۋبليكاسى سىرتقى ىستەر مينيسترلىگىنىڭ قاراماعىنا بەرۋدى;

2) قايتا ۇيىمداستىرىلاتىن مەملەكەتتىك ورگاننىڭ ٴتيىستى شتات سانىن بەرۋدى;

3) قازاقستان رەسپۋبليكاسىنىڭ سىرتقى ىستەر مينيسترلىگىنە «kazakh invest» ۇلتتىق كومپانياسى» اكسيونەرلىك قوعامىنىڭ اكسيالار پاكەتىن يەلەنۋ جانە پايدالانۋ قۇقىقتارىن بەرۋدى;

4) وسى جارلىقتى ىسكە اسىرۋ بويىنشا وزگە دە شارالاردىڭ قابىلدانۋىن قامتاماسىز ەتسىن.

4. «قازاقستان رەسپۋبليكاسى ۇكىمەتىنىڭ قۇرىلىمى تۋرالى» قازاقستان رەسپۋبليكاسى پرەزيدەنتىنىڭ 1999 جىلعى 22 قاڭتارداعى №6 جارلىعىنا مىناداي وزگەرىس ەنگىزىلسىن:

«قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگى;» دەگەن جول مىناداي رەداكسيادا جازىلسىن:

«قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى;».

5. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

6. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي