BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەڭىس قاسىمبەك مينيسترلىكتىڭ نە ٴۇشىن قايتا قۇرىلعانىن ايتتى

استانا، baq.kz ٴتىلشىسى. قر ينۆەستيسيالار جانە دامۋ مينيسترلىگى كەشە قر يندۋستريا جانە ينفراقۇرىلىمدىق دامۋ مينيسترلىگى بولىپ قايتا قۇرىلعان بولاتىن. جاڭا ۆەدومستۆوداعى وزگەرىستەر جايلى ونىڭ باسشىسى جەڭىس قاسىمبەك ايتىپ بەردى.

«بىزدەن بىرنەشە وكىلەت، فۋنكسيا سىرتقى ىستەر مينيسترلىگىنە كەتتى. ناقتىراق ايتساق، بۇل شەتەلدىك ينۆەستيسيالاردى تارتۋعا قاتىستى ماسەلەلەر. بۇنىمەن ٴسىم اينالىساتىن بولادى. جانە دە ٴبىز مەملەكەتتىك ورگاندار اراسىنداعى ەكسپورتتى دامىتۋ بويىنشا ماسەلەلەردىڭ ارا جىگىن اجىراتتىق. ٴبىز ەكسپورتتى دامىتۋ جۇمىسىمەن اينالىسامىز، ناقتىلاساق، ٴبىزدىڭ مينيسترلىك وڭدەۋ ونەركاسىبى ونىمدەرىن ەكسپورتتاۋمەن اينالىسادى. ال ٴسىم مەملەكەتتىك ورگانداردىڭ ەكسپورتتى دامىتۋ بويىنشا جۇمىسىن ۇيلەستىرەتىن بولادى. سەبەبى ەكسپورتپەن اۋىل شارۋاشىلىعى مينيسترلىگى، ەنەرگەتيكا مينيسترلىگى، بارلىق سالالىق مينيسترلىكتەر اينالىسادى»، - دەدى قاسىمبەك سەنات كۋلۋارىندا بەرگەن سۇحباتىندا.

ۆەدومستۆو باسشىسى مينيسترلىك قۇرامىنىڭ وزگەرىسىنە قاتىستى مالىمەت بەردى. ونىڭ ايتۋىنشا، مينيسترلىكتەن شەتەلدىك ينۆەستيسيالار كوميتەتى مەن قازاقينۆەست كومپانياسى كەتەدى، ولار سىم-گە وتەدى.

«بۇل وزگەرىسكە دەيىن ٴتۇرلى ۇسىنىستار تالقىلاندى. دەگەنمەن، بۇل جايلى مەن دە كەشە سىزدەرمەن بىرگە ەستىدىم. سوڭعى ەكى جىلدا الەمدە شەتەلدىك ينۆەستيسيالار نارىعى كۇرت قۇلدىراپ كەتتى. سوندىقتان بۇل جەردە بەلسەندى جۇمىس اتقارۋ كەرەك. ٴبىزدىڭ بارلىق حالىقارالىق وكىلدىكتەرىمىزدى، ەلشىلىكتەرىمىزدى جانە تاعى باسقانى جۇمىسقا تارتۋ قاجەت. ەندى ەلشىلىكتەردىڭ نەگىزگى فۋنكسيالارىنىڭ ٴبىرى – ەكسپورتتى دامىتىپ، ينۆەستيسيا تارتۋ. بۇل ادەتتەگى حالىقارالىق تاجىريبە، كوپتەگەن حالىقارالىق ۆەدومستۆو وسى ماسەلەمەن اينالىسادى. مەنىڭشە، جان-جاقتى سارالانعان بۇل وزگەرىستەر اتالعان ماسەلەلەرگە سەرپىن بەرەدى» - دەدى جەڭىس قاسىمبەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي