تۇرىك ينۆەستورى شيەلىدە كەراميكالىق تاقتا وندىرەتىن زاۋىت سالماق - ساياسات|10 جەلتوقسان 2018، 10:55
كۋرسى ۆاليۋت وبنوۆليايۋتسيا
استانا:

تۇرىك ينۆەستورى شيەلىدە كەراميكالىق تاقتا وندىرەتىن زاۋىت سالماق

استانا، baq.kz. تۇرىك ينۆەستورى قىزىلوردا وبلىسىندا 11 ملن شارشى مەترلىك كەراميكالىق تاقتالاردى شىعارۋدى جوسپارلاپ وتىر.

ەڭ ٴىرى تۇرىك حولدينگى «yildizlar sss» قىزىلوردا وبلىسىندا 350 تۇراقتى جۇمىس ورنىمەن، كەراميكالىق تاقتا وندىرەتىن زاۋىت سالۋدى جوسپارلاپ وتىر.

تۇرىك ينۆەستورلارى جوباعا 128 ميلليون دوللار ينۆەستيسيالاۋدى جوسپارلاپ وتىر. ٴوندىرىستى 2022 جىلعا دەيىن ىسكە قوسۋ كوزدەلگەن. ٴبىرىنشى كەزەڭدە 10 ميلليون شارشى مەتر كەراميكالىق تاقتالار شىعارىلادى، ەكىنشى كەزەڭدە جوبالىق قۋاتى 11 ميلليون شارشى مەترگە جەتەدى دەپ كۇتىلۋدە.

قازىرگى ۋاقىتتا «kazakh invest» كومپانياسىنىڭ كومەگىمەن شيەلى اۋدانىنداعى 100 گەكتار جەر تەلىمى تاڭداپ الىندى. قۇرىلىس-مونتاجداۋ جۇمىستارىنىڭ باستالۋى 2019 جىلدىڭ ەكىنشى توقسانىنا جوسپارلانعان.

انىقتاما ٴۇشىن: «yildizlar sss holding» تۇرىك كەراميكالىق تاقتالار نارىعىنىڭ شامامەن 40%-ىن قۇرايدى. حولدينگ مىس، قورعاسىن، مىرىش، تەمىر جانە حروم وندىرەدى. «yildizlar sss holding» تۇركياداعى ەڭ ٴىرى جانە الەمدە توعىزىنشى كۇمىس ٴوندىرۋشى بولىپ كەلەدى. حولدينگتىڭ جىل سايىنعى تابىسى شامامەن 1،5 ملرد دوللار، قىزمەتكەرلەردىڭ سانى شامامەن 10 مىڭ ادام.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي