BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توقايەۆ: وتاندىق زاڭنامانى جەتىلدىرۋ كەرەك

استانا، baq.kz. قاسىم-جومارت توقايەۆتىڭ ٴتوراعالىق ەتۋىمەن سەنات بيۋروسىنىڭ 2018 جىلعى قورىتىندى وتىرىسى بولدى. پالاتانىڭ 27 جەلتوقساندا بولاتىن كەزەكتى وتىرىسىنىڭ كۇن ٴتارتىبى بەكىتىلدى.

سەناتورلار قازاقستان مەن حورۆاتيا اراسىنداعى تابىسقا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى ۇكىمەتارالىق كەلىسىمدى جانە وعان حاتتامانى; قازاقستان مەن قحر اراسىنداعى قازاقستانعا تىكەلەي ينۆەستيسيالار سالۋدى جۇزەگە اسىراتىن قىتاي-قازاقستان وندىرىستىك قۋاتتارىنىڭ ىنتىماقتاستىعى قورى كىرىسىنىڭ جەكەلەگەن تۇرلەرىن سالىق سالۋدان بوساتۋ تۋرالى ۇكىمەتارالىق كەلىسىمدى راتيفيكاسيالاۋ تۋرالى; قازاقستان رەسپۋبليكاسىنىڭ كەيبىر كونستيتۋسيالىق زاڭدارىنا قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى ماسەلەلەرى بويىنشا وزگەرىستەر ەنگىزۋ تۋرالى; ەلىمىزدىڭ كەيبىر زاڭنامالىق اكتىلەرىنە اكىمشىلىك-اۋماقتىق قۇرىلىس جانە كولەڭكەلى ەكونوميكاعا قارسى ٴىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى; زاڭنامالىق اكتىلەرگە مەنشىك قۇقىعىن قورعاۋدى كۇشەيتۋ، تورەلىك، سوت جۇكتەمەسىن وڭتايلاندىرۋ جانە قىلمىستىق زاڭنامانى ودان ٴارى ىزگىلەندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوبالارىن قارايتىن بولدى.

بيۋرو مۇشەلەرى سونداي-اق سەناتتىڭ 2019 جىلعا ارنالعان نەگىزگى ٴىس-شارالار جوسپارىن بەكىتتى جانە حالىقارالىق پارلامەنتتىك ۇيىمدارداعى جانە شەت مەملەكەتتەر پارلامەنتتەرىمەن ىنتىماقتاستىق توپتارىنداعى سەنات دەپۋتاتتارىنىڭ قۇرامىن جاساقتادى. پارلامەنت سەناتى مەن بەلارۋس رەسپۋبليكاسى ۇلتتىق جينالىسىنىڭ رەسپۋبليكا كەڭەسى اراسىنداعى ىنتىماقتاستىق جونىندەگى كوميسسياسى يننوۆاسيا سالاسىنداعى ىنتىماقتاستىقتى دامىتۋ جونىندەگى كىشى كوميسسيانى قۇردى.

ق.توقايەۆ ٴوتىپ بارا جاتقان جىلدى قورىتىندىلاي كەلىپ، سەنات جىل ىشىندە جوسپارلى ٴارى مازمۇندى جۇمىستاردى اتقارعانىن اتاپ ٴوتتى. ەلباسى ۇسىنعان رەفورمالاردى جۇزەگە اسىرۋعا باعىتتالعان ماڭىزدى زاڭ جوبالارى ۋاقىتىلى قابىلدادى. سەنات وتىرىستارىندا 80 زاڭ جوباسى قارالىپ، ولاردىڭ ٴ72-سى قابىلداندى، ال ٴ8-ى ماجىلىسكە قايتارىلدى.

سەنات جىل ىشىندە وزەكتى تاقىرىپتارعا ارنالعان جەتپىسكە جۋىق ماڭىزدى شارالار وتكىزدى، ولاردىڭ ناتيجەسىندە اتقارۋشى ورگاندارعا ناقتى ۇسىنىستار بەرىلدى. سەنات ٴتوراعاسى سونداي-اق، پالاتا دەپۋتاتتارى اتىنان ۇكىمەتكە 100-دەن اسا دەپۋتاتتىق ساۋال جولدانعانىن ايتتى.

«ساۋالدارعا بەرىلگەن جاۋاپتاردىڭ باسىم كوپشىلىگىنە دەپۋتاتتاردىڭ كوڭىلى تولماي وتىرعانىنا ۇكىمەتتىڭ نازارىن اۋدارعان بولاتىنبىز»، - دەدى.

الداعى جىلى ەلباسىنىڭ تاپسىرمالارىن ورىنداۋعا باعىتتالعان ماڭىزدى زاڭ جوبالارىنىڭ توپتاماسى تۇسەتىنى ايتىلدى.

«ٴبىز جۇمىسىمىزدىڭ ساپاسىن ودان ٴارى جاقسارتىپ، وتاندىق زاڭنامانى جەتىلدىرە بەرۋىمىز قاجەت. بۇل - ٴبىزدىڭ ەڭ باستى مىندەتىمىز»، - دەدى سەنات باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي