BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان-قىتاي قورى كىرىسىنىڭ جەكەلەگەن تۇرلەرىن سالىقتان بوساتۋ تۋرالى كەلىسىم قابىلداندى

استانا، baq.kz ٴتىلشىسى. بۇگىن سەنات «قر ۇكىمەتى مەن قحر ۇكىمەتى اراسىنداعى قازاقستانعا تىكەلەي ينۆەستيسيالار سالۋدى جۇزەگە اسىراتىن قىتاي-قازاقستان وندىرىستىك قۋاتتارىنىڭ ىنتىماقتاستىعى قورى كىرىسىنىڭ جەكەلەگەن تۇرلەرىن سالىق سالۋدان بوساتۋ تۋرالى كەلىسىمدى راتيفيكاسيالاۋ تۋرالى» قر زاڭ جوباسىن قابىلدادى.

وسىعان وراي، سەناتور سارسەنباي ەڭسەگەنوۆ قر يندۋستريا جانە ينفراقۇرىلىمدىق دامۋ ٴمينيسترى جەڭىس قاسىمبەككە قازاقستان مەن قىتاي اراقاتىناسىنا قاتىستى ٴبىرقاتار سۇراق قويعان ەدى.

«كەشە ۇكىمەتتە وتكەن قۇرىلىمدىق وزگەرىستەرگە بايلانىستى الداعى ۋاقىتتا بۇل كەلىسىمدى قاي مينيسترلىك باقىلايدى؟ ەكىنشىدەن، جاڭا ٴوزىڭىز كەلىسىمنىڭ ٴ2-شى بابىنا سايكەس قوردى ديۆيدەندتەرگە سالىناتىن سالىقتاردان بوساتۋ كوزدەلگەنىن ايتىپ ٴوتتىڭىز. ٴبىراق، كەلىسىمدە تەك قانا قور ەمەس، وسى قور ارقىلى جۇمىس جاسايتىن كومپانيالاردى دا وسىنداي سالىقتان بوساتۋ قاراستىرىلعان. ال بۇنداي كومپانيالاردىڭ ٴتىزىمىن ۇكىمەت بەكىتەدى دەيدى. وسى ٴتىزىم بار ما؟ قانداي، نەشە كومپانيا؟ جانە ٴبىر سۇراعىم، قىتايدىڭ اقشاسى جۇرگەن جەردە قىتاي جۇمىسشىلارى بىرگە ىلەسىپ جۇرەدى. بۇل جەردە جوعارعى ساناتتاعى بىلىكتى ماماندار عانا ەمەس، قاراپايىم قارا جۇمىسشىلار دا بار. ٴسىز وسى كەلىسىم قوسىمشا جۇمىس ورىندارىن اشۋعا مۇمكىندىك بەرەدى دەپ ايتتىڭىز. قازاقستانداعى ەڭبەك نارىعىن قورعاۋعا بايلانىستى قاراپايىم قارا جۇمىسشىلارعا شەكتەۋ سالۋ توڭىرەگىندە قانداي ۇستىنامدارىڭىز بار؟»، - دەپ سۇرادى دەپۋتات سەنات وتىرىسىندا.

جەڭىس قاسىمبەك ٴبىرىنشى سۇراققا بولاشاقتا بۇل ماسەلەمەن سىرتقى ىستەر مينيسترلىگى اينالىسادى دەپ جاۋاپ بەردى. ياعني، اتالعان كەلىسىمدى ٴسىم باقىلايدى.

«كەلەسى سۇراعىڭىز بويىنشا، ٴسىز ايتقان ٴتىزىم قازىرگى كۇنى جوق. راتيفيكسيا ەندى ٴبىتىپ جاتىر. وسىدان كەيىن مىنا جوبالاردىڭ ٴتىزىمى بەكىتىلەدى. سوندا قانداي كومپانيالار وسى كەلىسىمگە سايكەس سول ديۆيدەندتەر بويىنشا جەڭىلدىكتەردى الاتىنى تۇسىنىكتى بولادى. ٴۇشىنشى سۇراعىڭىز – جۇمىس ورىندارى بويىنشا، مىسال رەتىندە بىرنەشە جوبانى ايتىپ بەرەيىن. مىسالى، اقتوعاي جوباسى، ول ۇلكەن كەن ورنى، سول جەردە كەزىندە قىتاي جۇمىسشىلارىمەن بايلانىستى ٴبىر پروبلەمالار بولعان. قازىرگى كۇنى بىردە-بىر قىتاي جۇمىسشىسى ول جەردە جۇمىس ىستەمەيدى. تەك قانا جەرگىلىكتى ازاماتتار جۇمىس ىستەيدى. وسى كەلىسىم بويىنشا بىزدە مىسالى قىتاي تاراپىنان جوباعا 30 پايىزعا دەيىن كىرەتىن بولسا، جۇمىسشىلاردى وسى پروپورسيامەن الامىز. تەك قانا جوعارى بىلىكتى جۇمىسشىلار كۆوتا بويىنشا تارتىلاتىن بولادى»، - دەدى جەڭىس قاسىمبەك.

ەستەرىڭىزدە بولسا، بۇعان دەيىن سەنات وتىرىسىندا قازاقستان مەن حورۆاتيا اراسىندا سالىق جەڭىلدىكتەرى تۋرالى زاڭ قابىلدانعان بولاتىن. سونىمەن قاتار جەڭىس قاسىمبەك جاڭا مينيسترلىكتىڭ نە ٴۇشىن قايتا قۇرىلعانىن ايتتى. مۇنان بولەك، توقايەۆ سەناتتىڭ بيىلعى جۇمىسىن قورىتىندىلاسا، سەناتور جايىق بالىعىنىڭ جاپپاي قىرىلۋ ماسەلەسىن كوتەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي