BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پرەزيدەنت قىتاي ٴتىلىن ۇيرەنۋگە كەزدەيسوق شاقىرعان جوق – ەلشى

فوتو: Елшіліктің баспасөз қызметі

استانا، baq.kz ٴتىلشىسى. «بەيجىڭ سارايى» قوناقۇيىندە قازاقستانداعى قحر-دىڭ توتەنشە جانە وكىلەتتى ەلشىسى چجان سياو قىتايدا ٴبىلىم العان ستۋدەنتتەرگە ارنالعان جيىن وتكىزدى.

قىتايدىڭ توتەنشە جانە وكىلەتتى ەلشىسىنىڭ ايتۋىنشا، قازىرگى تاڭدا قىتايدا 14 مىڭ قازاقستاندىق ٴبىلىم الىپ جاتىر. ول قازاقستاندىقتاردىڭ اراسىندا قىتاي ٴتىلىن ۇيرەنگىسى كەلەتىندەردىڭ سانى دا ارتىپ كەلەتىنىن جەتكىزدى.

«14 مىڭ قازاقستاندىق جاس بۋىن قىتايدىڭ ٴتۇرلى وقۋ ورنىندا ٴبىلىم الىپ جاتىر. قازاقستاندا قىتاي ٴتىلىن، قىتاي ادەبيەتىن ۇيرەنۋگە دەگەن قىزىعۋشىلىق ارتىپ كەلەدى. مەنىڭ قازاقستاندا بولىپ جاتقانىما 3 ايدان استى. ٴبىراق قاي جەرگە بارسام دا، قىزىعۋشىلىق تانىتىپ جاتقاندارىن بايقايمىن. پرەزيدەنت (نۇرسۇلتان نازاربايەۆ - اۆتور) قىتاي ٴتىلىن ۇيرەنۋگە كەزدەيسوق شاقىرعان جوق. ەندى پرەزيدەنت تاپسىرماسىن ورىنداۋ ماقساتىندا ٴبىز قازاقستاندا التىنشى كونفۋسيي ينستيتۋتىن اشۋ جاعىن ويلاۋىمىز كەرەك. قازىرگى ۋاقىتتا قازاقستاندا بەس ينستيتۋت جۇمىس ىستەپ جاتىر. قىزىعۋشىلىق جوعارى جانە بەس ينستيتۋت ٴالى شەگى ەمەس. ينستيتۋتتار قازاقستاندىق جاستار اراسىندا سۇرانىسقا يە جانە تانىمال»، - دەدى ديپلومات.

قىتايدا العاش رەت قازاقستاندىق ەكونوميكالىق جانە قارجى زەرتتەۋلەر ورتالىعى اشىلىپتى.

«سونىمەن قاتار، ەكى جاق بىرلەسىپ، قازاقستان-قىتاي مادەني ورتالىعىن اشۋ جوسپارلانىپ وتىر. وسى جىلدىڭ قازان ايىنا چجەسزيان قارجى-ەكونوميكالىق ۋنيۆەرسيتەتىندە العاش رەت قىتايدا قازاقستاندىق ەكونوميكالىق جانە قارجى زەرتتەۋلەر ورتالىعى اشىلدى. ورتالىق زەرتتەۋلەردى قولعا الىپ، جوو، عىلىمي ورتا مەن ساراپشىلار اراسىنداعى قارىم-قاتىناستى نىعايتۋعا باعىتتالعان. بۇل جاقسى تاجىريبە بولادى. ٴبىراق جوو دەڭگەيىندە قالىپ وتىر. ونى ۇكىمەت دەڭگەيىنە دەيىن كوتەرۋ كەرەك»، - دەپ ٴبولىستى چجان سياو.

قىتايدىڭ مۇناي ۋنيۆەرسيتەتى مەن سينxۋا ۋنيۆەرسيتەتىن ٴتامامداعان اقتوبەلىك ارمان قالمەن كورشى ەلدە جەتى جىل وقىپ كەلگەن سوڭ قازاقستاندا ۇلتتىق كومپانيادا ەڭبەك ەتىپ ٴجۇر.

«مەن 2004 جىلى پەكيندەگى جوو-عا ٴتۇستىم. 2009 جىلى باكالاۆريات باعدارلاماسىن اياقتادىم. ٴبىلىمىمدى ماگيستراتۋرادا جالعاستىرعىم كەلدى. ٴسويتىپ ەلگە كەلىپ «بولاشاق» باعدارلاماسىنا قۇجاتتارىمدى تاپسىردىم. بارلىق كەزەڭنەن ٴوتىپ، سينxۋا ۋنيۆەرسيتەتىنە مەنەدجمەنت عىلىمى جانە ينجينيرينگ ماماندىعى بويىنشا ماگيستراتۋراعا ٴتۇستىم. 2011 جىلى قازاقستانعا ورالىپ، «سنپس-اقتوبەمۇنايگاز» كومپانياسىندا ەڭبەك ەتە باستادىم. ال 2015 جىلى استاناعا جۇمىسقا شاقىردى. ۇلتتىق كومپانيادا جۇمىس ىستەپ جاتقانىما 3 جىلدان استى»، - دەدى ول.

ارمان قالمەننىڭ ايتۋىنشا، قىتايلىق ۋنيۆەرسيتەتتەردە العان ٴبىلىمىن ٴقازىر قازاقستاندا قولدانىپ جاتىر. بۇدان باسقا، ونىڭ باستى ماقساتى – قازاقستان مەن قىتاي اراسىنداعى مۇناي-گاز سالاسىنداعى ەكىجاقتى ىنتىماقتاستىقتى دامىتۋعا ٴوز ۇلەسىن قوسۋ.

«وتكەن جىلدان باستاپ ٴبىزدىڭ كومپانيا قىتايعا ەكسپورتقا شىقتى. ك«ٴبىزدىڭ كومپانيانىڭ قىتايمەن ىنتىماقتاستىقتا تاجىريبەسى مول. قىتايدا العان ٴبىلىمىمدى بۇگىندە ٴوندىرىس بارىسىندا كەڭىنەن قولدانۋدامىن»، - دەدى «بولاشاق» تۇلەگى.

ول جاقتا قالىپ جۇمىس ىستەۋگە ەشقانداي ۇسىنىس تۇسپەدى. ونىڭ ۇستىنە «بولاشاقپەن» وقىعان سوڭ، ەلگە ورالىپ ەڭبەك ەتۋ مىندەتى دە بار.

«ٴار ەلدىڭ ٴوز دامۋ جولى بار. ال قىتايدا قالىپ جۇمىس ىستەۋگە ۇسىنىس بولمادى. ونىڭ ۇستىنە ٴوزىم دە ەلگە قايتقىم كەلدى، «بولاشاق» الدىنداعى مىندەتتەرىم دە بار. جەتى جىلدان كەيىن ەلگە ورالعىڭ كەلەتىنى دە راس. بەيجىڭدە بولعان كەزدە ستۋدەنتتىك جىلداردى اڭسايمىن، الايدا از ۋاقىتتان سوڭ ٴبارىبىر قازاقستانعا قايتقىم كەلەدى»، - دەپ ٴبولىستى ارمان قالمەن.

قازاقستاندىق جاستارمەن كەزدەسۋگە قر ٴبىلىم جانە عىلىم ٴمينيسترى ەرلان ساعاديەۆ تە كەلدى.

قىتاي حالىق رەسپۋبليكاسىنىڭ توتەنشە جانە وكىلەتتى ەلشىسى چجان سياو قازاقستاندىقتاردى تاۋەلسىزدىك كۇنىمەن قۇتتىقتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي