BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوعامدىق دامۋ ٴمينيسترى اقش دەلەگاسياسىمەن كەزدەستى

استانا، baq.kz. قازاقستان رەسپۋبليكاسىنىڭ قوعامدىق دامۋ ٴمينيسترى دارحان كالەتايەۆ اقش مەملەكەتتىك حاتشىسىنىڭ دەموكراتيا، ادام قۇقىقتارى جانە ەڭبەك ماسەلەلەرى بويىنشا كومەكشىسىنىڭ ورىنباسارى مايكل كەللەحەرمەن كەزدەستى.

تاراپتار كونفەسسياارالىق كەلىسىم، ٴدىني راديكاليزمگە قارسى تۇرۋ جانە ازاماتتىق قوعامدى دامىتۋ سالاسىنداعى ىنتىماقتاستىقتىڭ وزەكتى ماسەلەلەرىن تالقىلادى.

دارحان كالەتايەۆ امەريكالىق تاراپتى قوعامدىق دامۋ مينيسترلىگى قىزمەتىنىڭ نەگىزگى باعىتتارىمەن تانىستىردى.

تاراپتار 2019 جىلدىڭ باسىندا قازاقستاننىڭ مۇددەلى ورگاندارىنىڭ، اقش مەملەكەتتىك دەپارتامەنتىنىڭ جانە اقش-تىڭ حالىقارالىق ٴدىني بوستاندىق جونىندەگى كوميسسياسىنىڭ وكىلدەرىنەن قۇرالعان ساراپتامالىق جۇمىس توبىنىڭ ٴبىرىنشى وتىرىسىن وتكىزۋ تۋرالى كەلىسىمگە قول جەتكىزدى.

اتالعان الاڭنىڭ اياسىندا ٴدىني سالانى رەتتەۋ جانە ٴدىن بوستاندىعىن قامتاماسىز ەتۋ ماسەلەلەرى بويىنشا پىكىر الماسۋلار وتكىزۋ جوسپارلانىپ وتىر.

كەزدەسۋ قورىتىندىسى بويىنشا تاراپتار ىنتىماقتاستىقتى نىعايتۋدىڭ ماڭىزدىلىعىن اتاپ ٴوتتى، اتاپ ايتقاندا، اقش-تىڭ حالىقارالىق دامۋ جونىندەگى اگەنتتىگىمەن (usaid) بىرلەسىپ، ازاماتتىق قوعام سالاسىندا الەۋمەتتىك ماڭىزى بار جوبالاردى جۇزەگە اسىرۋ بارىسىنا توقتالدى.

جاقىن جانە ٴوزارا ٴتيىمدى قارىم-قاتىناستاردى ورناتۋعا دەگەن ٴوزارا ۇمتىلىس قازاقستان مەن امەريكا قۇراما شتاتتارى اراسىنداعى ىنتىماقتاستىقتى ودان ٴارى دامىتۋدىڭ كەپىلى بولادى.

ەستەرىڭىزگە سالا كەتەيىك، بۇگىن قازاقستان رەسپۋبليكاسى مەن امەريكا قۇراما شتاتتارىنىڭ كەڭەيتىلگەن ستراتەگيالىق ارىپتەستىگى جونىندەگى كوميسسيانىڭ وتىرىسى وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي