BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىتاي قازاقستاندىقتاردى سىرت كەلبەتىنە قاراپ شەكارادان وتكىزبەي وتىر

قازاقستان رەسپۋبليكاسى باس پروكۋراتۋراسىنىڭ وكىلدەرى شەكارالىق ىنتىماقتاستىق كەزدەسۋ بارىسىندا قىتاي ساقال قويعان جانە ٴدىني داستۇرمەن كيىنگەن ادامداردى ٴوز تەرريتورياسىنا وتكىزبەي وتىرعانىن مالىمدەدى، دەپ حابارلايدى ۆaq.kz اقپارات اگەنتتىگى tengrinews.kz-كە سىلتەمە جاساپ.

«ٴبىز قىتايلىق تاراپقا ٴوز تەرريتورياسىنا ادامنىڭ سىرتقى كەلبەتىنە قاراپ، شەكارادان وتكىزبەي تۇرعانىن جەتكىزدىك. ولار وزدەرىندەگى ۆەدومستۆوارالىق نۇسقاۋلىققا سايكەس، سولاي جاساپ وتىرعانىن ٴتۇسىندىردى. ٴبىراق بۇل ماسەلەنى ٴبىز ٴالى دە قوزعايمىز، كەلىسىمگە كەلەمىز جانە ٴارى قاراي بولاتىن شارالاردى بىرگە رەتتەيمىز»، - دەدى جۋرناليستەرگە باس پروكۋروردىڭ ورىنباسارى اندرەي لۋكين.

كەزدەسۋ بارىسىندا الماتى وبلىسىنڭ پروكۋرورى ازامات جىلقىبايەۆ تا بايانداما وقىدى. ونىڭ ايتۋىنشا، بۇل جاعداي «قورعاس» بەكەتىندە ورىن الىپتى.

«قورعاستىڭ» ارنايى كولىك، جاياۋ جۇرگىنشى وتەتىن ورتالىعىندا قوسىمشا ٴباقىلاۋ-تىنتۋ پۋنكتەرى ورناتىلعان. ول وسى جىلدىڭ ٴساۋىر ايىنان بەرى جۇمىس ىستەپ كەلەدى. سول ورتالىقتا قىتايدىڭ اسكەري بولىمشەلەرى ٴوز تاراپىنا كەلە جاتقان جەكە تۇلعالاردى دا، كولىكتەردى دە باقىلاپ، تەكسەرەدى. بۇل شارانى شىڭجاڭ ۇيعىر اۆتونوميالىق اۋدانىنىڭ باسشىلارى ٴدىني ەكسترەميزم جانە حالىقارالىق تەرروريزممەن قارسى كۇرەس رەتىندە قولدانعان. سوندىقتان ساقالى بار، مۇسىلمان ٴدىنىنىڭ داستۇرلەرىمەن كيىنگەن ادامدار، ازاماتتىعىنا جانە ۇلتىنا قاراماستان قىتاي جاققا وتە المايدى. بۇل قازاقستاندىقتاردىڭ، سونداي-اق ٴبىزدىڭ ەلىمىز ارقىلى وتەتىن وزگە ەل ازاماتتارىنىڭ ورتالىققا كەلۋىنە كەدەرگى جاسايدى. تاعى ەكى ەل اراسىنداعى تاۋار اينالىمى قىسقارىپ قالۋى مۇمكىن. جوعارىدا ايتىلعانداردى ەسكەرە وتىرىپ، اسكەري-وتكىزۋ پۋنكتىنىڭ جۇمىسىن 2005 جىلدىڭ 25 تامىزىندا قىبالدانعان «قورعاس» شەكارا ماڭى ىنتىماقتاستىعى حالىقارالىق ورتالىعى قىزمەتىن رەتتەۋ تۋرالى تالاپتار مەن كەلىسىمدەرگە سايكەستەندىرۋدى ۇسىنامىز. بۇل كەلىسىمنىڭ 17-بابىندا مۇنداي جاعدايدى تەك تابيعي اپات، ەپيدەميا، توتەنشە جاعدايلار بولعان كەزدە عانا قولدانۋعا بولادى دەلىنگەن»، - دەپ مالىمدەدى الماتى وبلىسىنىڭ پروكۋرورى.

ال كەزدەسۋگە كەلگەن قىتايدىڭ باس حالىق پروكۋراتۋراسى حالىقارالىق ىنتىماقتاستىق باسقارماسىنىڭ باستىعى گو سينۆان جۋرناليستەرگە بۇل جاعداي تۋرالى ٴبىرىنشى رەت ەستىپ تۇرعانىن ايتتى.

«قىتاي ٴۇشىن «قورعاس» شەكارا ماڭى ىنتىماقتاستىعى حالىقارالىق ورتالىعى - قازاقستان مەن قىتاي اراسىنداعى ساۋدا-ەكونوميكالىق قاتىناستاردىڭ دامۋىن كوزدەيتىن ۇلگىلى ايماق. شەكارا ماڭى ىنتىماقتاستىعى حالىقارالىق ورتالىعى جەكە ماقساتى ٴۇشىن مۇنداي جاعدايلارعا جول بەرمەۋى كەرەك»، - دەگەن پىكىر ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي