BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستان مەن ۆەنگريا اراسىندا ۆيزاسىز رەجيم ورناۋى مۇمكىن

الماتى، baq.kz. ۆەنگريا قازاقستان ازاماتتارىنا ۆيزانى الىپ تاستاۋدى قاراستىرىپ جاتىر. جاڭاشىلدىق كەلەسى جىلدان باستاپ جۇزەگە اسۋى مۇمكىن. ٴبىراق جوبا ٴالى بىرنەشە مارتە تالقىلانباق. بۇل تۋرالى «حابار 24» تەلەارناسى حابارلادى.

ۆەنگرياعا باراتىن قازاقستاندىق ساياحاتشىلاردىڭ باستى ماسەلەسى بۇل ەلدىڭ ٴ2007-شى جىلدان بەرى شەنگەن ايماعىنا مۇشە بولۋى. سەبەبى بۇل مەملەكەتكە كىرۋ ٴۇشىن ورتاق ۆيزا بولۋ كەرەك. ٴبىراق بۋداپەشت ەندى قازاقستانعا ۆيزالىق تالاپتى جەڭىلدەتۋى مۇمكىن. ەۋرووداق تاياۋ ارادا وسى ماسەلەنى تالقىلايدى.

«مەن بۋداپەشتتە ەجەلدەن تۇرىپ كەلەمىن. تۋعان-تۋىستارىم ٴجيى قاتىنايدى. قۇجاتتى دايىنداۋعا كوپ ۋاقىت كەتەدى. ۆيزاسىز رەجيم ەنگىزۋ ەكى ەلدىڭ اراسىن جاقىنداستىرىپ، قارىم-قاتىناستى نىعايتادى دەپ ويلايمىن»، -دەيدى بۋداپەشتتە تۇرىپ جاتقان ينديرا مۇرىمبايەۆا.

ينديرا سەكىلدى قازاقستاندىقتار جۇزدەپ سانالادى. استانا-بۋداپەشت باعىتى بويىنشا ەركىن ٴجۇرىپ تۇرۋ قاراپايىم قازاقستاندىقتارمەن قاتار بيزنەس قاۋىمداستىققا دا مول مۇمكىندىك اشادى. اسىرەسە تۋريستىك اگەنتتىكتەر وسى باعىتتاعى سۇرانىس ارتاتىنىن ايتادى.

«ساياحاتشىلار اراسىندا بۇل تارتىمدى باعىتتىڭ ٴبىرى. ۆەنگرلەردى قازاقستاننىڭ مادەنيەتى مەن ٴسالت-داستۇرى، تابيعي كوركەم جەرلەرى قىزىقتىرادى. سوندىقتان تۋريستىك كومپانيالارعا وسى باعىتتا جۇمىستى شيراتۋىنا تۋرا كەلەدى»، -دەيدى تۋريزم بويىنشا ساراپشى مارينا ميرونوۆا.

قازاقستاندىقتار اراسىندا ۆەنگريا باعىتى جوعارى سۇرانىسقا يە. مىسالى، استانا-بۋداپەشت اۋە رەيسى اشىلعاننان بەرى 40 مىڭ ادام ساپار شەككەن. بۇدان بولەك كەلەسى جىلى قازاقستانعا ۆەنگريانىڭ بەلدى بيزنەمسمەندەرى كەلىپ، اۋىل شارۋاشىلىق سالاسىندا ٴبىرقاتار جوبالاردى ىسكە اسىرماق. وسى تۇرعىدان العاندا ۆيزاسىز رەجيم ىسكەرلىك بايلانىستىڭ ودان ٴارى دامۋىنا سەرپىلىس بەرۋى ٴتيىس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي