BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قارۋ-جاراققا زاڭدى تۇردە توسقاۋىل قويۋ ماسەلەسىنىڭ وزەكتىلىگى كۇن سايىن ارتىپ كەلەدى - ساراپشى

استانا، baq.kz. استانادا ولىمگە اكەلەتىن قارۋ-جاراقتىڭ اۆتونومدى جۇيەسىنە (اسولد) زاڭدى تۇردە توسقاۋىل قويۋ ماسەلەلەرى تالقىلاندى.

شارا حالىقارالىق قاۋىپسىزدىك جانە ساياسات ورتالىعىمەن، «سوعىس روبوتتارىنا تىيىم سالۋ كامپانياسى» ۇكىمەتتىك ەمەس ۇيىمدارى حالىقارالىق كواليسياسىنىڭ قولداۋىمەن، حالىقارالىق قاۋىپسىزدىكتى نىعايتۋ مەن قارۋسىزداندىرۋ سالالارىنداعى قازاقستاننىڭ ستراتەگيالىق باستامالارىن ناسيحاتتاۋ اياسىندا ۇيىمداستىرىلىپ وتىر.

دوڭگەلەك ۇستەل جۇمىسى بارىسىندا حالىقارالىق قاۋىپسىزدىك جانە ساياسات ورتالىعىنىڭ باسشىسى ٴالىمجان احمەتوۆ اتاپ وتكەندەي، ولىمگە اكەلەتىن قارۋ-جاراقتىڭ اۆتونومدى جۇيەسىنە زاڭدى تۇردە توسقاۋىل قويۋ ماسەلەسىنىڭ وزەكتىلىگى كۇن سايىن ارتۋدا. ونىڭ سوزىنشە، قارۋسىزداندىرۋ ماسەلەسى جونىندە بۇۇ الاڭىندا بەلسەندى ٴارى جاۋاپتى ورىنعا يە قازاقستان قارۋدىڭ مۇنداي ٴتۇرىن ادامداردىڭ باقىلاۋىندا ۇستاۋدى ساقتاۋ بويىنشا زاڭدى قۇرالداردى ازىرلەپ شىعارۋعا ايتارلىقتاي سەپتەسە الادى.

قازىرگى ۋاقىتتا بۇۇ-نىڭ ادامزاتقا قارسى قارۋ كونۆەنسياسى اياسىندا اسولد ماسەلەلەرى بويىنشا ۇكىمەتتىك ساراپشىلار توبى سەسسيالىق نەگىزدە جۇمىس ىستەۋدە. ونىڭ نەگىزگى ماقساتى – قارۋدىڭ جاڭا تۇرلەرىن قولدانۋ مەن شىعارۋدى باقىلاۋدىڭ ٴتيىستى مەحانيزمىن ەنگىزۋ بويىنشا بۇۇ مۇشە-مەملەكەتتەرىنە ۇسىنىس دايىنداۋ.

دوڭگەلەك ۇستەلگە قاتىسۋشىلاردىڭ پىكىرىنشە، ولاردىڭ قاتارىندا الدىڭعى قاتارلى اناليتيكالىق جانە اسكەري زەرتتەۋ ورتالىقتارى، اكادەميالىق ورتا مەن قۇزىرلى مەملەكەتتىك ورگاندار وكىلدەرى بار، قازاقستان قارۋدىڭ جاڭا تۇرىنە پرەۆەنتيۆتى توسقاۋىل قويۋ بويىنشا بەلسەندى تۇردە قارسى شىعىپ جۇرگەن مەملەكەتتەرگە قوسىلۋى كەرەك (اۆستريا، برازيليا، چيلي جانە ت.ب.، بارلىعى – 28 مەملەكەت)، سەبەبى، اسكەري سالادا جاساندى ينتەللەكتى قولدانۋ حالىقارالىق گۋمانيتارلىق قۇقىق داعدارىسىنا ۇلاسىپ عانا قويماي، سونىمەن قاتار، جالپى ادامزات ومىرىنە ٴقاۋىپ توندىرەدى، ال بۇل ماسەلەنىڭ وزەكتىلىگى الداعى 10-20 جىلدا ايقىندالا تۇسپەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي