BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بريتانيالىقتار قازاقستاننىڭ شەتەلدەن تىكەلەي ينۆەستيسيا تارتۋىنا قىزىقتى

فوتو: СІМ баспасөз қызметі

استانا، baq.kz. سىرتقى ىستەر ٴمينيسترى قايرات ٴابدىراحمانوۆ ورتالىق ازيا ەلدەرىندەگى بريتانيالىق ەلشىلەرمەن ەكىجاقتى جانە كوپجاقتى ىنتىماقتاستىقتى دامىتۋ ٴۇشىن جاڭا مۇمكىندىكتەرىن تالقىلادى. بۇل تۋرالى ۆەدومستۆونىڭ ٴباسپاسوز قىزمەتى حابارلادى.

29-31 قازان ارالىعىندا استانادا ٴوتىپ جاتقان ۇلىبريتانيانىڭ ديپلوماتيالىق ميسسيالارى مەن ٴفورين-وفيستىڭ ٴتيىستى بولىمشەلەرى باسشىلارىنىڭ فورۋمى جىل سايىن ورتالىق ازيا ەلدەرىنىڭ ٴارقايسىسىندا كەزەكپەن وتكىزىلەدى.

كەزدەسۋ بارىسىندا ۇلىبريتانيانىڭ قازاقستان مەن ايماقتىڭ ەلدەرى اراسىنداعى قارىم-قاتىناستارىنىڭ جاي-كۇيى مەن پەرسپەكتيۆالارى تۋرالى پىكىر الماسىلدى، سونداي-اق ٴوزارا مۇددەلى بارلىق سالاسىندا ىنتىماقتاستىقتى نىعايتۋ جونىندە نيەتى راستالدى.

ەلىمىزدىڭ بۇۇ قاۋىپسىزدىك كەڭەسىندەگى تۇراقتى ەمەس مۇشەلىگى، پرەزيدەنت نۇرسۇلتان نازاربايەۆتىڭ حالىقارالىق جانە ايماقتىق باستامالارىن كۋالاندىراتىن كەڭىنەن تالقىلانىپ جۇرگەن قازاقستاننىڭ ورتالىق ازياداعى رولىنە ەرەكشە نازار اۋدارىلدى.

ايماقتاعى ەكونوميكالىق پروسەستەر جانە كازاقستان ەكونوميكاسىنا شەتەلدەن تىكەلەي ينۆەستيسيالار تارتۋ ديناميكاسى بريتانيالىق ديپلوماتتاردىڭ ۇلكەن قىزىعۋشىلىعىن تۋدىرۋدا.

وسىعان وراي، سىرتقى ساياسات مەكەمەسىنىڭ باسشىسى بريتان ەلشىلەرىن ەلباسىنىڭ جۋىردا بريۋسسەلدە وتكەن ەۋروپا مەن ازيا سامميتىندە جاساعان بايانداماسىمەن جانە الپاۋىت ەلدەردىڭ اراسىنداعى سەنىم ورناتۋعا جانە كەلىسپەۋشىلەكتەردى جويۋعا باعىتتىلعان قادامدارمەن تانىستىردى.

سىرتقى ىستەر ٴمينيسترى ۇلىبريتانيانىڭ حالىقارالىق ارەناداعى بەلسەندى ٴرولىن جانە ەكى ەلدىڭ بۇۇ قاۋىپسىزدىك كەڭەسى اياسىنداعى ٴتيىمدى ىنتىماقتاستىعىن اتاپ ٴوتتى. قارىم-قاتىناستاردى دامىتۋدا جوعارى دەڭگەيدەگى تۇراقتى بايلانىستار جانە استانا مەن لوندون اراسىنداعى تۇراقتى ساياسي ديالوگتى قالىپتاستىرۋ ماڭىزدى ٴرول ورىن الادى. مىسالعا، بريۋسسەلدە وتكەن اسەم ٴسامميتىنىڭ شەڭبەرىندە پرەزيدەنتى نۇرسۋلتان نازاربايەۆ ۇلىبريتانيانىڭ پرەمەر-مينيسترى تەرەزا مەيمەن اڭگىمەلەسكەن.

وڭىرلىك دامۋ كونتەكستىندە قازاقستان تاراپى ەۋرازيالىق ەكونوميكالىق وداق اياسىندا ەكونوميكالىق ينتەگراسيانىڭ جانە قازاقستان مەن ورتالىق ازيانىڭ ٴىرى سەرىكتەستەرى – رەسەي جانە قىتايمەن تاتۋ كورشىلىك قاتىناستاردى دامىتۋدىڭ ماڭىزدى ٴرولىن اتاپ ٴوتتى. وسىعان بايلانىستى ەۋرازياداعى ەكونوميكالىق ىنتىماقتاستىق بارىسىنا تەرىس اسەر ەتىندىكتەن، بلوكتىق ويلاۋدان جانە سانكسيالىق تەكەتىرەستەن اۋلاق بولۋ قاجەت دەگەن پىكىر ايتىلدى.

بريتانيالىق تەحنولوگيالار مەن ساراپتامانى ورتالىق ازيا ەلدەرىندە «بەلدەۋ مەن جول» باستاماسى، سونىمەن قاتار باسقا دا ينۆەستيسيالىق جانە ينفراقۇرىلىمدىق باعدارلامالارمەن بىرلەسىپ جۇزەگە اسىرىلاتىن جوبالاردى ورىنداۋدى كەڭىنەن قولدانۋدىڭ ەرەكشە پەرسپەكتيۆالارى اتاپ ٴوتىلدى.

جالپى العاندا، تاراپتار ينۆەستيسيالىق جانە ساۋدا-ەكونوميكالىق ىنتىماقتاستىقتى تەرەڭدەتۋ ٴۇشىن ماڭىزدى الەۋەت بار ەكەنىن اتاپ ٴوتتى. ۇلىبريتانيا قازاقستاننىڭ ساۋدا اينالىمى بويىنشا ون ٴىرى ساۋدا سەرىكتەستەرىنىڭ قاتارىنا كىرەدى (2017 ج. تاۋار اينالىمى 1،28 ملرد. اقش دوللارى، ال 2018 ج. قاڭتار-شىلدە كەزەڭىندە 743،4 ملن. دولل. قۇرادى). بۇل مەملەكەت قازاقستانداعى التى ٴىرى ينۆەستورلاردىڭ قاتارىنا كىرەدى. 2005 ج. باستاپ بريتانيالىق تىكەلەي ينۆەستيسيالاردىڭ اعىمى 12 ملرد. دوللاردان استى. قازاقستاندا بريتانيالىقتاردىڭ قاتىسۋىمەن 600-دەن استام كومپانيالار بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي