BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتامقۇلوۆ جاڭا قىزمەتىنىڭ فۋنكسيالارى تۋرالى تۇسىنىكتەمە جاسادى

استانا، baq.kz. قر سىرتقى ىستەر ٴمينيسترى بەيبىت اتامقۇلوۆتىڭ قر ٴسىم-نىڭ جاڭا فۋنكسيالارى تۋرالى تۇسىنىكتەمە جاسادى.

مەملەكەت باسشىسىنىڭ تاپسىرماسىنا سايكەس سىرتقى ساياساتتى ەكونوميزاسيالاۋ، شەتەلدىك ينۆەستيسيالاردى تارتۋ جانە قازاقستاندىق كاسىپورىنداردىڭ ونىمدەرىن سىرتقى نارىقتارعا شىعارۋ ماسەلەلەرى ٴارقاشان سىرتقى ساياسي ۆەدومستۆوسى قىزمەتىنىڭ باستى باسىمدىقتارىنىڭ ٴبىرى بولعان.

"ەندى، بۇرىڭعى قر ينۆەستيسيالار جانە دامۋ مينيسترلىگىنىڭ ينۆەستيسيالار كوميتەتى مەن «kazakh invest» اق سىرتقى ىستەر مينيسترلىگىنىڭ قۇزىرىنا اۋىسادى. وسىعان وراي، سىرتقى ساياسي قىزمەتتىڭ نەگىزگى باعىتتارىنان بولەك ٴبىز جوعارىدا اتالعان قۇرىلىمداردىڭ مەحانيزمدەرىن بەلسەندى پايدالانامىز. بۇل ينۆەستيسيالاردى تارتۋ بويىنشا جۇمىستا شەتەلدىك ينۆەستورلارعا ەرەكشە كوڭىل بولىنەتىنىن كۇتۋگە بولادى" - دەلىنگەن ٴمينيستردىڭ تۇسىنىكتەمەسىندە.

قازاقستاندا بارلىق دەڭگەيلەردە ينۆەستورلارمەن ٴوزارا ارەكەتتەسۋدىڭ ٴتيىمدى ينستيتۋتتارى قۇرىلعان. سىرتقى ىستەر مينيسترلىگى ينۆەستيسيالىق جانە ەكسپورتتىق قىزمەتىنىڭ جالپى ۇيلەستىرۋشىسى بولادى.

"بارلىقتارىڭىزعا ٴمالىم، بارلىق سالالىق مينيسترلىكتەر ەكسپورت ماسەلەسىمەن اينالىسۋدا. ٴوز كەزەگىندە، سىرتقى ىستەر مينيسترلىگىنە ولاردىڭ بۇل جۇمىستاعى كۇش-جىگەرىن ۇيلەستىرۋگە جانە ەڭ الدىمەن قازاقستاننىڭ شەت ەلدەردەگى مەكەمەلەرىنىڭ الەۋەتى ارقىلى بولۋ ەلدەردە ٴتيىستى اقپاراتتى تاراتۋ، ەكىجاقتى كەزدەسۋلەر مەن كەلىسسوزدەردى ۇيىمداستىرۋ، سونداي-اق قازاقستاندىق تاۋارلاردى ەكسپورتتاۋشىلارعا تىكەلەي قولداۋ كورسەتۋ ماسەلەلەرى جۇكتەلدى" - دەدى مينيستر.

سونىمەن قاتار، مينيستر وزگە مينيسترلىكتەرمەن بىرلەسە وتىرىپ مەملەكەت باسشىسىنىڭ جارلىعىن جۇزەگە اسىرۋدىڭ پراكتيكالىق مەحانيزمى پىسىقتالاتىنىن ايتتى.

"قر اۋىل شارۋاشىلىعى مينيسترلىگى، قورعانىس جانە اەروعارىش ونەركاسىبى مينيسترلىگى، «kazakh export» اق ەسق، «اتامەكەن» قر ۇلتتىق كاسىپكەرلەر پالاتاسى جانە مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى اراسىندا الدىن-الا قابىلدانعان بىرلەسكەن ٴىس-قيمىل جوسپارلارىنا قوسىمشا رەتىندە، جاقىن ارادا سىرتقى ىستەر مينيسترلىگىنىڭ جاڭا قۇزىرەتىنە قاتىستى مەملەكەت باسشىسىنىڭ جارلىعىن جۇزەگە اسىرۋدىڭ پراكتيكالىق مەحانيزمى پىسىقتالادى" - دەدى بەيبىت اتامقۇلوۆ.

ونىڭ ايتۋىنا قاراعاندا، ەكسپورتتىق باعىتتاعى قىزمەتتى ۇيلەستىرۋ فۋنكسياسى قازاقستاندىق تاۋارلاردىڭ سىرتقى نارىقتارىنىڭ قولجەتىمدىلىگىن ماقساتتى تۇردە زەرتتەۋگە مۇمكىندىك بەرەدى، سونداي-اق ماڭىزدىسى، ٴبىزدىڭ ەلدەن تاۋارلار مەن قىزمەتتەرگە كەدەرگى كەلتىرەتىن بارەرلەردى جويۋ بويىنشا كەلىسىلگەن كەلىسسوزدەر جۇرگىزۋ تاكتيكاسىن قۇرۋعا جول اشادى.

ەستەرىڭىزگە سالا كەتەيىك، 26 جەلتوقسان كۇنى قر پرەزيدەنتى بەيبىت اتامقۇلوۆتى قر سىرتقى ىستەر ٴمينيسترى ەتىپ تاعايىنداعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي