BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استاناعا دميتريي مەدۆەدەۆ كەلەدى

فوتو: РИА Новости

استانا، baq.kz ٴتىلشىسى. بۇل تۋرالى بۇگىن ٴسىم اپتا سايىنعى بريفينگى بارىسىندا ۆەدومستۆو ٴباسپاسوز قىزمەتىنىڭ باسشىسى ايبەك سمادياروۆ ايتتى.

«1 قاراشادا رف ۇكىمەتىنىڭ ٴتوراعاسى دميتريي مەدۆەدەۆ قازاقستان رەسپۋبليكاسىنا رەسمي ساپارمەن كەلەدى. ساپار بارىسىندا مەملەكەت باسشىلىعىمەن كەزدەسۋ جوسپارلانۋدا. قازاقستان مەن رەسەي ۇكىمەتتەرى باسشىلارىنىڭ اراسىندا وتەتىن كەزدەسۋدە قازاقستان-رەسەي ساۋدا-ەكونوميكالىق، ٴوڭىرارالىق، كولىكتىك-ترانزيتتىك دامۋ پەرسپەكتيۆالارى جانە ولاردىڭ اعىمداعى جاعدايىن، سونداي-اق بايقوڭىر كەشەنىندە ٴوزارا ارەكەتتەستىك ماسەلەلەرى بويىنشا پىكىر الماسادى. سونىمەن بىرگە تاراپتار ەكى ەلدىڭ ينتەگراسيالىق شەڭبەرىندەگى ٴوزارا ٴىس-قيمىل ماسەلەلەرىن تالقىلايدى»، - دەدى ٴباسپاسوز حاتشىسى.

ٴسىم وكىلى قاراشانىڭ باسىندا برازيليا ٴسىم استاناعا رەسمي ساپارمەن كەلەتىنىن دە ايتتى.

«1-2 قاراشا برازيليا ٴسىم الويزيو نۋنەس استاناعا قازاقستان-برازيليالىق قارىم-قاتىناستارى تاريحىندا العاشقى رەسمي ساپارمەن كەلەدى. رەسمي ساپار قازاقستان مەن برازيليا اراسىنداعى ديپلوماتيالىق قاتىناستاردىڭ ورناتىلۋىنا 25 جىل تولۋى قارساڭىندا جانە ەكى ەل ىنتىماقتاستىعىنىڭ دوستىعىن بەكىتۋگە جاڭا كەزەڭىن باستاماق»، - دەپ مالىمدەدى سمادياروۆ.

2017 جىلدىڭ قورىتىندىسى بويىنشا ەكى ەل اراسىنداعى تاۋار اينالىمى 135 ملن اقش دوللارىنان استى. 2016 جىلدان باستاپ ەلدەر اراسىندا ۆيزاسىز رەجيم ورناتىلعان.

سونىمەن قاتار، ايبەك سمادياروۆ بريفينگ بارىسىندا باتىس ساحاراداعى رەفەرەندۋم ميسسياسىندا جۇرگەن قازاقستاندىق ٴۇش اسكەري قىزمەتكەر ەلگە ورالاتىنىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي