BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اسقار مامين شىمكەنتتەگى «حالىقارالىق ٴبىلىم كورمەسىنە» قاتىستى

فوتو: автор

استانا baq.kz ٴتىلشىسى. شىمكەنت قالاسىندا ٴوتىپ جاتقان الەمدىك جوعارعى وقۋ ورىندارى سەزى اياسىنداعى كورمەنىڭ ەكىنشى كۇنى باستالدى. بۇل ٴىس-شارانى «حالىقارالىق باعدارلامالار ورتالىعى» ۇيىمداستىرۋدا. كورمەگە الەمنىڭ 40-تان استام مەملەكەتىنەن 200-گە جۋىق جوعارعى وقۋ ورىندارى قاتىسۋدا.

كورمە جۇمىسىنا قازاقستان رەسپۋبليكاسى پرەمەر-مينيسترىنىڭ ٴبىرىنشى ورىنباسارى اسقار مامين جانە وزبەكستان رەسپۋبليكاسى پرەمەر-مينيسترىنىڭ ٴبىرىنشى ورىنباسارى اچيلباي راماتوۆ قاتىستى.

«جالپى كورمەگە 40 ەلدەن كەلگەن 200-گە ۋنيۆەرسيتەت وكىلدەرى قاتىسىپ وتىر. ال، ارنايى شىمكەنت قالاسىندا 96 جوعارعى وقۋ ورنىنان كەلگەن 150 شەتەلدىك وكىلدەر بار. سونىمەن قاتار بۇل ۋنيۆەرسيتەتتەردىڭ ىشىندە 60% قازاقستاندىق ازاماتتار ٴۇشىن تەگىن جاتىن ورىن مەن ستيپەنديا بەرۋگە دايىن. كەيبىر جوعارى وقۋ ورىندار ٴبىر جىلدىق ٴتىل ۇيرەنۋ كۋرستارىنان ٴوتۋ مۇمكىندىكتەرىن قاراستىرىپ وتىر» - دەدى «حالىقارالىق باعدارلامالار ورتالىعى» اق پرەزيدەنتى جانبولات مەلدەشوۆ.

كورمە اياسىندا ٴبىلىم بەرۋ سالاسىنداعى شەتەلدىك ساراپشىلاردىڭ قاتىسۋىمەن سەمينارلار مەن دوڭگەلەك ۇستەلدەر وتكىزۋ جوسپارلانۋدا. سونداي-اق، كورمە قاتىسۋشىلارى ٴۇشىن ۋاجدەمەلىك حاتتاردى جانە حالىقارالىق تەستىلەۋلەردى جازۋ بويىنشا تاجىريبەلىك ماستەر-كلاسستار وتكىزىلەتىن بولادى.

ٴىس-شاراعا اقش، ۇلىبريتانيا، سينگاپۋر، جاپونيا، شۆەيساريا، پولشا، ۆەنگريا، يسپانيا، ليتۆا، وڭتۇستىك كورەيا، قىتاي جانە ت.ب. ەۋروپالىق ستاندارتتارى بويىنشا ٴبىلىم بەرەتىن جوعارى وقۋ ورىندارى قاتىسادى.

ەڭ ماڭىزدىسى، كورمەگە تەگىن ٴبىلىم بەرەتىن فينليانديا، چەحيا، گەرمانيا، فرانسيا ەلدەرىنىڭ جوعارى وقۋ ورىندارى قاتىسۋدا. اتالعان ەلدەرگە تەگىن وقۋعا ٴتۇسۋ ٴۇشىن تەك قۇجات جيناپ، كونكۋرستىق ىرىكتەۋدەن ٴوتۋ قاجەت، بۇل جۇمىستا حالىقارالىق باعدارلامالار ورتالىعى تالاپكەرلەرگە كومەك كورسەتۋگە دايىن.

كورمەنىڭ نەگىزگى ماقساتى – قازاقستان ازاماتتارىنىڭ شەتەلدە تەگىن ٴبىلىم الۋ مۇمكىندىكتەرى تۋرالى اقپاراتتاندىرۋ جانە وتاندىق جوعارى وقۋ ورىندارى مەن شەتەلدىك ۋنيۆەرسيتەتتەردىڭ اراسىنداعى ىنتىماقتاستىقتى كەڭەيتۋ.

كورمەگە كەلگەن ۆيسە پرەمەرلەر شىمكەنتتە قاتىسۋشى وقۋ ورىندارىنىڭ ۇسىنىستارىمەن تانىسىپ، اقش-تىڭ كولورادو شاتىتىنىڭ فورت كوللينس قالاسىنىڭ مەرى wade o. troxell مىرزامەن تانىستى.

«بۇل دەگەنىمىز قازاقستان مەن وزبەكستان جاستارىنىڭ ەۋروپانىڭ ساپالى وقۋ ورىندارىندا ٴبىلىم الۋلارى ٴۇشىن جاسالىنعان جاقسى مۇمكىندىك»، - دەپ اتاپ ٴوتتى اسقار مامين ٴوزىنىڭ وزبەكستاندىق ارىپتەسى اچيلباي راماتوۆپەن اڭگىمەسىندە.

ەلباسى نۇرسۇلتان نازاربايەۆ قازاقستان ٴۇشىن ەڭ ٴتيىمدى دۇنيەلەردى الىپ كەلىپ، الەمنىڭ ەڭ ۇزدىك ۋنيۆەرسيتتەرىنەن ٴبىلىم الا وتىرىپ ديپلوم كۋلتىنەن ٴبىلىم كۋلتىنە اۋىسۋىمىز قاجەتتىگى جايىندا ايتقان بولاتىن.

كورمەمەن تانىستىرۋ بارىسىندا «حالىقارالىق باعدارلامالار ورتالىعى» اق پرەزيدەنتى جانبولات مەلدەشوۆ ٴوز ويىن ٴبىلدىردى.

«ٴبىزدىڭ نەگىزگى ماقساتتارىمىزدىڭ ٴبىرى قازاقستاندى ورتا ازياداعى «ٴبىلىم حابى» جاساۋ دەسەك، الدىمەن ٴوز جوعارعى وقۋ ورىندارىمىزدى بەلگىلى ٴبىر دارەجەدە الەمدىك دەىگەيدەگى ۋنيۆەرسيتتەرمەن قاتار تۇرا الاتىنداي ەتىپ دايارلاپ شىعارۋىمىز قاجەت. مىنە، وسىعان بايلانىستى، وتكىزىلگەلى وتىرعان «حالىقارالىق ٴبىلىم كورمەسىندە» ەلىمىزدىڭ ۋنيۆەرسيتتەرى شەتەلدىك مامانداردان تەگىن ماستەر كلاستار الۋدى ۇيىمداستىرىپ وتىرمىز. ولاردىڭ ەڭ جاقسى دەگەن مودۋلدەرى مەن جەتكەن جەتىستىكتەرىنەن وزىمىزگە قاجەتتىلەرىن ۇيرەنۋىمىز قاجەت» - دەپ اتاپ ٴوتتى.

سونداي-اق كورمەگە قاتىسۋشى الەمنىڭ ەڭ مىقتى ۋنيۆەرسيتەتتەرىنىڭ وكىلدەرى جاڭادان قۇرىلعان تۇركىستان وبلىسى ٴۇشىن قاجەتتى بارلىق مامانداردى قامتاماسىز ەتىپ بەرۋگە دايىن ەكەندىكتەرىن ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي