BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اشىمبايەۆ: تۇرار رىسقۇلوۆتىڭ قايراتكەرلىگىن ناسيحاتتاۋ كەرەك

استانا، baq.kz. كۇنى كەشە اسا كورنەكتى مەملەكەت قايراتكەرى، ٴىرى تۇلعا تۇرار رىسقۇلوۆتىڭ تۋعانىنا 124 جىل تولدى. وسىعان وراي "نۇر وتان" پارتياسى ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ ٴوز ويىن ورتاعا سالدى.

"وسى ٴبىر ەسىمدى ەستىسەك، كوپشىلىگىمىزدىڭ ەسىمىزگە ەڭ الدىمەن 30-جىلدارداعى قولدان جاسالعان اشارشىلىق تۇسەدى. ويتكەنى تۇرار رىسقۇلوۆ تۋعان حالقىن سول ٴبىر زوبالاڭنان امان الىپ قالۋ ٴۇشىن باسىن تاۋعا دا، تاسقا دا سوققان جانداردىڭ بىرەگەيى ەدى. ٴتىپتى سول كەزدە كوزىنە تىكە قاراۋدىڭ ٴوزى مۇمكىن ەمەستەي كورىنەتىن ستالينگە حات جازىپ، سولاقاي ساياساتتىڭ زارداپتارىن اشىق ايتۋى، ونىڭ ۇلتى ٴۇشىن نەگە بولسا دا دايىن ەكەنىن انىق كورسەتىپ بەردى" - دەيدى ماۋلەن اشىمبايەۆ ٴوز جازباسىندا.

ميلليونداعان قازاقتى اشتىقتان قۇتقارۋ ٴۇشىن ەش نارسەدەن تايسالماعان رىسقۇلوۆتىڭ شەبەر ۇيىمداستىرۋشى بولعانى دا تاريحتان بەلگىلى. ول ٴۇشىن تۇركسىب ماگيسترالىن سالۋ كەزىندەگى بەلسەندىلىگىن ايتسا دا جەتىپ جاتىر.

"ەلىمىزدەگى باسپا ٴىسى، مادەني-اعارتۋ، جاستاردىڭ كاسىبي ٴبىلىم الۋى سياقتى ماڭىزدى سالالاردا دا تۇرار رىسقۇلوۆتىڭ قولتاڭباسى بار. سوندىقتان كەلەر جىلى تۋعانىنا 125 جىل تولاتىن تۇلعانىڭ مەرەيتويىن لايىقتى دەڭگەيدە اتاپ ٴوتىپ، ونىڭ ەلگە سىڭىرگەن ەڭبەگىن جاستارعا دارىپتەۋدىڭ ماڭىزى زور دەپ ەسەپتەيمىن" - دەيدى ول.

سونىمەن قاتار ماۋلەن اشىمبايەۆ تۇرار رىسقۇلوۆتىڭ ەڭبەگىن، قايراتكەرلىگىن جان-جاقتى ناسيحاتتاۋ كەرەك ەكەنىن ايتتى.

"ٴبىز قازاق ٴۇشىن امىرشىل-اكىمشىل جۇيەنىڭ وزىنە قاسقايىپ قارسى تۇرا بىلگەن، سول جولدا جانىن بەرگەن تۇلعالارىمىزدىڭ ەسىمدەرىن ەشقاشان ەستەن شىعارماۋىمىز كەرەك. بۇگىندە ەلىمىزدە «رۋحاني جاڭعىرۋ» باعدارلاماسى اياسىندا وتكەندى باعامداۋ جۇمىستارى ەرەكشە ەكپىنمەن ىسكە اسىرىلا باستاعانى بەلگىلى. وسى سالادا ناقتى دەرەكتەرگە سۇيەنگەن قۇندى دۇنيەلەر دە كوپشىلىكتىڭ نازارىنا ۇسىنىلا باستادى. سول جۇمىستاردىڭ ٴبىر جەمىسى رەتىندە تۇرار رىسقۇلوۆتاي اردا ۇلىمىزدىڭ دا ٴومىر جولىن ناسيحاتتايتىن دۇنيەلەردى جارىققا شىعارساق، ۇلتى ٴۇشىن ٴومىرىن قيعان قايراتكەرگە دەگەن قۇرمەتىمىزدىڭ ٴبىر بەلگىسى بولار ەدى" - دەدى ماۋلەن اشىمبايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي