BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

اقش باس كونسۋلى: الماتىعا قايتا اينالىپ كەلە بەرگىڭ كەلەدى

فوتو: Алматы қаласы әкімінің баспасөз қызметі

استانا، baq.kz. الماتى اكىمى باۋىرجان بايبەك اقش-تىڭ باس كونسۋلى ەريك مايەرمەن كەزدەستى. كەزدەسۋ كەزىندە تاراپتار ساۋدا-ەكونوميكالىق، ينۆەستيسيالىق، مادەني-گۋمانيتارلىق ىنتىماقتاستىقتىڭ كەڭ سپەكترلى ماسەلەلەرىن تالقىلادى. بۇل تۋرالى قالا اكىمىنىڭ ٴباسپاسوز قىزمەتى حابارلادى.

كەزدەسۋ بارىسىندا اقش-تىڭ باس كونسۋلى قازاقستاننىڭ ىسكەرلى، مادەني، ٴبىلىم جانە عىلىم ورتالىعى بولىپ تابىلاتىن الماتىنىڭ ەكىجاقتى بايلانىس ٴۇشىن ماڭىزدى ەكەنىن اتاپ ٴوتتى.

«الماتى – امەريكا كونسۋلدىعى جانە قازاقستاندا بيزنەس اشۋعا ىنتالى اقش كومپانيالارى جۇگىنەتىن امەريكا ساۋدا پالاتاسى ورنالاسقان ورتا ازياداعى جالعىز قالا. مەن مۇندا 2004 جانە 2008 جىلدارى بولعان ەدىم. قالا سونداي تارتىمدى، قايتا اينالىپ كەلە بەرگىڭ كەلەدى، وسى جەردە جۇمىس ىستەۋگە مۇمكىندىك تۋعانىنا قۋانىشتىمىن. مەن الماتىدا ۇلكەن وڭ وزگەرىستەردىڭ بولعانىن كوردىم، جاياۋ جۇرگىنشىلەر ٴۇشىن جاقسى ينفراقۇرىلىم جاسالىپتى، قوعامدىق كەڭىستىك بارىنشا اشىلا تۇسكەن»، - دەدى ەريك مايەر.

ايتا كەتەرلىگى، الماتىدا قازىرگى كەزدە تەلەكوممۋنيكاسيا، قارجى، ساۋدا جانە باسقا سالالاردا امەريكالىق كاپيتالمەن 168 كومپانيا جۇمىس ىستەيدى. الماتى مەن اقش اراسىنداعى تاۋار اينالىمى وتكەن جىلى 400 ميلليوننان استام دوللاردى قۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي