ٴابدىقالىقوۆا: قازاقستاندا ادام قۇقىعىن قورعاۋ ەلدىڭ ەكونوميكالىق ىرگەتاسىنا نەگىزدەلگەن - ساياسات|10 جەلتوقسان 2018، 16:13
كۋرسى ۆاليۋت وبنوۆليايۋتسيا
استانا:

ٴابدىقالىقوۆا: قازاقستاندا ادام قۇقىعىن قورعاۋ ەلدىڭ ەكونوميكالىق ىرگەتاسىنا نەگىزدەلگەن

استانا، baq.kz. قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا «مەملەكەتتىڭ جانە ازاماتتىق قوعام ينستيتۋتتارىنىڭ قۇقىق قورعاۋ قىزمەتى» اتتى دوڭگەلەك ۇستەل وتىرىسىنا قاتىستى. بۇل تۋرالى اقوردانىڭ ٴباسپاسوز قىزمەتى حابارلادى.

حالىقارالىق ادام قۇقىقتارى كۇنىنە جانە بۇۇ باس اسسامبلەياسىنىڭ ادام قۇقىقتارىنىڭ جالپىعا بىردەي دەكلاراسياسىنىڭ قابىلدانعانىنا 70 جىل تولۋىنا ارنالعان ٴىس-شاراعا جوعارعى سوت ٴتوراعاسى ج.اسانوۆ، ادام قۇقىعى جونىندەگى كوميسسيا ٴتوراعاسى ق.سۇلتانوۆ، سىرتقى ىستەر ٴمينيسترى ق.ٴابدىراحمانوۆ، بۇۇ-نىڭ قازاقستانداعى تۇراقتى ۇيلەستىرۋشىسى ن.شيمومۋرا، ەۋروپا وداعىنىڭ قازاقستانداعى وكىلدىگىنىڭ باسشىسى س-و.كارلسسون، ەقىۇ-نىڭ استاناداعى باعدارلامالار كەڭسەسىنىڭ باسشىسى د.سابو، ۇلىبريتانيانىڭ قازاقستانداعى توتەنشە جانە وكىلەتتى ەلشىسى م.گيففورد، مەملەكەتتىك ورگاندار، ازاماتتىق قوعام وكىلدەرى جانە باسقالار قاتىستى.

مەملەكەتتىك حاتشى ٴوز قۇتتىقتاۋىندا قازاقستان پرەزيدەنتى نۇرسۇلتان نازاربايەۆتىڭ «قۇقىق ۇستەمدىگى – ٴبىزدىڭ رەفورمالارىمىزدىڭ تابىستى بولۋىنىڭ نەگىزگى فاكتورى» دەگەن سوزىنە توقتالدى.

– قازاقستاندا ادام قۇقىعىن قورعاۋدىڭ ۇلتتىق جۇيەسى ەلدىڭ قۇقىقتىق دامۋىنىڭ نەگىزگى كورسەتكىشى بولىپ سانالاتىن بەرىك ەكونوميكالىق ىرگەتاسىنا نەگىزدەلگەن جانە ازاماتتاردىڭ ٴومىر ساپاسىن ارتتىرۋعا باعىتتالعان، – دەدى گ.ٴابدىقالىقوۆا.

القالى جيىن بارىسىندا كونستيتۋسيا جانە قولدانىستاعى زاڭدار ارقىلى كەپىلدىك بەرىلگەن ادام قۇقىعى مەن بوستاندىعىن جۇزەگە اسىرۋ، ادام قۇقىعىن قورعاۋدىڭ ۇلتتىق تەتىكتەرىن جەتىلدىرۋ ماسەلەلەرى بويىنشا پىكىر الماسىلدى.

حالىقارالىق قۇقىق نورمالارىن يمپلەمەنتاسيالاۋ پروبلەمالارى، قازاقستان رەسپۋبليكاسىندا ادام قۇقىعىن سوتتا جانە سوتتان تىس قورعاۋ ٴىسىن جەتىلدىرۋ ماسەلەلەرى تالقىلاندى.

حالىقارالىق جانە ۇلتتىق ساراپشىلار قازاقستاننىڭ قۇقىق قورعاۋ تەتىكتەرى مەن ادام قۇقىعىن قورعاۋدىڭ ۇلتتىق جۇيەسىنە وڭ باعا بەردى.

سوڭىندا قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا ادام قۇقىعىن قورعاۋ سالاسىندا ٴتيىمدى ىنتىماقتاستىق جۇرگىزىپ كەلە جاتقانى ٴۇشىن حالىقارالىق ينستيتۋتتارعا جانە قۇقىق قورعاۋشى ۇكىمەتتىك ەمەس ۇيىمدارعا العىس ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي