BAQ.kz - Қазақстан жаңалықтары USD 377.73 BAQ.kz - Қазақстан жаңалықтары EUR 428.53 BAQ.kz - Қазақстан жаңалықтары RUB 5.73
استانا:

ٴابدىقالىقوۆا: «قازاقستان-2050» ستراتەگياسىنىڭ باستى ماقساتىنا قول جەتكىزۋدە جاستاردىڭ ٴرولى ماڭىزدى

استانا، baq.kz. قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا «دارىن» مەملەكەتتىك جاستار سىيلىعىن تاپسىرۋ راسىمىنە قاتىستى. بۇل تۋرالى اقوردانىڭ ٴباسپاسوز قىزمەتى حابارلادى.

مەملەكەتتىك حاتشى قازاقستان پرەزيدەنتى نۇرسۇلتان نازاربايەۆتىڭ «كەز كەلگەن ەل ٴوزىنىڭ كەلەشەگىن وسكەلەڭ ۇرپاعىمەن بايلانىستىرادى» دەگەن سوزىنە توقتالدى.

ەلباسى جاستارعا ٴاردايىم قولداۋ كورسەتە وتىرىپ، مەملەكەتتىك جاستار ساياساتىن دامىتۋ ٴىسىن ەلىمىزدىڭ نەگىزگى باسىمدىقتارىنىڭ ٴبىرى رەتىندە بەلگىلەپ بەردى. مەملەكەت باسشىسىنىڭ جارلىعىمەن 2019 جىل جاستار جىلى بولىپ جاريالاندى.

– بۇل وزىق دامىعان 30 ەلدىڭ قاتارىنا قوسىلۋ جونىندەگى «قازاقستان-2050» ستراتەگياسىنىڭ باستى ماقساتىنا قول جەتكىزۋدە جاستاردىڭ ماڭىزدى ٴرول اتقاراتىنىن كورسەتەدى، – دەدى گ.ٴابدىقالىقوۆا.

«دارىن» مەملەكەتتىك جاستار سىيلىعى 1992 جىلدان بەرى ٴتۇرلى سالاداعى ادەبيەت، عىلىم، ديزاين جانە بەينەلەۋ ونەرى، جۋرناليستيكا، كلاسسيكالىق مۋزىكا، قوعامدىق قىزمەت، سپورت، تەاتر جانە كينو، ەسترادا، حالىق شىعارماشىلىعى سياقتى 10 نوميناسيا بويىنشا بەرىلىپ كەلەدى. وعان 200-دەن اسا تالانتتى جاستارىمىز يە بولدى. بۇل سىيلىق ٴار جىلدارى امانجول التايەۆ، دارمەن سادۋاقاسوۆ، ماكسيم زدوروۆەس، ماريا مۋدرياك، دەنيس تەن، ٴادىل احمەتوۆ سياقتى بەلگىلى تۇلعالارعا، « ۇلىتاۋ» شىعارماشىلىق ۇجىمىنا جانە باسقالارعا بەرىلدى.

2018 جىلى 20 جەڭىمپازعا «دارىن» مەملەكەتتىك جاستار سىيلىعى لاۋرەاتى» اتاعى بەرىلىپ، ديپلوم، توسبەلگى جانە ٴار نوميناسيا بويىنشا 600 000 تەڭگە اقشالاي سىياقى تاپسىرىلدى.

لاۋرەاتتار اراسىندا «كوك تۋدىڭ جەلبىرەگەنى» دەگەن تاقىرىپپەن وتكەن رەسپۋبليكالىق جاس اقىندار ايتىسىنىڭ جەڭىمپازى ٴبىرجان بايتۋوۆ، ەلىمىزدىڭ ۇزدىك جاس فلەيتاشىلارىنىڭ ٴبىرى روزا سولتىحانوۆا، بوكستان الەم چەمپيونى قايرات ەراليەۆ، «ارۋ-تاس» جشس ديرەكتورى بەكجان ٴالىمقۇلوۆ، بيوتەحنيكا ۇلتتىق ورتالىعىنىڭ گەنەتيكا جانە بيوحيميا ميكرودەنەلەرى زەرتحاناسىنىڭ عىلىمي قىزمەتكەرى جىگەر اقىشەۆ جانە باسقا دا ازاماتتار بار.

ٴراسىم سوڭىندا قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا لاۋرەاتتاردىڭ بارىنە دەنساۋلىق، باق-بەرەكە جانە ەل يگىلىگى جولىنداعى جۇمىستارىنا تابىس تىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي