BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2018 جىل شەتەلدىك ليدەرلەردىڭ قازاقستانعا ساپارىنا تولى بولدى – ٴسىم

فوتو: СІМ ресми сайты

استانا، baq.kz ٴتىلشىسى. جوعارعى جانە جوعارى دەڭگەيلەردە قازاقستانعا – 20 مەملەكەت باسشىلارى، 16 ۇكىمەت باسشىلارى، 24 سىرتقى ساياسات ۆەدومستۆولارىنىڭ جانە حالىقارالىق ۇيىمداردىڭ 2 باسشىلارى ساپارمەن كەلدى.

سىرتقى ىستەر مينيسترلىگىنىڭ رەسمي وكىلى ايبەك سمادياروۆ جىل قورىتىندىسى رەتىندە بريفينگ وتكىزدى.

"2018 جىلدى قورىتىندىلاي كەلە، ٴوتىپ بارا جاتقان جىل سىرتقى ساياسات باعىتىنداعى بەلسەندىلىگى جاعىنان ٴتيىمدى بولعانىن اتاپ وتكىمىز كەلەدى. قازاقستاننىڭ سىرتقى ساياساتى پرواكتيۆتى، پراگماتيكالىق جانە دايەكتىلىك پرينسيپتەرىندە نەگىزدەلگەن كوپۆەكتورلى كۋرسىن جالعاستىردى. 2018 جىل قازاقستان پرەزيدەنتى نۇرسۇلتان نازاربايەۆتىڭ الەمدەگى بەيبىتشىلىك، قاۋىپسىزدىك پەن ورنىقتى دامۋ ماسەلەلەرى بويىنشا حالىقارالىق باستامالارى حالىقارالىق قوعامداستىق تاراپىنان وڭ ناتيجەگە يە بولا الدى. سونداي-اق سىرتقى ەكونوميكالىق ىنتىماقتاستىقتى دامىتۋ، ينۆەستيسيالاردى تارتۋ جانە ينتەگراسيالىق پروسەستەردى نىعايتۋ تۇرعىسىنان ٴتيىمدى ناتيجەگە يەلەندى"، - دەدى ول.

ايتۋىنشا، ۆەدومستۆو مەملەكەت باسشىسىنىڭ شەتەلدىك ينۆەستيسيانى تارتۋ ماقساتىنداعى تاپسىرمالارىن ورىنداپ، وسى جىلدا 30،6 ملرد دوللارىنان استام سوماعا 135 قۇجاتقا قول قويىلعان.

"ەلباسىمىزدىڭ ەلىمىزدىڭ سىرتقى ساياساتىن «ەكونوميزاسيالاۋ» بويىنشا نۇسقاۋلىقتارىنا سايكەس، ساۋدا جانە ەكونوميكالىق ديپلوماتيانىڭ دامۋى، قازاقستان ەكونوميكاسىنىڭ باسىم سالالارىنا شەتەلدىك ينۆەستيسيالاردى جانە يننوۆاسيالىق تەحنولوگيالاردى تارتۋعا قولعابىس كورسەتۋ، سونداي-اق قازاقستاندىق كاسىپورىنداردىڭ ونىمدەرىن سىرتقى نارىقتارعا ىلگەرىلەتۋ - ٴبىزدىڭ مينيسترلىگىمىزدىڭ قىزمەتىنىڭ باستى باسىمدىقتاردىڭ ٴبىرى. 2018 جىلدىڭ باسىنان باستاپ شەت ەلدەرگە جانە شەتەلدىك ليدەرلەرىنىڭ ٴبىرقاتار جوعارعى دەڭگەيدەگى ساپارلارى ورىن الىپ، ولاردىڭ قورىتىندىسى بويىنشا 30،6 ملرد. اقش دوللارىنان استام سوماعا 135 قۇجاتقا قول قويىلدى. پرەزيدەنتتىڭ شەتەلگە جانە شەتەلدىك ليدەرلەرىنىڭ قازاقستانعا جاساعان ساپارلارى بارىسىندا قول جەتكىزىلگەن ۋاعدالاستىقتاردىڭ جۇزەگە اسىرىلۋىنا مونيتورينگ جۇرگىزۋ بويىنشا ىسكە اسىرىلىپ جاتقان جۇمىستى جالعاستىردىق. ترانسۇلتتىق كورپوراسيالارمەن بىرلەسكەن ينۆەستيسيالىق جوبالار تۋرالى كەلىسىمدەرگە ەرەكشە نازار اۋدارىلدى"، - دەپ جالعاستىردى سمادياروۆ.

ول ۆەدومستۆو وتاندىق كومپانيالاردىڭ ٴونىمىن شەتەلگە ەكسپورتتاۋدا سەپتىگىن تيگىزىپ كەلە جاتقانىن اتاپ ٴوتتى.

"مينيسترلىك شاعىن جانە ورتا بيزنەس سۋبەكتىلەرىنە ەرەكشە نازار اۋدارۋدا. ينۆەستيسيالاردى تارتۋدا نەمەسە ٴوز ونىمدەرىن ەكسپورتقا ىلگەرىلەتۋگە قىزىعىشۋلىق بىلدىرگەن وتاندىق كومپانيالارمەن تىكەلەي ٴوزارا ٴىس-قيمىل جۇزەگە اسىرىلدى. ٴبىرقاتار قازاقستاندىق كومپانيالاردان ەكسپورتتى ىلگەرىلەتۋگە نەمەسە ينۆەستيسيالاردى تارتۋ بويىشا وتىنىشتەرى پىسىقتالدى. ٴبىز ٴوز تاراپىمىزدان قازاقستاندىق بيزنەسكە قولداۋ كورسەتۋ بويىنشا جۇمىستى ودان ٴارى جالعاستىرامىز. 5 شىلدەدە ەلوردادا «استانا» حالىقارالىق قارجى ورتالىعىنىڭ رەسمي حالىقارالىق تۇساۋكەسەرى ٴوتتى، وندا ەلباسى نۇرسۇلتان نازاربايەۆ پەن ٴبىرقاتار جوعارى دارەجەلى شەتەلدىك قوناقتار قاتىستى. اتالعان ٴىس-شارا سىرتقى ىستەر مينيسترلىگى مەن «استانا» حالىقارالىق قارجى ورتالىعى اراسىنداعى بىرلەسكەن جۇمىستىڭ ناتيجەسى بولدى. مينيسترلىك جانە ەلىمىزدىڭ شەتەلدەگى ديپلوماتيالىق وكىلدىكتەرى بۇل قارجى ورتالىعىن دامىتۋ پروسەسىنە جانە ونىڭ شەتەلدەگى ارىپتەستەرىمەن قارىم-قاتىناستارىن ورناتۋعا بەلسەندى ات سالىستى"، - دەپ جالعاستىردى رەسمي وكىل.

2020 جىلدىڭ ماۋسىمىندا استانادا دۇنيەجۇزىلىك ساۋدا ۇيىمىنىڭ ٴ12-شى مينيسترلىك كونفەرەنسياسى وتەدى. شاراعا 4000-نان استام ادام قاتىسادى دەپ جوسپارلانعان.

"24 شىلدەدە جەنەۆادا وتكەن دۇنيەجۇزىلىك ساۋدا ۇيىمىنىڭ شتاب-پاتەرىندە ۇيىمنىڭ باس كەڭەسىنىڭ وتىرىسى بارىسىندا قازاقستان دۇنيەجۇزىلىك ساۋدا ۇيىمىنىڭ ٴ12-شى مينيسترلىك كونفەرەنسياسىن 2020 جىلدىڭ ماۋسىم ايىندا استانادا وتكىزۋ تۋرالى ٴوتىنىشى مۇشە ەلدەرمەن ٴبىراۋىزدان ماقۇلداندى. كونفەرەنسياعا 164 مۇشە-ەلدەردىڭ جانە ۇيىمعا باقىلاۋشى 20 ەلدىڭ ساۋدا مينيسترلەرى قاتىساتىندىعى جوسپارلانۋدا، ال ٴىس-شاراعا قاتىسۋشىلاردىڭ جالپى سانى ٴتورت مىڭنان اسادى دەپ كۇتىلۋدە. اتالعان مينيسترلىك كونفەرەنسيا 1995 جىلى قۇرىلعاننان كەيىن، العاش رەت ورتالىق ازيا ايماعىندا وتكىزىلەتىن بولادى"، - دەيدى ايبەك سمادياروۆ.

ٴسىم وكىلىنىڭ ايتۋىنشا، ۆەدومستۆو جاڭا تەحنولوگيالاردىڭ ترانسفەرتىنە، سونداي-اق قازاقستان ەكونوميكاسىنىڭ سالالارىن سيفرلاندىرۋعا ەرەكشە نازار اۋدارادى.

"مەملەكەت باسشىسىنىڭ تاپسىرماسىنا سايكەس شەت ەلدەردىڭ ەكونوميكانى سيفرلاندىرۋ سالاسىنداعى تاجىريبەسىن زەردەلەۋ، ٴوندىرىس 4.0، «بلوكچەين» تەحنولوگياسىنىڭ ەلەمەنتتەرىن ەنگىزۋ، ەلەكتروندى مەملەكەتتىك قىزمەتتەردى دامىتۋ جانە قازاقستاندا جۇمىس ىستەۋگە جەتەكشى شەتەلدىك it-كومپانيالاردى قازاقستانعا، اسىرەسە، astana hub - حالىقارالىق it-ستارتاپتاردىڭ تەحنوپاركىنىڭ جۇمىسىنا تارتۋ بويىنشا جۇمىس جۇزەگە اسىرىلدى. بۇگىنگى تاڭدا سىرتقى ىستەر مينيسترلىگىنىڭ قولداۋىمەن ٴىرى شەتەلدىك كومپانيالارمەن ەكونوميكانىڭ باسىم سەكتورلارىندا ٴبىرقاتار ينۆەستيسيالىق جوبالار ىسكە اسىرىلدى. بۇل تۇرعىدا جاڭا تەحنولوگيالار ترانسفەرتى جۇرگىزىلدى"، - دەدى ول.

ترانزيتتىك-كولىكتىك الەۋەتىن ىلگەرىلەتۋ، ەلىمىزدىڭ جانە ٴوڭىردىڭ الەممەن بايلانىستارىن قامتاماسىز ەتۋ بويىنشا جۇمىس جۇرگىزىلۋدە.

"ونىڭ ىشىندە، وسى سالانىڭ مەملەكەتتىك ورگانداردىڭ جانە ۇلتتىق كومپانيالارىنا قازاقستاننىڭ شەت ەلدەردەگى مۇددەلەرىن ىلگەرىلەتۋگە قولعابىس كورسەتۋ، بالامالى باعىتتاردى قالىپتاستىرۋ، قۇقىقتىق-شارتتىق بازانى نىعايتۋ، سونداي-اق شەتەلدىك ارىپتەستەرىمىزدى ەلىمىزدىڭ الەۋەتى تۋرالى ۇنەمى اقپاراتتاندىرۋ كىرەدى. جالپى ٴبىزدىڭ ەسەبىمىز بويىنشا، 2017-2018 جىلدار ارالىعىندا شامامەن 13،5 ملرد. اقش دوللارىن قۇرايتىن 36 جوبا باستاماشىلىق ەتىلدى نەمەسە ىسكە قوسىلدى"، - دەپ جالعاستىردى سمادياروۆ.

قازاقستاننىڭ بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەسى رەتىندە ەكى جىلدىق جۇمىسىنىڭ اياقتالۋىنا دەيىن بىرنەشە كۇن قالدى.

"ٴبىزدىڭ مۇشەلىگىمىز پرەزيدەنت نۇرسۇلتان نازاربايەۆتىڭ «ٴقاۋىپسىز، ٴادىل جانە گۇلدەنگەن الەم قۇرۋ ٴۇشىن جاھاندىق ارىپتەستىكتى نىعايتۋعا قازاقستاندىق تۇجىرىمدامالىق كوزقاراس» اتتى بىرىككەن ۇلتتار ۇيىمىنىڭ قاۋىپسىزدىك كەڭەسىنەساياسي جولداۋىندا كورسەتىلگەن جەتى باسىمدىققا سايكەس جۇزەگە اسىرىلدى. بۇل باسىمدىقتار جاپپاي قىرىپ-جوياتىن قارۋدى تاراتپاۋ، حالىقارالىق قاقتىعىستاردى شەشۋ، ورتالىق ازيا مەن اۋعانستانداعى قاۋىپسىزدىكتى نىعايتۋ، حالىقارالىق لاڭكەستىككە قارسى كۇرەس، افريكا قۇرلىعىنداعى بەيبىتشىلىك پەن قاۋىپسىزدىكتى قامتاماسىز ەتۋ، تۇراقتى دامۋ ماقساتتارىنا جەتۋ جانە بىرىككەن ۇلتتار ۇيىمىن رەفورمالاۋ سەكىلدى ماڭىزدى ماسەلەلەردى قامتيدى. ٴبىزدىڭ قاۋىپسىزدىك كەڭەسىندەگى ٴتوراعالىعىنىڭ باستى وقيعاسى رەتىندە 18 قاڭتاردا پرەزيدەنت نۇرسۇلتان نازاربايەۆتىڭ توراعالىعىمەن وتكەن «جاپپاي قىرىپ-جويۋ قارۋىن تاراتپاۋ: سەنىم شارالارى» اتتى تاقىرىبىندا تاقىرىپتىق بريفينگى بولدى. كەزدەسۋدىڭ قورىتىندىسى بويىنشا بىرىككەن ۇلتتار ۇيىمىنىڭ قاۋىپسىزدىك كەڭەسى ٴتوراعاسىنىڭ مالىمدەمەسى قابىلدانىپ، ونىڭ ىشىنە العاشقى رەت مەملەكەت باسشىسىنىڭ ٴبىرقاتار سىرتقى ساياسي باستامالارىن ىسكە اسىرۋعا باعىتتالعان ماسەلەلەرى ەنگىزىلدى"، - دەپ ٴبولىستى سمادياروۆ.

سونداي-اق ماڭىزدى وقيعالاردىڭ قاتارىندا 19 قاڭتاردا سىرتقى ىستەر ٴمينيسترى قايرات ٴابدىراحمانوۆتىڭ توراعالىعىمەن وتكەن «اۋعانستان مەن ورتالىق ازياداعى ايماقتىق ارىپتەستىكتى قاۋىپسىزدىك پەن دامۋدىڭ ٴوزارا تاۋەلدىلىگى ۇلگىسى» تاقىرىبىنداعى مينيسترلىك دەباتتارى بولدى.

"بۇل پىكىرتالاستاردىڭ ناتيجەسىندە بىرىككەن ۇلتتار ۇيىمى قاۋىپسىزدىك كەڭەسىنىڭ ٴتوراعاسى ورتالىق ازيا ايماعىنداعى مۇددەلى ەلدەردىڭ جانە حالىقارالىق قۇرىلىمداردىڭ قىزمەتىن ٴتيىمدى ۇيلەستىرۋگە باعىتتالعان مالىمدەمە جاسادى. 12-15 قاڭتار كەزەڭىندە قازاقستاننىڭ باستاماسى بويىنشا بىرىككەن ۇلتتار ۇيىمىنىڭ قاۋىپسىزدىك كەڭەسى دەلەگاسياسىنىڭ سوڭعى جەتى جىل ىشىندە العاشقى رەت كابۋلعا ساپارى ۇيىمداستىرىلدى، وندا اۋعان قوعامىنىڭ بارلىق توپتارىنىڭ 120-دان استام وكىلىمەن 15 كەزدەسۋ وتكىزىلدى. 28 قىركۇيەكتە بىرىككەن ۇلتتار ۇيىمى باس اسسامبلەياسىنىڭ ٴ73-شى سەسسياسى اياسىندا بۇۇ جانىنداعى مەملەكەتتەردىڭ جاھاندىق انتيتەررورلىق كواليسياسىن قۇرۋدى كوزدەيتىن پرەزيدەنت نۇرسۇلتان نازاربايەۆتىڭ باستاماسى بويىنشاتەرروريزمنەن ازات الەمگە قول جەتكىزۋ مىنەز-ق ۇلىق كودەكسى قابىلداندى. بۇگىنگى تاڭدا كودەكسكە قوسىلعان ەلدەردىڭ سانى 76-عا دەيىن جەتتى"، - دەدى سمادياروۆ.

ٴسىم وكىلى بىرىككەن ۇلتتار ۇيىمىنىڭ قاۋىپسىزدىك كەڭەسىندەگى مۇشەلىگىمىزدىڭ ەڭ جارقىن مۇرالارىنىڭ ٴبىرى قازاقستان قارۋلى كۇشتەرىنىڭ تاريحىندا العاش رەت بىرىككەن ۇلتتار ۇيىمىنىڭ ليۆانداعى ۋاقىتشا كۇشتەرىنىڭ قاتارىنا بۇۇ-نىڭ بەيبىتشىلىكتى قولداۋ جونىندەگى ميسسياسىنا 120 ادامنان تۇراتىن بىتىمگەرشىلىك كونتينگەنتى جىبەرىلگەنىن اتاپ ٴوتتى.

"ٴبىز بىرىككەن ۇلتتار ۇيىمىنىڭ قاۋىپسىزدىك كەڭەسىنە مۇشەلىگىمىزدى، ەڭ الدىمەن، الەمدىك قاۋىمداستىق ٴۇشىن ۇلكەن جاۋاپكەرشىلىك رەتىندە قاراستىرامىز. ٴبىزدىڭ ەلىمىز بۇۇ-نىڭ كۇن تارتىبىندەگى بارلىق ماسەلەلەر بويىنشا تولىعىمەن دەربەس ساياسات جۇرگىزىپ، كەڭەستىڭ جۇمىسىنا قاۋىپسىزدىك كەڭەسى اياسىنداعى قىزمەتتىڭ نەگىزگى باسىمدىقتارىنا سىندارلى ۇلەس قوسۋعا ۇمتىلدى"، - دەدى ول.

رەسمي وكىل كاسپيي ٴسامميتىنىڭ ماڭىزىنا دا توقتالدى.

"ٴوتىپ بارا جاتقان جىل ەلىمىزدە ٴىرى حالىقارالىق ٴىس-شارالاردى وتكىزۋدە ٴداستۇرلى تۇردە بەلسەندى بولدى.

قازاقستاندا وتكىزىلگەن ماڭىزدى حالىقارالىق ٴىس-شارالار قاتارىندا قازاقستان، ازەربايجان، يران، رەسەي جانە تۇرىكمەنستان پرەزيدەنتتەرىنىڭ قاتىسۋىمەن اقتاۋدا وتكەن كاسپيي ماڭى مەملەكەتتەرىنىڭ ٴ5-شى ٴسامميتىن اتاپ وتەمىز. بۇل سامميت كاسپيي تەڭىزىنىڭ قۇقىقتىق مارتەبەسى تۋرالى كونۆەنسياعا قول قويۋىمەن ەرەكشەلەنىپ، جاعالاۋداعى بارلىق مەملەكەتتەردىڭ ىنتىماقتاستىعىنىڭ قۇقىقتىق رەجيمىن بەلگىلەدى. بۇل حالىقارالىق قۇجاتپەن، كاسپييدەگى قىزمەتتىڭ نەگىزگى قاعيداتتارى بەكىتىلىپ، تاراپتاردىڭ تەڭىزدەگى، سونىڭ ىشىندە ونىڭ سۋىن، ٴتۇبىن، جەر قويناۋىن، تابيعي رەسۋرستاردى جانە اۋە كەڭىستىگىن پايدالانۋ جونىندەگى قۇقىقتارى مەن مىندەتتەرى ايقىندالدى. ەلباسى نۇرسۇلتان نازاربايەۆ بۇل قۇجاتتى «كاسپييدىڭ كونستيتۋسياسى» دەپ سيپاتتاعاندىعى كەزدەيسوق ەمەس"، - دەدى سمادياروۆ.

سيريا بويىنشا استانا پروسەسى 2019 جىلدىڭ اقپانىندا وتەتىنىن تاعى اتاپ ٴوتتى.

"سيرياداعى جاعدايدى رەتتەۋ بويىنشا استانا پروسەسى ٴوز جۇمىسىن جالعاستىردى. بۇگىنگى تاڭعا دەيىن استانا فورماتىندا كەلىسسوزدەردىڭ 11 راۋندى وتكىزىلدى، بۇل سيريا ۇكىمەتى مەن سيريا قارۋلى وپپوزيسياسى اراسىنداعى كەلىسسوزدەر پروسەسىندە ماڭىزدى كەدەرگىلەردى جەڭۋگە مۇمكىندىك بەردى. سيرياداعى قاقتىعىستى شەشۋدە استانا پروسەسىنىڭ ماڭىزدىلىعىن جەتە باعالاماۋ مۇمكىن ەمەس. كەيبىر قيىندىقتارعا قاراماستان، استاناداعى كەلىسسوزدەر وزدەرىنىڭ تيىمدىلىگىن دالدەي الدى. استانا پروسەسى باستالعالى بەرى، قاقتىعىس اۋقىمى مەن قارقىندىلىعى ەلەۋلى تۇردە تومەندەپ، سيرياداعى ادامدارعا گۋمانيتارلىق كومەك كورسەتۋ ٴۇشىن قاجەتتى جاعدايلاردى جاساۋ بويىنشا جۇمىستار جالعاستى. بۇدان بۇرىن جاريالانعانداي، استانادا پروسەسىنىڭ كەزەكتى راۋندى 2019 جىلدىڭ اقپانىندا وتەدى"، - دەدى ول.

سىرتقى ىستەر مينيسترلىگىنىڭ رەسمي وكىلى 2018 جىلدا وتكەن ماڭىزدى شارالار تىزبەگىن جالعاستىردى.

"سونداي-اق، ٴبىزدىڭ ەلىمىز ٴبىرقاتار ماڭىزدى حالىقارالىق فورۋمداردىڭ ۇيىمداستىرۋشىسى بولدى، ونىڭ ىشىندە ناۋرىز ايىندا استانادا وتكەن ورتالىق ازيا ەلدەرى كوشباسشىلارىنىڭ كونسۋلتاتيۆتىك كەزدەسۋىن اتاپ وتكىمىز كەلەدى. بۇل كەزدەسۋ ايماقتاعى ينتەگراسيالىق پروسەستەردى نىعايتۋعا جانە ٴوزارا ىقپالداستىقتىڭ بارلىق سالالارىندا ىنتىماقتاستىققا جاڭا سەرپىن بەرە الدى; سونداي-اق مامىر ايىندا ٴ11-شى استانا ەكونوميكالىق فورۋمى; قازاندا استانادا الەمدىك جانە ٴداستۇرلى دىندەر ليدەرلەرىنىڭ 6-شى سەزى ٴوتتى. بەلگىلى بولعانداي، 2018 جىلى قازاقستان ۇجىمدىق قاۋىپسىزدىك تۋرالى شارت ۇيىمىنا ٴتوراعالىق ەتتى. قاراشادا استانادا ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەر باسشىلارىنىڭ ٴسامميتى ٴوتىپ، ونىڭ بارىسىندا ۇيىم قىزمەتىنىڭ تيىمدىلىگىن ارتتىرۋ جانە ودان ٴارى جاقسارتۋعا باعىتتالعان 20-دان استام قۇجاتقا قول قويىلدى. سونداي-اق، قاراشادا استانادا تمد ۇكىمەت باسشىلارى كەڭەسىنىڭ وتىرىسى، ال پەتروپاۆلدا قازاقستان مەن رەسەي ٴوڭىرارالىق ىنتىماقتاستىعىنىڭ ٴ15-شى فورۋمى بولىپ ٴوتتى"، - دەپ اتاپ ٴوتتى.

قازاقستاننىڭ ٴتۇرلى حالىقارالىق ينتەگراسيالىق بىرلەستىكتەر تۇرعىسىندا ىنتىماقتاستىقتىڭ نىعايۋى جالعاسۋدا.

"تاۋەلسىز مەملەكەتتەر دوستاستىعى كەڭىستىگىندەگى مەملەكەتارالىق ينتەگراسيالىق ۇيىمدار جەلىسىندە تمد، ەۋرازيالىق ەكونوميكالىق وداق جانە ۇجىمدىق قاۋىپسىزدىك تۋرالى شارت ۇيىمىمەن ٴوزارا ٴىس-قيمىل بويىنشا جۇمىستار ٴوز جالعاسىن تاپتى. قازاقستان مەن ەۋرووداق اراسىنداعى ەۋروپالىق باعىتتا ىنتىماقتاستىقتى ودان ٴارى دامىتۋعا باعىتتالعان ٴوزارا ارەكەتتەسۋ سالاسىندا ٴبىرقاتار ماڭىزدى ٴىس-شارالار جۇزەگە اسىرىلدى. ايتا كەتەرلىك جايت، بيىل قازاقستان ەۋروپالىق وداقپەن ديپلوماتيالىق قارىم-قاتىناستاردى ورناتقانىنا 25 جىل اتاپ ٴوتىلدى. 2018 جىلى ەۋرووداقپەن ىنتىماقتاستىق سالاسىنداعى ماڭىزدى جەتىستىكتەر قاتارىندا قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى راتيفيكاسيالاۋ بويىنشا پروسەسىنىڭ ىلگەرىلەنۋىن اتاپ وتكەن ٴجون. بۇل كەلىسىم 28 ەلدىڭ ٴ25-ى راتيفيكاسيالادى. كيپر، يتاليا، نيدەرلاندى ازىرگە راتيفيكاسيالاعان جوق"، - دەدى ول.

سمادياروۆ ەلشى باعداد امىرەەۆ تۇركى كەڭەسىنىڭ جاڭا باس حاتشىسى بولىپ تاعايىندالعانىن اتاپ ٴوت

"تۇركى الەمىندەگى ينتەگراسيالىق پروسەستەردى دامىتۋداعى ماڭىزدى وقيعا قىرعىزستانداعى تۇركىتىلدەس مەملەكەتتەردىڭ ىنتىماقتاستىق كەڭەسىنىڭ 6-شى ٴسامميتىن وتكىزۋ بولدى. ونىڭ ناتيجەسىندە قورىتىندى دەكلاراسيا، سونداي-اق قازاقستان پرەزيدەنتى نۇرسۇلتان نازاربايەۆ 2014 جىلى تۇركى كەڭەسىنىڭ ٴ4-شى ٴسامميتى شەڭبەرىندە ۇسىنعان تۇركىتىلدەس مەملەكەتتەردىڭ ينتەگراسيالىق تۇجىرىمداماسى قابىلداندى. 6-شى سامميت قورىتىندىسى بويىنشا ەلىمىزدىڭ بەدەلدى ديپلوماتى، ەلشى باعداد امىرەەۆ تۇركى كەڭەسىنىڭ جاڭا باس حاتشىسى بولىپ تاعايىندالعانىن اتاپ وتكىمىز كەلەدى"، - دەپ ٴبولىستى سمادياروۆ.

ٴسىم وكىلى مەملەكەت باسشىسىنىڭ اقش، رەسەي، قىتاي جانە ەۋروپا وداعى باسشىلارىنىڭ ەلدەرى اراسىنداعى وتكىر پروبلەمالاردى تالقىلاۋعا كەزدەسۋگە شاقىرىپ، مۇنداي ٴسامميتتى وتكىزۋ پلاتفورماسى رەتىندە استانانى ۇسىنعانىن اتاپ ٴوتتى.

"قازاقستاننىڭ ازيا مەن ەۋروپا ەلدەرىمەن سەرىكتەستىگىنىڭ جۇمىسى بويىنشا، اسىرەسە ازيا-ەۋروپا فورۋمىنىڭ قىزمەتى شەڭبەرىندە قازان ايىندا بريۋسسەلدە وتكەن ٴ12-شى اسەم سامميتىندە مەملەكەت باسشىسى نۇرسۇلتان نازاربايەۆتىڭ قاتىسۋى ايتارلىقتاي وقيعا بولدى. بۇل ٴىس-شارعا 46 مەملەكەت جانە ۇكىمەت باسشىلارى، ەۋروپالىق كەڭەستىڭ، ەۋروپالىق كوميسسيانىڭ جانە اسەان حاتشىلىعىنىڭ باسشىلىقتارى قاتىستى.

حالىقارالىق اۋديتوريا وكىلدەرىنە جاھاندىق قاۋىپسىزدىكتىڭ وزەكتى پروبلەمالارى بويىنشا قازاقستاندىق كوزقاراستار جەتكىزىلىپ، ولاردى شەشۋگە دەگەن شاقىرۋلار ايتىلدى. اتاپ ايتقاندا، مەملەكەت باسشىسى اقش، رەسەي، قىتاي جانە ەۋروپا وداعى باسشىلارىنىڭ ەلدەرى اراسىنداعى وتكىر پروبلەمالاردى تالقىلاۋعا كەزدەسۋگە شاقىرىپ، مۇنداي ٴسامميتتى وتكىزۋ پلاتفورماسى رەتىندە استانانى ۇسىندى"، - دەدى ول.

ايتۋىنشا، شانحاي ىنتىماقتاستىق ۇيىمى مەن يسلام ىنتىماقتاستىعى ۇيىمىنىڭ جەلىسى بويىنشا بەلسەندى ىنتىماقتاستىق ٴوز جالعاسىن تاۋىپ كەلۋدە.

"اتاپ ايتقاندا، شانحاي ىنتىماقتاستىق ۇيىمىمەن ماڭىزدى وقيعالارىنىڭ ٴبىرى رەتىندەۇيىمنىڭ سينداوداعى ٴسامميتى بولدى. ٴىس-شارا ٴبىرىنشى رەت 2017 ج. استاناداعى ٴسامميتىنىڭ قورىتىندىسى بويىنشا ۇيىمعا مۇشەلىك العان ٴۇندىستان جانە پاكىستان قاتىسۋىمەن «سەگىز جاقتى» فورماتىندا ٴوتتى. يسلام ىنتىماقتاستىعى ۇيىمىمەن ىنتىماقتاستىقتىڭ ماڭىزدى ناتيجەلەرىنىڭ ٴبىرى رەتىندە پرەزيدەنت نۇرسۇلتان نازاربايەۆتىڭ باستاماسىمەن قۇرىلعان جانە باس-پاتەرى استانا قالاسىندا ورنالاسقان ازىق-تۇلىك قاۋىپسىزدىگى جونىندەگى يسلام ۇيىمى ٴوز جۇمىسىن باستاعانىن اتاپ وتۋگە بولادى. سوندا-اق باسقا قۋانتارلىق جايتتارىنىڭ ٴبىرى يسلام ىنتىماقتاستىعى ۇيىمى باس حاتشىسىنىڭ عىلىم جانە تەحنولوگيالار ماسەلەلەرى بويىنشا ورىنباسارى لاۋازىمىنا قازاقستان ديپلوماتى، ەلشى اسقار مۋسينوۆتىڭ تاعايىندالۋى بولدى"، - دەپ جالعاستىردى ٴسوزىن.

رەسمي وكىل، ۆەدومستۆونىڭ «رۋحاني جاڭعىرۋ» باعدارلاماسى مەن ەلباسىنىڭ « ۇلى دالانىڭ جەتى قىرى» اتتى ماقالاسىن حالىقارالىق قوعامداستىق اراسىندا ناسيحاتتاۋ بويىنشا جۇمىس بەلسەندى تۇردە جۇرگىزىپ كەلە جاتقانىن ايتتى.

"ٴبىز تاريحي سانا-سەزىمدى جاڭعىرتۋ جوبالارىن ىسكە اسىرۋعا تىكەلەي قاتىسامىز، ويتكەنى ولاردىڭ بارلىعىنىڭ حالىقارالىق ولشەمى بار. مينيسترلىك جانە قازاقستان ەلشىلىكتەرى ٴبىزدىڭ زەرتتەۋشىلەرىمىزگە ٴىرى شەتەلدىك ارحيۆتەرمەن جۇمىس جاساۋدا قاجەتتى كومەك كورسەتۋدى جالعاستىرادى. الدا وتاندىق جانە شەتەلدىك عالىمدارمەن بىرلەسىپ اتقارىلاتىن 2019 جىلى استانادا دۇنيەجۇزىلىك تۇركىتانۋشىلار كونگرەسىن ۇيىمداستىرۋ بويىنشا جانە تۇتاستاي تۇركى تاريحىن زەردەلەۋ بويىنشا ۇلكەن جۇمىستار تۇر. ٴبىزدىڭ ديپلوماتتار مۇراجاي جانە كينەماتوگرافيالىق جوبالارعا، دالا فولكلورىنىڭ انتولوگيالارىن شەت تىلدەرگە اۋدارۋعا جانە ٴبىزدىڭ ەجەلگى ونەرىمىز بەن تەحنولوگيالارىمىزدى الەمدىك ارەناعا ىلگەرىلەتۋگە قاتىسۋعا دايىن"، - دەپ قورىتىندىلادى بريفينگتى ايبەك سمادياروۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي