BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

داريعا نازاربايەۆا: ەكونوميكانى دامىتۋعا كەدەرگى بولىپ وتىرعان ماسەلەلەرگە تەرەڭ تالداۋ قاجەت

استانا، baq.kz. پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ٴتوراعاسى داريعا نازاربايەۆا دۇنيەجۇزىلىك بانكىنىڭ ورتالىق ازيا جونىندەگى ايماقتىق ديرەكتورى ليليا بۋرۋنچۋكتى قابىلدادى. بۇل تۋرالى سەناتتىڭ ٴباسپاسوز قىزمەتى مالىمدەدى.

كەزدەسۋ بارىسىندا ىنتىماقتاستىقتىڭ كەلەشەگى زور باعىتتارى تالقىلاندى.

د.نازاربايەۆا قازاقستاننىڭ الەۋمەتتىك-ەكونوميكالىق دامۋىن قولداعانى ٴۇشىن العىسىن ٴبىلدىردى. دۇنيەجۇزىلىك بانك ىنتىماقتاستىق جىلدارىندا 8 ميلليارد دوللاردان اساتىن 40-تان استام جوبانى قارجىلاندىرۋ ٴۇشىن قارىز بەرگەن بولاتىن.

ل. بۋرۋنچۋك دۇنيەجۇزىلىك بانكى 2017 جىلى قازاقستانمەن قول جەتكەن ۋاعدالاستىقتاردى سارالاۋعا جانە ىنتىماقتاستىقتىڭ باسىم باعىتتارىن ايقىنداۋعا باعىتتالعان ەلىمىز بويىنشا تۇرعىدا جۇيەلى تالداۋ جۇرگىزگەنى تۋرالى حاباردار ەتتى. قازىرگى كەزدە ٴبىزدىڭ ەلىمىزبەن 2019-2023 جىلدارعا ارنالعان جاڭا ارىپتەستىك ستراتەگياسى ازىرلەنۋدە. ول سونداي-اق وزەكتى ماسەلەلەردى اتاپ ٴوتىپ، ٴبىرقاتار ۇسىنىستار ايتتى. اتاپ ايتقاندا، ەكونوميكانى ٴارتاراپتاندىرۋ، بيزنەسكە قولايلى جاعداي قالىپتاستىرۋ، ەكونوميكاداعى مەملەكەت ۇلەسىن قىسقارتۋ، مەملەكەتتىك سۋبسيديا بەرۋدىڭ تيىمدىلىگىن ارتتىرۋ جايى قوزعالدى.

ىنتىماقتاستىقتىڭ باسىمدىقتارى رەتىندە د.نازاربايەۆا مەملەكەتتىك باسقارۋدىڭ تيىمدىلىگىن ارتتىرۋ، ەكونوميكانى سيفرلاندىرۋ، بيۋدجەت زاڭناماسىن جەتىلدىرۋدى ٴبولىپ ايتتى. سەناتور دۇنيەجۇزىلىك بانكىگە يندۋستريالىق-يننوۆاسيالىق دامۋدىڭ مەملەكەتتىك باعدارلاماسىنىڭ تيىمدىلىگىنە ەگجەي-تەگجەيلى تالداۋ جۇرگىزۋدى ۇسىندى. ەكونوميكانى ٴارتاراپتاندىرۋ باياۋ جۇرۋدە. ەلىمىز ٴالى دە شيكىزات رەسۋرستارىن ەكسپورتتاۋعا تاۋەلدى بولىپ وتىر.

«ٴبىزدىڭ ەكونوميكانى دامىتۋعا ساپالى سەرپىن بەرۋگە كەدەرگى بولىپ وتىرعان وزەكتى ماسەلەلەردى انىقتاۋ ٴۇشىن بەيتاراپ كوزقاراس پەن كاسىبي تۇردەگى تەرەڭ تالداۋ قاجەت»، - دەدى سەناتور.

سەنات كوميتەتىنىڭ ٴتوراعاسى بيىلعى قىركۇيەكتە استانادا وتكەن اۋعانستان ايەلدەرىنىڭ قۇقىقتارى مەن مۇمكىندىكتەرىن كەڭەيتۋ جونىندەگى ايماقتىق كونفەرەنسيا وتكىزۋدەگى دۇنيەجۇزىلىك بانكىنىڭ ۇلەسىن اتاپ ٴوتتى. قازاقستان ازاماتتىق ماماندىقتاردى وقىتۋ ٴۇشىن اۋعاندىق جاستارعا 50 ميلليون دوللار قوسىمشا گرانت بولگەن بولاتىن. اۋعانستانعا ايەل دارىگەر دايارلاۋعا ەرەكشە نازار اۋدارۋ كەرەك. د.نازاربايەۆا اۋعانستانداعى جاعدايدى تۇراقتاندىرۋ جانە الەۋمەتتىك-ەكونوميكالىق دامۋعا ينۆەستيسيا سالۋعا ارنالعان ىنتىماقتاستىق پەن كەلىسىمدەردى جالعاستىرۋ كەرەك، دەپ سانايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي