BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جانازا مەن قۇداي تاماقتاعى ىسىراپشىلدىققا قارسى شارا قولدانىلماق

فوتو: Restoran.kz

قازاق حالقى ٴار نارسەنىڭ قادىرىنە جەتە بىلگەن. بابالارىمىز «بارعا قاناعات، جوققا سابىر» دەپ ٴتاۋبا ەتىپ، اللا بەرگەن ىرىزدىق، نەسىبەسىن قاناعات ەتىپ كەلگەن. قولىنداعى بارىن از بولسا ۋايىمداماي، كوپ بولسا تاسىماي ٴومىر سۇرگەن جۇرتپىز. دەگەنمەن بۇگىنگى تاڭدا ىسىراپشىلدىق پەن قاناعاتسىزدىق ەتەك جايىپ، شاريعاتقا دا داستۇرىمىزگە دە تىم جات ارەكەتتەر ورىن الۋدا، دەپ حابارلايدى قمدب ٴباسپاسوز قىزمەتى.

وسى ٴبىر تۇيىتكىلدىڭ ٴتۇيىنىن تارقاتىپ، حالىقتى تۋرالىققا باستاۋ ماقساتىندا، بۇگىن قاسيەتتى جۇما كۇنى «ھيباتۋللا تارازي» مەشىتىندە «بولاشاققا باعدار: رۋحاني جاڭعىرۋ» اتتى دوڭگەلەك ۇستەل ٴوتتى. اتالعان جيىنعا جامبىل وبلىسىنىڭ اقساقالدار كەڭەسى مەن وبلىس جانە قالا يمامدارى، وبلىستىق ٴدىن ىستەرى باسقارماسىنىڭ ٴبولىم باسشىسى، باق وكىلدەرى قاتىستى.

اقساقالدار قوعامداعى جانازا مەن قۇداي تاماقتاعى ىسىراپشىلدىققا نارازى. ال قاشاندا ورتادا ادىلدىك ورناتىپ وتىراتىن قاريالار بۇل تۋراسىندا ٴدىن ماماندارى مەن ٴبىر جەڭنەن قول، ٴبىر جاعادان باس شىعارىپ بىرگە ارەكەت ەتۋدى ٴجون كورىپ وتىر.

باس قوسۋ بارىسىندا قمدب-نىڭ جامبىل وبلىسىنداعى وكىلى «ھيباتۋللا تارازي» مەشىتىنىڭ باس يمامى دانيار قاجى جۇمابايەۆ ىسىراپشىلدىق، قاناعاتسىزدىق تۋرالى ٴسوز سويلەپ، ٴدىن مەن ٴداستۇردى تىلگە تيەك ەتتى. بۇل باستاما ٴۇشىن ارنايى اشىق حات جاسالىپ، ونى «عۇمىر-داريا» گازەتىنىڭ ديرەكتور-باس رەداكتورى ج.ميلليونوۆ تانىستىرىپ ٴوتتى.

اشىق حاتتا قاريالار: جانازا وتكىزۋ ٴتارتىبى; قۇداي تاماقتارداعى ىسىراپشىلدىق; قارا كيىنۋ تۋرالى ٴسالت-داستۇر نە دەيدى؟ ۇلتتىڭ رۋحاني دامۋىنا ارنالعان بۇقارالىق اقپارات قۇرالدارى قاجەت دەگەن ٴتورت نەگىزگى جايتتارعا توقتالدى.

«بىزدەر، جامبىل وبلىسىنىڭ ٴبىر توپ ارداگەر-اقساقالدارى ەل پرەزيدەنتى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىن ٴوز ورتامىزدا تالقىلاپ، پىكىر الىسقاننان كەيىن اتا-بابالارىمىز عاسىرلار بويى ۇستانىپ كەلگەن يسلام ٴدىنىنىڭ ادەپ-عۇرپىن، راسىمدەرىن ۇستانۋدىڭ قازىرگى كەزگە ٴتان قىنجىلىس تۋعىزار ماسەلەلەرى تۋرالى جۇرتشىلىققا اشىق حاتپەن قايىرىلۋدى ٴجون سانادىق،» - دەيدى حات ماتىنىندە.

ارداگەرلەر ٴوز پىكىرلەرىن ٴبىلدىرىپ، ۇسىنىستارىن بەلسەندى تۇردە ورتاعا سالىپ تالقىلاستى. سونىمەن قاتار اقساقالدارعا مەشىت اتىنان «جانازا وتكىزۋ راسىمدەرى» كىتابى سىيعا تارتىلدى. ماجىلىستە قۇداي تاماققا ارنالىپ جاسالاتىن داستارحاننىڭ توي داستارحانىمەن بىردەي بولاتىندىعى، ونىڭ ىسىراپ ەكەندىگى ايتىلىپ، بۇعان قولداناتىن شارا دا قاراستىرىلدى.

جيىن سوڭىندا «اتا-بابادان كەلە جاتقان اسىل قاسيەت – قاناعاتتى ارداقتاپ، ىسىراپقورلىق جاساۋدان اۋلاق بولايىق!» اتتى اشىق حاتقا وبلىستىڭ ارداگەر-اقساقالدارى مەن وبلىستىڭ باس يمامى دانيار جۇمابايەۆ جانە قالانىڭ باس يمامى قانات جۇماعۇلوۆ قول قويدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي