BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ياساۋي كەسەنەسى اۋماعىنداعى تاريحي ورىندار قالپىنا كەلتىرىلەدى

استانا، baq.kz. بۇگىن تۇركىستان قالاسىنا قر پرەمەر-مينيسترىنىڭ ٴبىرىنشى ورىنباسارى اسقار مامين باستاعان جۇمىسشى توپ كەلدى. وبلىس ورتالىعىنىڭ دامۋ جوسپارىمەن ارنايى تانىسۋعا كەلگەن دەلەگاسيانى ايماق باسشىسى جانسەيىت تۇيمەبايەۆ ٴبىرقاتار نىسانداردى تانىستىردى.

ٴىس ساپار بارىسىندا «ازىرەت سۇلتان» مەملەكەتتىك تاريحي-مادەني قورىق-مۋزەيىنە قاراستى «حان مەشىتى»، «حان ورداسى» جانە كۇلتوبە قالاشىعى مەن «جەتى اتا»، «داربازا»، «ٴمۇساللا»، «تاكيا» قاقپالارىن ارالادى.

« ۇلى دالانىڭ جەتى قىرى» باعدارلامالىق ماقالاسى مەن قالانى تۇركى دۇنيەسىنىڭ رۋحاني استاناسى رەتىندە تانىتۋ جانە تاريحي ورىنداردىڭ ٴتول كەلبەتىن ساقتاي وتىرىپ، جانداندىرۋ ماقساتىندا مادەنيەت جانە سپورت مينيسترلىگى تۇركىستان قالاسىنداعى 88،7 گەكتار اۋماقتا ورنالاسقان ورتا عاسىرداعى تاريحي-مادەني مۇرا وبەكتىلەرىنىڭ تاريحي كەلبەتىن انىقتاۋعا جانە قالپىنا كەلتىرۋگە ارنالعان جوبانى دايىنداپ شىققان بولاتىن.

جوبانى ازىرلەۋگە قويىلاتىن بارلىق حالىقارالىق نورمالار مەن تالاپتاردى ساقتاۋ ماقساتىندا جەتەكشى عالىمدار مەن حالىقارالىق ساراپشىلار تارتىلىپ، العاشقى دەرەكتەر، عىلىمي جانە مۇراعات مالىمەتتەرى زەرتتەلسە، بارلىق ۇسىنىلعان رەكونسترۋكسيالار جانە ارحەولوگيالىق جۇمىستار يۋنەسكو وكىلدەرىمەن كەلىسۋ ارقىلى جۇزەگە اسپاق. بۇل جونىندە قر مادەنيەت جانە سپورت ٴمينيسترى ارىستانبەك مۇحامەدي ۇلى مالىمدەدى.

«بۇل جۇمىستارعا ٴبىز بەلگىلى حالىقارالىق ساراپشىلاردى قاتىستىردىق جانە «ازىرەت سۇلتان» قورىق-مۋزەيىنىڭ تۇجىرىمداماسىنا سايكەس كەلەتىن يزرايل، يسپانيا، ۇلىبريتانيا، ٴۇندىستان، تۇركيا، وزبەكستان جانە تاعى باسقا مەملەكەتتەردىڭ الەمگە ايگىلى تاريحي كەشەندەرى مەن مۋزەيلەرىن ساقتاۋ جانە رەستاۆراسيالاۋ تاجىريبەسىن مۇقيات زەرتتەدىك. جوبادا ەجەلگى ريم قالاسىنداعى پومپەي، يەرۋساليم قالاسى، وسمان يمپەرياسىنىڭ ٴىرى سارايى "توپقاپى"، مەۆلانا مۋزەيى ٴتارىزدى، سونداي-اق يۋنەسكو وبەكتىلەرى بولىپ تابىلاتىن جانە جىل سايىن جۇزدەگەن ميلليون تۋريستەردى قابىلدايتىن تاريحي كەشەندەردى رەكونسترۋكسيالاۋدىڭ جانە قالپىنا كەلتىرۋدىڭ ۇزدىك حالىقارالىق تاجىريبەلەرى ەسكەرىلدى»،-دەدى مينيستر.

«ازىرەت سۇلتان» تاريحي-مادەني قورىق-مۋزەيىنە قاراستى xi-xii عاسىرلارعا ٴتان «جۇما مەشىتى» - بۇگىنگە دەيىن جەتكەن 40 مەشىتتىڭ ٴبىرى. مەشىت عيماراتى بويىنشا ميحرابپەن تولىق قالپىنا كەلتىرۋ جۇمىستارىن ورىنداۋ جوسپارلانسا، باستىرماعا جاپسارلاس سالىنعان دۋالداردى دەمونتاجداۋ، قۇدىقتى قالپىنا كەلتىرۋ جانە اۋماقتى اباتتاندىرۋ جۇمىستارى جاسالماق.

«قىلۋەت» جەراستى مەشىتىن - قالپىنا كەلتىرۋ جۇمىستارى اياسىندا جەر استى قۇرىلىسىنىڭ كوتەرگىش قۇرىلىمدارى مەن ىرگەتاسىن نىعايتۋ، ىشكى ٴۇي-جايدى قالپىنا كەلتىرۋ جانە ىرگەلەس اۋماقتى اباتتاندىرۋ جوسپارلانۋدا.

"جەتى اتا" قاقپاسىنان كەسەنەگە دەيىنگى اۋماقتىڭ پانورامالىق ٴتۇرىن قالپىنا كەلتىرۋ ماقساتىندا ورتالىق ماگيسترالدى كوشەلەردىڭ ٴبىرى قايتا جاڭعىرتىلسا، «داربازا»، «ٴمۇساللا» جانە «جەتى اتا» قاقپالارى دا تاريحي قالىپقا ەنبەك.

ورتاعاسىرلىق قىسقى حان ورداسىنىڭ تاريحي ورنى مەن سول كەزەڭنىڭ تۇرمىس-تىرشىلىگىن بەينەلەيتىن كورىنىسى، بوياۋى ٴتول تۇرىنە ەنە وتىرىپ، تاريحي جانە مادەني الەۋەتىن، تۇركىستان قالاشىعىنىڭ قازاق حاندىعىنىڭ ٴىرى ساياسي ورتالىعى رەتىندەگى ماڭىزدىلىعىن دالەلدەيدى. سونداي-اق، ارحەولوگيالىق جۇمىستاردىڭ ناتيجەسىندە ورتاعاسىرلىق كوشەنىڭ كىرە بەرىس ىزدەرى مەن حان ورداسى قورشاۋىنىڭ ىرگەتاسى تابىلدى. نەگىزگى فراگمەنتتەر قالپىنا كەلتىرىلىپ، باسقا قۇرىلىستاردى ىزدەستىرۋ جۇمىستارى جالعاستىرىلاتىن بولادى.

ال، كۇلتوبە قالاشىعى اشىق اسپان استىنداعى مۋزەيگە اينالدىرىلادى.

قورىق-مۋزەيگەن قاراستى وزگە دە نىسانداردىڭ قۇرىلىس جۇمىستارى جاڭا جىلدان باستاۋ الماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي