BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ياساۋي حيكمەتتەرى العاش رەت مۋزىكا تىلىمەن ناسيحاتتالادى

استانا،baq.kz. ەرتەڭ ەلورداداعى «استانا» كونسەرت زالىندا قوجا احمەت ٴياساۋيدىڭ حيكمەتتەرىن سازعا قوسقان اعايىندى سەرىكجان مەن ٴالىبي ٴابدىنۇروۆتاردىڭ «ازىرەت قونعان تۇركىستان» اتتى كونسەرتى وتەدى.

العاشقى رەت كاسىبي مۋزىكا تىلىمەن ناسيحاتتايتىن، ياساۋي حيكمەتتەرىمەن تانىستىراتىن شىعارماشىلىق كەش –قوجا احمەت ٴياساۋيدىڭ سوڭىندا قالعان تەلەگەي-تەڭىز رۋحاني مۇراسىن ناسيحاتتاۋدى ماقسات تۇتادى.

كونسەرتكە استانا قالاسى مەملەكەتتىك فيلارمونياسىنىڭ اكادەميالىق سيمفونيالىق وركەسترى، كامەرالىق حورى، جەكە ورىنداۋشىلار جانە پاۆلودار قالاسىنان ارنايى كەلگەن ۆوكالدىق كۆينتەت (انشىلەر توبى) قاتىسادى دەپ كۇتىلۋدە.

كەش بارىسىندا ٴداستۇرلى انشىلەر - «ەي، سوپى»، «راسۋلدىڭ ريزالىعى»، «سالاۋات»، «اش، ەي مومىن كوزىڭدى»، قىلقوبىزبەن - «ديۋاني حيكمەت»، بايانمەن - «ارىستانباب»، «ابىز»، سكريپكا اسپاپتارىمەن - «كۇي-تولعاۋ»، داۋىس جانە وركەسترمەن - «ۋا، جاراتقان»، «ماڭگىلىك»، وركەسترمەن - «ٴسۇيىنشى»، «بالبال»، داۋىس، فلەيتا جانە حورمەن - «ياسسى»، سيمفونيالىق داستان - «حيكمەتتەر» شىعارمالارى ورىندالادى.

قوجا احمەت ياساۋي جالپى تۇرىكتىك مادەني جانە دۇنيەتانىمدىق كەڭىستىكتەگى ىشكى تۇتاستىقتى قالىپتاپ، يسلامدىق قۇندىلىقتارعا نەگىزدەلگەن فيلوسوفيالىق-ەتيكالىق ار-وجدان ٴىلىمىن جۇيەلەگەن رۋحاني تۇلعا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي