BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق پانتەوندا ٴارتۇرلى ٴدىننىڭ وكىلدەرى بولەك جەرلەنەدى

فوتو: Объектив.kz

الەۋمەتتىك جەلىلەردە يسلامتانۋشى قايرات جولدىباي ۇلىنىڭ ۇلتتىق پانتەونعا قاتىستى پىكىرى قىزۋ تالقىلانۋدا. اقپاراتتا ٴدىني قارىم-قاتىناس تۋرالى ٴسوز قوزعالعاندىقتان ٴدىن ىستەرى جانە ازاماتتىق قوعام مينيسترلىگىنىڭ ٴدىن ىستەرى كوميتەتى ٴوز ۇستانىمىن ٴبىلدىرۋدى قاجەت دەپ تاپقان، دەپ حابارلايدى baq.kz.

«ٴدىن سالاسى، اسىرەسە ٴارتۇرلى ٴدىني ۇستانىمداعى ادامداردىڭ اراسىنداعى قارىم-قاتىناسىنا قاتىستى سۇراقتار ٴارقاشان وتكىر جانە سەزىمتال سيپاتقا يە. بۇل ماسەلە اسىرەسە بۇگىندە بارلىق الەم دىنگە سەنۋشىلەردىڭ ٴبىر بولىگىنىڭ راديكاليزمگە بوي ۇرۋ ماسەلەسىنە بايلانىستى الاڭداۋشىلىق تانىتىپ وتىرعان جاعدايدا وزەكتى بولىپ تابىلادى.

ٴدىني تاقىرىپتى كوپشىلىك الدىندا تالقىلاۋعا بەل بايلاعان ٴاربىر ادام مۇددەسىن قورعاعىسى كەلەتىن قوعامنىڭ، ٴدىني قاۋىمداستىقتىڭ الدىندا ٴوز جاۋاپكەرشىلىگىن سەزىنۋى كەرەك. پايدا جاساۋدى قالاي وتىرىپ، سويتە تۇرا وبەكتيۆتى ەمەس اقپاراتقا سۇيەنە ٴبىرجاقتى باعالار بەرىپ، ٴپوپۋليزمدى باسشىلىققا الا وتىرىپ، قوعامداعى قاتىناستاردىڭ دامۋىنا تەرىس اسەر ەتۋگە بولادى»، دەلىنگەن حابارلامادا.

ماسەلەن، اۆتوردىڭ ايتۋىنا قاراماستان، پانتەوندا مارقۇم بولعان ٴارتۇرلى دىندەر وكىلدەرىن بولەك، سەكتورالدى جەرلەۋ قاراستىرىلعان. ارحيتەكتۋرالىق جوسپار بويىنشا ٴار سەكتور بىر-بىرىنەن بولىنگەن.

«بۇل رەتتە جەرلەۋ تۋرالى شەشىم قابىلداۋ بارىسىندا قايتىس بولعان ادامنىڭ كوزى تىرىسىندە ەرىك ٴبىلدىرۋى نەمەسە جۇبايىنىڭ (زايىبىنىڭ)، جاقىن تۋىستارىنىڭ قالاۋى ەسكەرىلەدى. پانتەوندا جەرلەنۋ قۇقىعى تەك قازاقستان رەسپۋبليكاسىنىڭ دامۋىنا ەلەۋلى ۇلەس قوسقان ازاماتتارعا عانا تيەسىلى ەكەندىگىن ايتا كەتۋ قاجەت.

ەگەر جەرلەۋ شارتتارى وسىنداي قۇقىققا لايىقتالعان تۇلعالاردىڭ ساناتىنا كىرگەن ادامنىڭ نەمەسە ونىڭ جاقىن تۋىستارىنىڭ كوڭىلىنەن شىقپاسا، بۇل ماسەلە ولاردىڭ قالاۋىن ەسكەرۋ ارقىلى شەشىلەدى»، - دەپ اتاپ وتەدى ٴدىن ىستەرى كوميەتى.

اۆتور مۇسىلمانداردى حريستيان جانە باسقا ٴدىن وكىلدەرىمەن بىرگە جەرلەۋ شاريعاتقا جانە قازاق داستۇرىنە قايشى كەلەدى دەگەن پىكىردى العا تارتادى. ٴبىراق پانتەوننىڭ جوسپارىن تالقىلاۋعا يسلام مەن حريستياندىقتى قوسا العاندا، ٴارتۇرلى كونفەسسيا وكىلدەرى قاتىستى. ال، سەكتورالدى جەرلەۋ مۇمكىندىگى تۋرالى شەشىم ولاردىڭ ۇسىنىستارىنىڭ نەگىزىندە قابىلداندى.

«ەلىمىزدە «قازاقستان مۇسىلماندارى ٴدىني باسقارماسى» ٴدىني بىرلەستىگى تىركەلگەن جانە ول مۇسىلمانداردىڭ ٴدىني قاجەتتىلىكتەرىن قاناعاتتاندىرۋعا باعىتتالعان قىزمەت اتقارادى. ونىڭ پىكىرى لەگيتيمدى جانە تولىق سەنىم تۋدىرادى. قمدب-نىڭ ٴداستۇرلى يسلام دىنىنە نەگىزدەلگەن ساليقالى دا سىندارلى ۇستانىمى بار. ول قازاقستاندىق قوعامنىڭ ٴارتۇرلى ەتنوستىق جانە ٴدىني توپتارىن بولۋگە ەمەس، كەرىسىنشە، بىرىكتىرۋگە باعىتتالعان.

وندا مۇسىلماندار مەن حريستيان زيراتتارىنىڭ اراسى ادام جۇرەتىن تاس جولمەن ٴبولىنىپ ارنايى اعاشتار وتىرعىزىلاتىنى جوسپارلانعان. جالپى پانتەونعا بولىنگەن جەردىڭ ۇلكەندىگىنە بايلانىستى جوسپارعا ساي جەرلەردى ٴبولۋ مەن ولاردىڭ اراسىنا قورشاۋ قويۋ جۇمىستارى ٴالى تولىق بىتپەگەن»، - دەيدى ٴدىن ىستەرى كوميتەتى.

اۆتوردىڭ باسقا ٴدىن وكىلدەرىنىڭ پانتەون اۋماعىندا ىشىمدىك ٴىشۋ مۇمكىندىگى تۋرالى مالىمدەمەسى ٴتىل تيگىزۋ بولىپ تابىلادى. سەبەبى ەشقانداي ٴدىن بەيىت باسىندا ىشىمدىك ىشۋگە شاقىرمايدى. سونىمەن قاتار پانتەون قوعامدىق ورىن بولىپ تابىلادى. ال قوعامدىق ورىندا ىشىمدىك ٴىشۋ زاڭمەن قۋدالاناتىندىعىن ەستە ساقتاۋ كەرەك.

«قازاقستان ٴوز ازاماتتارىنىڭ اراسىندا ٴدىني نەمەسە ەتنوستىق نىشانى بويىنشا ايىرماشىلىق جاسامايتىن زايىرلى، دەموكراتيالىق مەملەكەت بولىپ تابىلادى. وسىعان وراي، پانتەون ٴارتۇرلى ٴدىندى ۇستاناتىن ازاماتتار جەرلەنەتىن قازاقستان حالقىنىڭ بىرلىك نىشانى بولىپ تابىلادى.

ٴدىني سەنىم ٴار ازاماتتىڭ جەكە ماسەلەسى بولسا، ۇلتتىق پانتەون قانداي دا ٴبىر ٴدىننىڭ نەمەسە ەتنوستىڭ ەمەس، قازاقستاننىڭ بۇكىل كوپەتنوستى جانە كوپكونفەسسيالى حالقىنىڭ ماقتانىشى جانە تاريحىنىڭ نىساناسى بولۋى كەرەك»، دەلىنگەن حابارلامادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي