"ۇلتتىق مۋزەي سەنىڭ قالاڭدا!" مادەني تۋرى وڭتۇستىك وڭىرىندە - رۋحانيات|05 تامىز 2016، 10:42
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"ۇلتتىق مۋزەي سەنىڭ قالاڭدا!" مادەني تۋرى وڭتۇستىك وڭىرىندە

فوتو: e-history.kz

تاۋەلسىزدىكتىڭ 25 جىلدىعىنا ارناپ قازاقستان رەسپۋبليكاسى ۇلتتىق مۋزەيى بىرنەشە ىرگەلى جوبالاردى قولعا العان بولاتىن. سونداي ەلەۋلى جوبالاردىڭ ٴبىرى «ۇلتتىق مۋزەي سەنىڭ قالاڭدا!» مادەني تۋرى. مادەني ساياحات 6 ماۋسىمدا وڭتۇستىك قازاقستان وبلىسىندا وتەدى - دەپ حابارلايدى baq.kz ٴتىلشىسى.

ۇلتتىق مۋزەيدىڭ ايتۋلى شاراسى وسى ۋاقىتقا دەيىن ورال، اقتوبە، اتىراۋ، اقتاۋ قالالارىندا ۇيىمداستىرىلىپ، ونەرسۇيەر قاۋىمنىڭ ىستىق ىقىلاسىنا بولەنگەن ەدى. مادەني تۋردىڭ باستى كەيىپكەرى قازاق ەلىنىڭ برەندىنە اينالعان «التىن ادام» جادىگەرى. بۇل جوبا اياسىندا مەملەكەت قورعاۋىنداعى، تەك مۋزەي تورىندە تۇراتىن اسىل مۇرا وزگە وبلىستار مەن قالالاردىڭ تۇرعىندارى جانە قوناقتارىنىڭ نازارىنا ۇسىنىلادى.

وسىلايشا ەل تۇرعىندارىنىڭ كەمەل تاريحىمىزعا دەگەن سۇيىسپەنشىلىگىن وياتىپ، جاس بۋىننىڭ بويىندا پاتريوتتىق سەزىمدى قالىپتاستىرۋ – شارانىڭ باستى ماقساتى. شىمكەنت قالاسىندا وتەتىن اۋقىمدى ٴىس-شارا بارىسىندا كورەرمەن قاۋىم «ۇلتتىق مۋزەيگە ساياحات» جاساپ، رۋحاني وردا تۋرالى 3d گرافيكالىق ۆيدەوروليكتەرىن تاماشالاي الادى.

بەينەلەۋ ونەرى مۋزەيىندە ساعات 10:00 مەن تۇنگى 00:00 ارالىعىندا وتەتىن كەلەلى كەش بارىسىندا كورەرمەن كونسەرتتىك باعدارلاماعا كۋا بولادى. اتالمىش شاراعا رەسمي وكىلدەر مەن مۋزەي ٴىسىنىڭ ماماندارى، وزگە دە ونەر سالاسىنداعى جاندار قاتىسادى. ۇلتتىق قۇندىلىقتاردى ناسيحاتتايتىن مەگا جوبا ەلىمىزدىڭ باسقا دا قالالارىندا ۇيىمداستىرىلماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي