BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

« ۇلى دالانىڭ جەتى قىرىن» جالاڭ ۇرانعا اينالدىرماۋىمىز كەرەك

استانا، baq.kz. قازاقستان رەسپۋبليكاسى پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىندا ەلباسىنىڭ « ۇلى دالانىڭ جەتى قىرى» ماقالاسىن تالقىلاۋعا ارنالعان « ۇلى دالانىڭ جەتى قىرى: قازاقستان تاريحىنا وڭ كوزقاراس» تاقىرىبىندا دوڭگەلەك ۇستەل ٴوتتى.

دوڭگەلەك ۇستەل قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي ۇيىمداستىردى.

ەلباسىنىڭ باعدارلامالىق ماقالاسى قوعامنىڭ، عىلىمي ورتالاردىڭ، شىعارماشىلىق زيالى قاۋىمنىڭ كەڭ اۋقىمدى تالقىلاۋىنا يە بولدى. جالپى ادامزاتتىق جانە ۇلتتىق تاريحقا جاڭاشا تۇجىرىمدامالىق كوزقاراس قازاقستاننىڭ تاريحىن جانە تاريحي ەسكەرتكىشتەرىن ساقتاۋ مەن دارىپتەۋگە باعىتتالعان جولدى جالعاستىرادى.

«ٴبىز ستەرەوتيپتەر مەن ۇرەيلەردەن ارىلا وتىرىپ ٴوز تاريحىمىزبەن ماقتانۋدى ۇيرەنۋىمىز قاجەت. تەك وسى ارقىلى ٴبىز تاريحي بىرەگەيلىك داعدارىسىنان قۇتىلامىز جانە ٴوزىمىزدىڭ ۇلى دالانىڭ ۇرپاقتارى ەكەنىمىزدى تۇيسىنەمىز» - دەيدى ۇيىمداستىرۋشىلار.

دوڭگەلەك ۇستەل بارىسىندا تاريحي سانانىڭ جاڭعىرۋى; ۇلى دالانى جۇيەلى قاراستىرۋعا قاجەتتى نەگىزگى يمپەراتيۆتەر; الەمدىك ۇدەرىستەردەگى قازاقستاننىڭ ٴرولىن قايتا قاراستىرۋ ماسەلەلەرى، سونداي-اق ناقتى جوبالار مەن باعدارلامالار تالقىلاندى.

جيىندا ٴال-فارابي اتىنداعى قازاق ۇلتتىق ۋنيۆەرسيتەتىنىڭ ارحەولوگيا جانە دالا وركەنيەتى عىلىمي-زەرتتەۋ ينستيتۋتىنىڭ ديرەكتورى ۆيكتور زايبەرت، قر بعم عىلىم كوميتەتى مەملەكەت تاريحى ينستيتۋتىنىڭ باس عىلىمي قىزمەتكەرى جاپسارباي قۋانىشەۆ، قر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى مۇرات لاۋمۋلين، ل.ن. گۋميلەۆ اتىنداعى ەۇۋ حالىقارالىق قاتىناستار فاكۋلتەتى، ايماقتانۋ كافەدراسىنىڭ پروفەسسورى ايبولات كوشكىمبايەۆتار بايانداما جاسادى.

«ٴبىز « ۇلى دالانىڭ جەتى قىرى» ماقالاسىندا ايتىلعانداردى جالاڭ جارناماعا اينالدىرماۋىمىز كەرەك. ەلباسىنىڭ كۇتكەنى دە ول ەمەس. ەلباسى ۇسىنعان ۇسىنىستار مەن تاپسىرمالاردى جالاڭ ۇرانعا اينالدىرىپ، قۇر داقپىرت قىلعاننان اسا الماي وتىرمىز. پرەزيدەنتتىڭ ٴوزى ايتقانداي بۇل ىسكە جاستاردى كوپتەپ تارتىپ، سولاردىڭ كۇشىمەن جۇزەگە اسىرۋىمىز كەرەك. نۇرسۇلتان ٴابىش ۇلى ٴوزى دە الداعى جىلدى جاستار جىلى دەپ جاريالاۋ تۋرالى ۇسىنىس جاساپ، بەكىتتى عوي. ولاي بولسا ٴبىز نەگە جاستاردى قولداۋدى وسى ىستەرگە ارالاستىرۋدان باستاماسقا» - دەيدى قر بعم عىلىم كوميتەتى مەملەكەت تاريحى ينستيتۋتىنىڭ باس عىلىمي قىزمەتكەرى جاپسارباي قۋانىشەۆ.

سونىمەن قاتار دوڭگەلەك ۇستەل جۇمىسىنا جەتەكشى قازاقستاندىق ساراپشىلار – تاريحشىلار، فيلوسوفتار، ساياساتتانۋشىلار، ارحەولوگتار، ەتنولوگتار، مادەنيەتتانۋشىلار، جوعارى وقۋ ورىندارىنىڭ وكىلدەرى قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي