استانا: 
استانا، baq.kz. بۇگىن جاريالانعان قر پرەزيدەنتى نۇرسۇلتان نازاربايەۆتىڭ « ۇلى دالانىڭ جەتى قىرى» اتتى ماقالاسىندا اتاپ كورسەتىلگەن جوبالار «رۋحاني جاڭعىرۋ» باعدارلاماسىنىڭ جالعاسى رەتىندە جۇزەگە اسىرىلادى.
«وسىدان ٴبىر جارىم جىل بۇرىن مەنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالام جارىققا شىقتى. جوعارىدا اتالعان جوبالاردى «رۋحاني جاڭعىرۋ» باعدارلاماسىنىڭ جالعاسى رەتىندە قاراستىرامىن. «رۋحاني جاڭعىرۋ» جالپىۇلتتىق باعدارلاماسىنىڭ جاڭا كومپونەنتتەرى اتا-بابالارىمىزدىڭ كوپ عاسىرلىق مۇراسىنىڭ سيفرلىق وركەنيەت جاعدايىندا تۇسىنىكتى ٴارى سۇرانىسقا يە بولۋىن قامتاماسىز ەتە وتىرىپ، ونى جاڭعىرتۋعا مۇمكىندىك بەرەدى. ٴتول تاريحىن بىلەتىن، باعالايتىن جانە ماقتان ەتەتىن حالىقتىڭ بولاشاعى زور بولادى دەپ سەنەمىن. وتكەنىن ماقتان تۇتىپ، بۇگىنىن ناقتى باعالاي ٴبىلۋ جانە بولاشاققا وڭ كوزقاراس تانىتۋ – ەلىمىزدىڭ تابىستى بولۋىنىڭ كەپىلى دەگەنىمىز وسى»، - دەپ جازدى ەلباسى.
ەسكە سالا كەتسەك، بۇگىن باق بەتتەرىندە قر پرەزيدەنتى نۇرسۇلتان نازاربايەۆتىڭ « ۇلى دالانىڭ جەتى قىرى» اتتى ماقالاسى جاريالانعان بولاتىن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3114 
0
4109
0