BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلى دالانىڭ جەتى قىرى. كەلەشەك ۇرپاققا امانات جوبالار - جولدىبالينا

استانا، baq.kz. بۇگىن ەلباسىنىڭ " ۇلى دالانىڭ جەتى قىرى" اتتى ماقالاسى جارىق كورگەن بولاتىن. وسى ماقالاعا وراي قر پرەزيدەنتى جانىنداعى قسزي ٴبولىم باسشىسى الۋا جولدىبالينا ٴوز پىكىرىن ٴبىلدىردى.

كەز كەلگەن حالىق، ونىڭ ۇرپاعى ٴوزىنىڭ تاريحىن، ادامزات دامۋىنا قوسقان تەحنولوگيالىق، يننوۆاسيالىق ۇلەسى تۋرالى حاباردار بولۋى ٴتيىس.

ەلباسى ماقالاسىندا ٴاربىر ازامات تۋعان جەرىنىڭ تاريحىن بىلۋگە، قۇندىلىقتارىن قاستەرلەپ، دامۋىنا ٴوز ۇلەسىن قوسۋ قاجەت دەگەن مىندەتتى قويىپ وتىر.

قازاق حالقىنىڭ سان عاسىرلار بويى جيناقتاعان مول تاجىريبەسى، تانىمدىق مۇراسى مەن دۇنيەتانىمى، ٴسالت-داستۇرى، ادەت-عۇرىپى، ولەڭ-جىرلارى، ۇلتتىق ويىندارى، مۋزىكالىق مۇراسى، اسپاپتارى باعا جەتپەس اسىل قازىنا. سول تاريحي ٴارى رۋحاني بايلىقتى ساقتاپ، ٴارى قاراي دامىتۋ دا مىندەتى تۇر. ۇلى دالا كەڭىستىگىنەن شىققان وركەنيەتتىك جەتىستىكتەردى ۇمىتپاۋ ٴارى دارىپتەۋ – كەلەر ۇرپاقتىڭ ۇلەسىندە.

بۇگىنگى ماقالا ول قازاق ەلى تاريحىن ۇلىقتاۋ ەمەس، ول ەۆرازيا كەڭىستىگىن مەكەندەگەن تۇرىك تايپالارىنىڭ الەمدىڭ وركەنيەتكە قوسقان ۇلەسىن كورسەتىپ، تاريحي سانانى جاڭعىرتۋ.

ماقالا شەڭبەرىندە اتالعان جوبالار تاريح عىلىمىنىڭ، تاريحي-ارحەولوگيالىق زەرتتەۋلەردىڭ، مۇراجاي ٴىسىنىڭ، فولكلورلىق-ەتنوگرافيالىق باعىتتىڭ، كينويندۋستريا، مۋزىكا سالاسىن دامىتۋعا ۇلكەن سەرپىلىس بەرەدى. اسىرەسە، ەرەكشە اتاپ وتەتىن جوبا - ۇلت قاھارماندارىن ۇلگى تۇتۋ ٴۇردىسىن قالىپتاستىرۋعا جول اشاتىن ساپالى بالالار فيلمدەرى مەن مۋلتيپليكاسيالىق سەريالداردى اسا قاجەت ەتەتىن وسكەلەڭ ۇرپاقتىڭ دا تالعامىنا ەرەكشە نازار اۋدارۋ كەرەك.

بۇگىندە بالالارعا ارنالعان مۋلتفيلمدەر، كينولار، سەريالار كەلەشەك ۇرپاقتىڭ قۇندىلىقتارى مەن ولاردىڭ ٴومىر ٴسۇرۋ سالتىن، كوزقاراستارىن، ومىردە ۇستاناتىن پرينسيپتەرىن قالىپتاستىراتىنىن ەستەن شىعارماعان ٴجون.

«تاربيە تال بەسىكتەن» دەپ ۇعىنعان اتا-اجەلەرىمىز ۇلتتىق بولمىسىمىزدى ساقتاۋ ٴۇشىن بالا تاربيەسىنە ەرتەدەن ەرەكشە ٴمان بەرگەن. ەرتەگى اڭىزداردى بالا ساناسىنا ٴسىڭىرىپ، ونەگەلى ىسكە ۇگىتتەسە، بۇگىندەرى كوگىلدىر ەكران «تاربيەشىمىزگە» اينالدى. قازىرگى ۋاقىت اعىمىمەن كوگىلدىر ەكرانسىز، عالامتورسىز ٴومىر سۇرە المايتىن دارەجەگە جەتكەن بالالارعا «ٴوز ۇلتىڭنىڭ مادەنيەتىن، ادەبيەتىن، تاريحىن، ۇلتتىق قۇندىلىقتارىن ٴبىلۋ قاجەت».

اقش-تىڭ زەرتتەۋشىلەرى مەكتەپكە دەيىنگى جاستاعى بالانىڭ تەلەديدار الدىندا 5 مىڭ ساعات ۋاقىتىن وتكىزەتىنىن اتاپ وتكەن، سول سەبەپتى قازاق حالقى ٴوزىنىڭ بەينەسى مەن بولمىسىن، ۇلتتىق ٴسالت-داستۇرىن، ۇلتتىعىن، ٴوزىنىڭ عاسىرلار بويى ارمان ەتكەن تاۋەلسىزدىگىن بولاشاق ۇرپاعى باعالاپ، دارىپتەي الادى. سوندىقتان ۇرپاق تاربيەسى قاشاندا الدىڭعى ورىندا بولۋى شارت، سول سەبەپتى قازاقستان دا مۋلتفيلم سالاسىنا ٴمان بەرگەنى ەرەكشە قۋانتادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي