استانا، baq.kz. قر پرەزيدەنتى نۇرسۇلتان نازاربايەۆ « ۇلى دالانىڭ جەتى قىرى» اتتى ماقالاسىندا « ۇلى دالانىڭ ەجەلگى ونەر جانە تەحنولوگيالار مۋزەيى» جوباسىن ىسكە اسىرۋدى ۇسىندى.
استانا: 
3142 
0
استانا، baq.kz. قر پرەزيدەنتى نۇرسۇلتان نازاربايەۆ « ۇلى دالانىڭ جەتى قىرى» اتتى ماقالاسىندا « ۇلى دالانىڭ ەجەلگى ونەر جانە تەحنولوگيالار مۋزەيى» جوباسىن ىسكە اسىرۋدى ۇسىندى.
بۇل ماقالادا ەلباسى « ۇلى دالا» اتتى ەجەلگى ونەر جانە تەحنولوگيالار مۋزەيىن اشۋعا تولىق مۇمكىندىكتىڭ بار ەكەنىن جازدى. وعان وزىق ونەر مەن تەحنولوگيا ۇلگىلەرىن – اڭ ستيلىندە جاسالعان بۇيىمداردى، «التىن ادامنىڭ» جاراقتارىن، جىلقىنى قولعا ۇيرەتۋ، مەتاللۋرگيانى دامىتۋ، قارۋ-جاراق، ساۋىت-سايمان دايىنداۋ ۇدەرىسىن كورسەتەتىن زاتتاردى جانە باسقا دا جادىگەرلەردى جيناقتاۋعا بولادى.
«وندا قازاقستان جەرىنەن تابىلعان قۇندى ارحەولوگيالىق ەسكەرتكىشتەر مەن ارحەولوگيالىق كەشەندەردىڭ ەكسپوزيسيالارى قويىلادى. بۇل زاتتار تاريحي داۋىرلەردىڭ قانداي دا ٴبىر كەزەڭىندەگى ٴارتۇرلى شارۋاشىلىق سالالارىنىڭ دامۋ ۇدەرىسىن كورسەتەدى. سونىمەن قاتار، « ۇلى دالانىڭ ۇلى وركەنيەتتەرى» اتتى جالپىۇلتتىق تاريحي رەكونسترۋكسيالار كلۋبىن قۇرىپ، سونىڭ نەگىزىندە استانادا جانە قازاقستاننىڭ وزگە دە وڭىرلەرىندە ەجەلگى ساقتار، عۇندار، ۇلى تۇركى قاعاندارىنىڭ ٴداۋىرى جانە باسقا دا تاقىرىپتار بويىنشا فەستيۆالدەر وتكىزۋگە بولادى. بۇعان قىزىعۋشىلىق بىلدىرگەن ادامداردى تارتا وتىرىپ، وسى تاقىرىپتار اياسىنداعى جۇمىستاردى ٴبىر مەزگىلدە جۇرگىزۋگە بولادى»، - دەپ جازدى ەلباسى ماقالاسىندا.
مەملەكەت باسشىسى ەجەلگى وتىرار قالاسىنىڭ ٴبىرقاتار نىساندارىن – ۇيلەرى مەن كوشەلەرىن، قوعامدىق ورىندارىن، سۋ قۇبىرلارىن، قالا قامالىنىڭ قابىرعالارى مەن تاعى دا باسقا جەرلەرىن ٴىشىنارا قالپىنا كەلتىرەتىن تۋريستىك جوبا تۋرالى دا اتاپ ٴوتىپ، وسىنىڭ نەگىزىندە ٴبىلىمدى دارىپتەۋگە جانە ٴتۋريزمدى دامىتۋعا باسا ٴمان بەرىلۋى قاجەت ەكەنىن ايتتى.
ەسكە سالا كەتسەك، بۇگىن باق بەتتەرىندە قر پرەزيدەنتى نۇرسۇلتان نازاربايەۆتىڭ « ۇلى دالانىڭ جەتى قىرى» اتتى ماقالاسى جاريالانعان بولاتىن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
4109
0