BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

« ۇلى دالانىڭ جەتى قىرى». بۇگىنگى ۇرپاق ٴتۇپ-تامىرىن تانۋى كەرەك - قانات اۋەسباي

استانا، baq.kz. «bolashaq» قاۋىمداستىعىنىڭ ۇيىمداستىرۋىمەن قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ « ۇلى دالانىڭ جەتى قىرى» ماقالاسىن ىسكە اسىرۋ تۋرالى قوعام بەلسەندىلەرىنىڭ قاتىسۋىمەن استانادا قوعامدىق تالقىلاۋ ٴوتتى.

مەملەكەت باسشىسىنىڭ « ۇلى دالانىڭ جەتى قىرى» اتتى ماقالاسىن تالقىلاۋ بارىسىندا بەلگىلى قازاقستاندىق قوعام بەلسەندىلەرى ماقالانىڭ مىندەتتەرىن انىقتاپ، قوعامدىق سانانى جاڭعىرتۋدا باسىم باعىتتارىن جۇزەگە اسىرۋ بويىنشا ۇسىنىستاردى قاراستىرىپ، پىكىر ٴبىلدىردى.

«جاستاردىڭ باسى قوسىلعان بۇل جيىننىڭ ماڭىزى ەرەكشە دەپ بىلەمىن. جالپى، ادامزاتتىڭ دامۋ بارىسىندا 16 عاسىردىڭ سوڭىنا دەيىن تاريح عىلىمى «قاسيەتتى عىلىم» بولىپ كەلدى. ەۋروپادا تاريح عىلىمى – تەك اقسۇيەكتەردىڭ ۇرپاعى ٴۇشىن قولجەتىمدى، مەملەكەتتى باسقارۋ ونەرىنە عىلىم سالاسى قىزمەتىن اتقاردى. ال، كەڭەس وداعى كەزىندە تاريح ساياسي يدەولوگيانى قالىپتاستىراتىن، جۇزەگە اسىراتىن مەحانيزم بولدى. مۇنىڭ بارلىعى قوعامتانۋ عىلىمدارىنىڭ اراسىندا تاريحتىڭ ورنى ەرەكشە ەكەنىن كورسەتەدى. قر پرەزيدەنتى ن.ٴا.نازاربايەۆ « ۇلى دالانىڭ جەتى قىرى» اتتى ماقالاسىندا وسى عىلىمعا ەرەكشە ٴمان بەرىپ، ونى جاڭا قىرىنان پايىمداۋدى باسا ايتتى. سەبەبى بۇگىنگى ۇرپاق ٴتۇپ تامىرىن ٴبىلۋ ارقىلى الەمدىك تاريحتاعى ورنىن ايقىنداپ، جاھاندىق قاۋىپ-قاتەرلەرگە توتەپ بەرۋگە رۋحى مىقتى بولماق» - دەيدى فيلولوگيا عىلىمدارىنىڭ كانديداتى، ەلباسى كىتاپحاناسىنىڭ اعا ساراپشىسى، جۋرناليست قانات əۋەسباي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي