BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇكىلى ىبىرايدىڭ ٴومىرى مەن شىعارماشىلىعىنا ارنالعان لەكسيا-كونسەرت ٴوتتى

بۇگىن قر ۇلتتىق مۋزەيىندە قازاق ۇلتتىق ونەر ۋنيۆەرسيتەتىنىڭ وقىتۋشىسى سىرىم مۇحامەدجانوۆتىڭ قازاق حالقىنىڭ ٴداستۇرلى انشىلىك ونەرىنە، جانە ۇكىلى ىبىرايدىڭ ٴومىرى مەن شىعارماشىلىعىنا ارنالعان لەكسيا-كونسەرتى ٴوتتى.

اتالعان شارا «حالىق قازىناسى» عىلىمي-زەرتتەۋ ينستيتۋتىنىڭ قازاق حالقىنىڭ ٴداستۇرلى مۋزىكالىق ونەرىن جاڭعىرتۋ مەن ناسيحاتتاۋعا ارنالعان «ٴداستۇرلى مۋزىكالىق مۇرا» اتتى مۋزەيلىك باعدارلاماسى اياسىندا ۇيىداستىرىلۋدا.

سىرىم مۇحامەدجانوۆ كەشتىڭ العىسوزىندە:

«ۇكىلى ىبىرايدىڭ شىعارماشىلىعى سان قىرلى. ول ٴوز اندەرىن ناقىشىنا كەلتىرە، ويناتىپ ايتاتىن بولعان. ٴتىپتى ول ٴار وڭىرگە بارعاندا، اندەرىن كوڭىل-كۇيىنە نەمەسە سول ەلدىڭ ٴان ايتۋ ناقىشىنا قاراي دا وزگەرتىپ، قۇبىلتىپ وتىرعان. سوندىقتان دا، ۇكىلى ىبىرايدىڭ ٴبىزدىڭ كۇنگە جەتكەن كوپتەگەن اندەرى ٴارتۇرلى نۇسقامەن جەتتى. ونىڭ ىشىندەگى ەڭ كوپ نۇسقامەن جەتكەن ٴانى اتاقتى «گاككۋ» بولاتىن. كەشتىڭ العاشقى ٴانى وسى بولعاي!»، - دەپ قولىنا ۇكىلى دومبىراسىن الدى.

ۇكىلى ىبىراي ساندىباي ۇلىنىڭ 50-گە تارتا ٴانى بار. ونىڭ ىشىندە «قاراقات كوز»، «اراراي»، «كىدىك-اي»، «ٴبىر قىزىق يت جۇگىرىپ اڭ اۋلاسا»، «دۇنيە»، «شالقىما»، «كوكشە»، «سۇيگەنىم كەتە باردى قاسىما ەرىپ»، «قالقا بەل»، «قالدىرعان»، «جەلدىرمە» سىندى بۇگىنگە دەيىن قايماعى بۇزىلماستان شىرقالىپ كەلە جاتقان اندەرى بار. ەل اراسىنا كەڭىنەن تاراعان «گاككۋ» ٴانى ىبىراي شىعارماشىلىعىنىڭ شىڭى بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي