BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستاندا ياساۋي مۋزەيى سالىنادى

استانا، baq.kz. بۇل تۋرالى پرەزيدەنت اكىمشىلىگىنىڭ جەتەكشىسى اسەت يسەكەشەۆتىڭ توراعالىعىمەن «رۋحاني جاڭعىرۋ» باعدارلاماسىن ىسكە اسىرۋ جونىندەگى سەلەكتورلىق جيىندا بەلگىلى بولدى.

تۇركىستان وبلىسى اكىمدىگىنىڭ ٴباسپاسوز قىزمەتىنەن حابارلاعانداي، كەڭەس وتىرىسىندا ايماق باسشىسى جانسەيىت تۇيمەبايەۆ ەلباسىنىڭ ماقالاسىندا ايتىلعان مىندەتتەردى ورىنداۋعا بايلانىستى وڭىردە اتقارىلعان جۇمىستاردى بايانداپ، الداعى ۋاقىتتا ىسكە اسىرىلاتىن جوبالارمەن تانىستىردى.

«مەملەكەت باسشىسىنىڭ « ۇلى دالانىڭ جەتى قىرى» اتتى تاريحي ماقالاسى ەل ساناسىنا قوزعاۋ سالعان، «ماڭگىلىك ەل» بولۋ جولىنداعى ۇلى مىندەتتەردى ايقىنداپ بەرگەن، «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جالعاسى، ٴارى ەلدى بيىك ماقساتتارعا جەتەلەيتىن ماڭىزدى قۇجات. وسى قۇندى باعدارلاماداعى تاپسىرمالاردى ورىنداۋ ماقساتىندا تۇركىستان وبلىسىندا ٴبىرقاتار جۇمىستار قولعا الىنىپ، قارقىندى جۇزەگە اسىرىلۋدا. ماسەلەن، اتبەگىلىكتى، اڭشىلىقتى، ٴسالت-داستۇردى ناسيحاتتاۋ ماقساتىندا وبلىستا ارنايى فەستيۆالدەر ۇيىمداستىرىلۋدا. سونداي-اق، «قىزىل كىتاپقا» ەنگەن، ياعني ايرىقشا قورعاۋدى قاجەت ەتەتىن قىزعالداق گۇلىن قورعاۋ جانە سول ايماقتىڭ تۋريستىك الەۋەتىن كوتەرۋ ماقساتىندا حالىقارالىق «قىزعالداق» شاراسى قولعا الىندى. ەلباسىمىزدىڭ ايتۋلى ماقالاسىنىڭ «تۇركى الەمىنىڭ بەسىگى» دەپ اتالاتىن بولىمىندە تۇركىستان قالاسىندا تۋعان ياساۋي بابامىز بەن وتىراردان تۇلەپ ۇشقان ٴال-فارابي عۇلاما تۋرالى دا ايتىلدى. بۇل باعىتتا دا تاريحي تۇلعالار مەن كونە قالالاردى ناسيحاتتاۋ ٴۇشىن انيماسيالىق فيلمدەر مەن تەلەحيكايالار ٴتۇسىرىلدى. الداعى ۋاقىتتا قوعامدىق سانانى جاڭعىرتۋ باعدارلاماسىن جۇزەگە اسىرۋ باعىتىندا جاڭاشا جوبالاردى قولعا الۋدى جوسپارلاپ وتىرمىز»، – دەدى جانسەيىت تۇيمەبايەۆ.

سونداي-اق، وبلىس اكىمى 2019 جىلى تۇركىستان وبلىسىندا «سايگۇلىكتەر» فەستيۆالى ۇيىمداستىرىلاتىنىن ايتتى. ۇلتتىق كودتى جاڭعىرتۋ ماقساتىندا وتكىزىلەتىن شارا اياسىندا ۇلتتىق ات سپورت ويىندارى: تەڭگە الۋ، اۋدارىسپاق، قىز قۋۋ، جامبى اتۋ، سايگۇلىكتەر شەرۋى، سونداي-اق ات ابزەلدەرى، اتتىلى جاۋىنگەرلەردىڭ كيىمى مەن قارۋ-جاراقتارىنا ارنالعان كورمەلەر، جىلقى مالىنا بايلانىستى جىر ٴمۇشايراسى، جىرشىلار مەن تەرمەشىلەر بايقاۋى وتەدى دەپ جوسپارلانۋدا. سونىمەن قاتار، «شىعىس بازارى» اتتى فەستيۆال وتكىزۋ جوسپارعا قويىلعان. ونداعى ماقسات قولا، مىس، تەمىر، كۇمىس، التىننان جاسالعان اشەكەي بۇيىمدار، تۇرمىستىق زاتتار مەن قارۋ-جاراقتاردىڭ جارمەڭكەسى وتكىزۋ ارقىلى قازاق جەرى – مەتاللۋرگيا پايدا بولعان العاشقى ورتالىقتىڭ ٴبىرى ەكەنىن پاش ەتۋ.

ودان بولەك، ق.ا.ٴياساۋيدىڭ تاريحي بولمىسىن جاھانعا ٴوز دەڭگەيىندە تولىق تانىتىپ، ناسيحاتتاۋ ماقساتىندا ٴبىرقاتار شارۋالار اتقارىلماق. اتاپ ايتقاندا، ەلباسى تاپسىرماسى بويىنشا، جاڭا تۇركىستاندا ياساۋي مۋزەيى سالىنباق. بۇل مۇراجايدا عۇلاما مەن ونىڭ شەت مەملەكەتتەردەگى شاكىرتتەرىنىڭ ەڭبەكتەرى قويىلادى. ياعني، ياساۋي فەنومەنىن جوعارىلاتىپ، اتىن اسقاقتاتۋ ارقىلى عىلىمدى عانا ەمەس، ٴتۋريزمدى دە دامىتۋ مۇمكىندىگى اشىلا تۇسەدى. سونداي-اق، تۇركىستان قالاسىندا الەمنىڭ تۇكپىر-تۇكپىرىندە ياساۋي بابانىڭ عىلىمي مۇراسىن زەرتتەپ جۇرگەن ياساۋيتانۋشىلاردىڭ باسىن قوسىپ، حالىقارالىق كونفەرەنسيا وتكىزۋ مەجەلەنگەن. ياساۋي مۇرالارى كەشەندى تۇردە زەرتتەلىپ، دەرەكتى جانە كوركەم فيلمدەر تۇسىرىلەدى.

اتقارىلعان جۇمىستار مەن جوسپارعا قانىققان اسەت يسەكەشەۆ شارۋانى شيراتا ٴتۇسىپ، كەستەگە ساي جۇمىس ىستەۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي