BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستاندا تانىمال تۇلعا ۇلىقتالدى

بيىل ٴدىن جانە قوعام قايراتكەرى، عۇلاما عالىم، حالىقارالىق «الاش» ادەبي سىيلىعىنىڭ يەگەرى، «تۇرىك الەمىنىڭ عۇلاماسى» حاليفا التايدىڭ 100 جىلدىق مەرەيتويى ەلىمىزدىڭ بار ايماعىندا، تۇركيا، قىتاي جانە ەۋروپانىڭ ٴبىرقاتار ەلدەرىندە اتالىپ ٴوتىپ جاتىر، دەپ حابارلايدى baq.kz.

23 مامىر كۇنى تۇركىستان قالاسى، ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىندە تۇركىستان قالاسى اكىمدىگىنىڭ، «ازىرەت سۇلتان» مەملەكەتتىك تاريحي-مادەني مۇراجايى مەن «ەر جانىبەك» حالىقارالىق قوعامدىق قورىنىڭ قولداۋىمەن عۇلاما عالىمعا ارنالعان «حاليفا التاي يسلامنىڭ كورنەكتى عۇلاماسى» اتتى تانىمدىق كونفەرەنسيا ٴوتتى. سونىمەن بىرگە قۇران وقۋ جارىسى قاتارلى بىرنەشە شارا قتار وتكەن بولاتىن.

«ازىرەت سۇلتان» مەملەكەتتىك تاريحي-مادەني مۇراجايىنىڭ ديرەكتورى ٴا.جاندوس، «ەر جانىبەك» حالىقارالىق قوعامدىق قورىنىڭ پرەزيدەنتى ج.تۇركيا، تۇركىستان قالاسىنىڭ اكىمىنىڭ ورىنباسارى ع.رىسبەكوۆ، ا.التاي ٴسوز سويلەپ، شارا ماڭىزىن، حاليفا التايدىڭ وشپەس ونەگەسىن ايتتى. مەملەكەت تاريحى ينستيتۋتىنىڭ جەتەكشى عىلىمي قىزمەتكەرى، ت.ع.ك.، ق.ەرىمبەتوۆا «قازاقتىڭ تەكتىلىك فەنومەنى» (حاليفا التاي مىسالىندا) اتتى بايانداما جاسادى. شارا قوناعى، قمدب-نىڭ رەسپۋبليكالىق اقپاراتتىق-ناسيحات توبىنىڭ مۇشەسى، يسلامتانۋشى ا.قۋانىشبايەۆ «قۇران كارىم. قازاقشا ماعىنا جانە تۇسىنىگى» كىتابىنىڭ ناعىز عىلىمي-اكادەميالىق اۋدارما ەكەنىن ايتتى. بارشا مۇسىلمان قاۋىمى قاۋىشاتىن قاسيەتتى رامازان ايىمەن قۇتتىقتادى.

ۋنيۆەرسيتەتتىڭ ۇيىمداستىرۋ جانە تاربيە ىستەرى جونىندەگى ۆيسە-پرەزيدەنت، پروفەسسور ب.مۋحامەدجانوۆ مۇسىلماندىقتىڭ مويىماس جارشىسى حاليفا التاي جايلى عيبراتتى اڭگىمە ايتىپ، شارانىڭ جوعارى دەڭگەيدە وتكەنىن اتاپ ٴوتتى. كونفەرەنسيا قوناقتارىنا وقۋ وردا اتىنان سىي-سىياپات، العىس حات تابىستادى. اتاپ ايتساق، يسلامتانۋشى ا.قۋانىشبايەۆ، ت.ع.ك.، ق.ەرىمبەتوۆا، د.شايمۇران ۇلى، «تۇركىستان-احمەت ياسساۋي» مەشىتىنىڭ نايب يمامى سۇلەيمەن قاري، ا.تۋكايەۆ، ت.ب.، ماراپاتتالدى.

«شارا وتە جوعارى دەڭگەيدە ٴوتتى. بۇل دا ەلباسىمىزدىڭ «رۋحاني جاڭارۋ» باعدارلاماسىنا ساي كەلىپ وتىر. باس ٴمۇفتي ەرجان قاجى مالعاجى ۇلىنىڭ: «ۇرپاق ۇمىپتاي، ۇلىقتاپ، شىعىس قازاقستانداعى وبلىستىق مەشىتكە حاليفا التايدىڭ ەسىمى بەرىلدى. ەندىگى كەزەكتە، ەلباسىمىز ايتقان ەلىمىزدىڭ التىن قورىنا ەنەتىن 100 جاڭا ەسىم اتاۋىنا قايراتكەر حاليفا التايدىڭ ەسىمى ەنەدى دەپ سەنەمىن» دەپ ايتقانىن قولدايمىز» - دەيدى ۇيىمداستىرۋ القاسىنىڭ ٴتوراعاسى، ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ قىزمەتكەرى نوسەربەك ٴزاڭادىل.

سونداي-اق، كونفەرەنسيا اياسىندا ورتالىق «تۇركىستان-احمەت ياسساۋي» مەشىتىندە وتكەن قۇران وقۋ شەشۋشى جارىسىنىڭ جەڭىمپازدارى ماراپاتتالدى. ٴى ورىن يەگەرى جاقسىلىق مۇستافاعا «ەر جانىبەك» حالىقارالىق قوعامدىق قورىنىڭ، ٴىى ورىن يەگەرى ايتماحان دياسقا «ازىرەت سۇلتان» مەملەكەتتىك تاريحي-مادەني مۇراجايىنىڭ، ٴىىى ورىن يەگەرى نۇرمۇحاممەد جۇمابايعا، قاسىم روزحانعا حقتۋ جۇلدەسى تاپسىرىلدى. «ادەمى اۋەزدى قاري» نوميناسياسىن شەرەفي حامزا، «جاس قاري» نوميناسياسىن شايمەردەن جومارت يەلەندى.

ماراپاتتاۋ راسىمىندە، ع.رىسبەكوۆ تۇركىستان قالاسىنىڭ اكىمى ٴا.ش.وسەربايەۆ اتىنان ابدۋراھيم التايعا سىي-سىياپات تابىستاپ، شاپان جاپتى. سونىمەن قاتار، عىلىمي شارانىڭ جوعارى دەڭگەيدە وتۋىنە اتسالىسقانداردى قالا اكىمىنىڭ العىس حاتىمەن ماراپاتتادى.

وزكەزەگىندە ابدۋراھيم التاي دا يگى شارانىڭ وتۋىنە مۇرىندىق بولعان نوسەربەك ٴزاڭادىل باستاعان ۇيىمداستىرۋ القاسىنا، ۋنيۆەرسيتەت ۇجىمى مەن دەمەۋشىلەرگە ريزاشىلىعىن ٴبىلدىرىپ، العىسىن ايتتى.

تەولوگ- عالىم، ٴدىني اعارتۋشى، رۋحاني ۇستاز حاليفا التاي عاقىپ ۇلىنىڭ عىلىمي مۇراسىن زەردەلەۋگە ارنالعان قونفەرەنسيا جوعارى دەڭگەيدە ٴوتتى. كورنەكتى يسلامتانۋشى عالىمىن ۇلىقتاعان، قاسيەتتى قۇران كىتابىن سىيعا العان شارا قوناقتارى يمان ساۋلەسىمەن نۇرلانىپ قايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي