BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستان وبلىسىندا رىسقۇلوۆ پەن تىنىشبايەۆقا ەسكەرتكىش ورناتىلدى

تۇركىستان وبلىسىندا تۇلكىباس اۋدانىنىڭ 90 جىلدىعى تويلاندى. مەرەكەلىك شارا ت.رىسقۇلوۆ ەسكەرتكىشىنە گۇل شوقتارىن قويۋدان باستالدى. كەيىن ت.رىسقۇلوۆ اۋىلدىق وكرۋگىندەگى تۇلكىباس تەمىر جول ستانسياسىنداعى قازاق حالقىنىڭ ٴبىر تۋار ازاماتتارى م.تىنىشبايەۆ پەن ت.رىسقۇلوۆتىڭ جاڭا ەسكەرتكىشىنىڭ اشىلۋ راسىمىمەن جالعاستى، دەپ حابارلايدى baq.kz اقپارات اگەنتتىگى.

ەسكەرتكىشتىڭ اشىلۋىندا اۋدان اكىمى ن.تۇراشبەكوۆ، عالىم د.قامزابەك ۇلى، دەربەس زەينەتكەر ٴو.قالىقۇلوۆ ٴسوز سويلەپ، قوس تۇلعانىڭ اتقارعان ەڭبەكتەرى جايلى ايتتى.

ايتۋلى شارا اياسىندا اۋدان ورتالىعى ت. رىسقۇلوۆ اۋىلىندا جاڭا كوپىر پايدالانۋعا بەرىلدى. اۋداننىڭ مەرەيتويىندا اشىلعان جاڭا نىسان ٴوڭىر تۇرعىندارى قۋانىشتى جاڭالىق بولدى.

سونداي-اق، مەرەيتويعا قاتىسۋشىلار تۇركىستان وبلىسىنىڭ كيەلى جەرلەر گەوگرافيالىق كارتاسىنا ەنگەن «تۇركىباسى اۋليەسى» كەسەنەسىمەن تانىستى. كەسەنەنىڭ اشىلۋىنا اۋدان اكىمى ن.تۇراشبەكوۆ ٴسوز سويلەپ، رۋحاني جاڭعىرۋ اياسىندا اۋداندا اتقارىلىپ جاتقان جۇمىستارعا توقتالدى.

اۋداننىڭ مەرەيتويى اياسىندا جاڭا ساياباقتىڭ اشىلۋ ٴراسىمى بولدى. ورتالىق ساياباقتىڭ جالپى جەر كولەمى 2،2 گەكتار. ساياباق تولىعىمەن قورشالىپ، اباتتاندىرۋ جۇمىستارى جۇرگىزىلگەن. سونىمەن قاتار، بالالارعا ارنالعان ويىن الاڭشالارىمەن جابدىقتالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي