BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىنشىلدىق تۋرالى يسلامداعى تاعىلىمدار

شىنشىل بولۋ اسا تاماشا قاسيەت. بارلىق ٴىس شىنعا تىرەلەدى. ۇلى اباي اتامىز: وتىرىك، وسەك، ماقتانشاق، ەرىنشەك، بەكەر، مال شاشپاق- دەپ، وتىرىك پەن وسەكتى 5 دۇشپاننىڭ بىرىنە جاتقىزعانى تەگىن ەمەس.

قازاقتا «ٴسوز شىنعا توقتايدى، پىشاق قىنعا توقتايدى» دەگەن اتالى ٴسوز بار. اتا-بابالارىمىز قاشاندا شىندىق جاعىندا بولىپ كەلگەن. «اققا قۇداي جاق» دەپ شىندىق تۋىن بيىك قويعان.

يسلام دىنىندە دە شىندىققا اسا ماڭىز بەرىلەدى. ۇلى جاراتۋشى اللا تاعالا قاسيەتتى قۇراننىڭ احزاب سۇرەسىنىڭ 24-اياتىندا: «اللا شىنشىلداردى شىنايىلىقتارى ٴۇشىن سىي-سياپاتقا بولەيدى» دەپ شىنشىلدىققا حاقتىڭ بەرەر سىيىن ايتادى. ۇلى جاراتۋشى اللا تاعالا شىندىق جولىن تۋرا جول دەپ نۇسقاعان.

بۇل تۋرالى تاعى دا «ەي، يمان كەلتىرگەندەر! اللادان قورقىڭدار جانە شىنشىلدارمەن بىرگە بولىڭدار!» (تاۋبە سۇرەسى، 119-ايات) دەپ ٴامىر ەتەدى. ياعني شىنشىل ادامدارمەن بىرگە بولۋ ارقىلى ٴومىرى ساۋلەلى بولادى دەپ ۇندەيدى. جالعان ايتۋدان قورقىڭدار دەپ ەسكەرتەدى.

احزاب سۇرەسى، 35-اياتىندا «اللا تاعالا شىنشىل ەرلەر مەن شىنشىل ايەلدەرگە جارىلقاۋ مەن ۇلكەن سىي دايىنداپ قويعان» دەپ، اللانىڭ شىنشىلداردى ٴوزىنىڭ راحىمىنا بولەيتىندىگىنە ٴشۇباسىز سەنۋگە شاقىرادى.

ەكى دۇنيە ساردارى پايعامبارىمىز (س.ع.س) تۋرالىق پەن شىنشىلدىقتىڭ ماڭىزى تۋرالى: «تۋرالىق ادامدى جاقسىلىققا، جاقسىلىق تا ٴجانناتقا جەتەلەيدى. ادام بالاسى تۋرا سويلەي-سويلەي شىنشىلداردان بولادى. جالعاندىق كىسىنى ارسىزدىققا، ارسىزدىق تا توزاققا جەتەلەيدى. ادام بالاسى جالعان ايتا-ايتا سوڭىندا اللانىڭ قۇزىرىندا وتىرىكشىلەردىڭ قاتارىنا جازىلادى» (بۇحاري، ادەپ 69; ٴمۇسليم، بيرر 103-105) دەپ، جالعان سويلەۋدىڭ سوڭى نەگە اپارىپ تىرەيتىندىگىن ايتادى.

اللا ەلشىسى: «ماعان مىنا التى نارسە جايىندا ٴسوز بەرسەڭدەر، مەن دە سەندەردىڭ ٴجانناتقا كىرۋلەرىڭە كەپىل بولامىن: مۇندا:

سويلەگەندە تۋرا سويلەڭدەر!

ۋادە بەرگەندە ۋادەلەرىڭدە تۇرىڭدار!

اماناتقا قيانات ەتپەڭدەر!

ار-نامىستارىڭدى قورعاڭدار!

كوزدەرىڭدى حارامنان ساقتاڭدار!

قولدارىڭدى حارامنان ۇزاق ۇستاڭدار!» (احمەد v، 323) دەپ ، وسى 6 قاسيەت بويىڭدا بولسا ٴجانناتقا كىرۋگە كەپىل بولامىن دەيدى. شىنشىلدىق ادامگەرشىلكتىڭ، يماننىڭ بيىك ولشەمى رەتىندە ايتىلادى.

پايعامبارىمىزدىڭ (س.ع.س) شىنشىل قاسيەتىنە ٴتىپتى دۇشپاندارى دا ٴتانتى بولعان. اللا ەلشىسىنە دۇشپان سانالاتىن ٴابۋ ٴجاھىل، ٴاحناس بين شاريك، نادر بين حاريس، كەيىنىرەك مۇسىلمان بولعان ٴابۋ سۋفيان سەكىلدى ەڭ ٴبىر ەرەكشە دۇشپاندارىنىڭ ٴوزى اللا ەلشىسىنىڭ شىنشىلدىعىن مويىنداعان ەكەن.

مىنە، شىنشىلدىق ادامعا اسا قاجەت قاسيەت ەكەندىگى وسىدان ايان.

ايدىن جورتىموۆ

شقو تارباعاتاي اۋدانى «ۇرانحاي قاجى» مەشىتىنىڭ باس يمامى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي