BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پرەزيدەنت ماقالاسى تۇركيادا تالقىلاندى

استانا، baq.kz. ەلباسى نۇرسۇلتان ٴابىش ۇلى نازاربايەۆتىڭ قارىمدى قالامىنان تۋعان « ۇلى دالانىڭ جەتى قىرى» ماقالاسى تۇڭعىش پرەزيدەنت كۇنى قارساڭىندا تۇركيانىڭ تورىندە تالدانىپ، تارازىلاندى.

مازمۇندى ماقالا – كوكەيىمىزدەگى كوپ جايتتىڭ جاۋابىن جۇپتاعان دۇنيە بولدى. قارىمدى ەڭبەك، اۋقىمدى باعدارلاما رەتىندە جوعارى باعا العان ماقالا قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ وكىلەتتى كەڭەس باسقارماسىنىڭ مۇرىندىق بولۋىمەن وتكەن القالى جيىندا كەڭىنەن تالقىلاندى. انىعىندا، وقۋ ورنىنا ۇستىمىزدەگى جىلى باسشىلىققا كەلگەن قوس جەتەكشى – بولاتبەك ابدراسيلوۆ پەن جەنگيز تومار مىرزالاردىڭ تۇركيا رەسپۋبليكاسىنا جاساعان ساپارلارى پرەزيدەنت ماقالاسىن تالقىلاۋعا ورايلى مۇمكىندىك بولدى.

ىستامبۇل قالاسىنداعى ٴتورت بىردەي ىرگەلى وقۋ ورىندارىنىڭ عالىمدارىنىڭ باسىن قوسىپ، ۇلكەن ويتالقىنىڭ كورىگىن قىزدىرعان باسشىلىق، انكارادا دا اۋىز تولتىرا ايتارلىق جاستار جيىنىن ۇيىمداستىردى.

ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتى وكىلەتتى كەڭەسىنىڭ ٴتوراعاسى، پروفەسسور مۇسا يىلدىز مىرزا باسشىلىق ەتكەن ٴماجىلىس ماقالانى مازمۇندى تالداۋىمەن دارالاندى.

ماعجان اتامىز ايتقانداي، تولقىننان تولقىن تۋىپ، تولىمدى تولعامدار تىلگە تيەك، ويعا وزەك بولدى. مۇسا يىلدىز مىرزا: «نۇرسۇلتان ٴابىش ۇلى اۋەلى «قازاقستان – 2030» ستراتەگياسىن ٴتۇزدى. سوڭىرا ونى «قازاقستان – 2050» مەجەسىمەن نىعايتىپ، «ماڭگىلىك ەل» يدەياسىمەن بەكەمدەدى. دۇركىن-دۇركىن ماڭىزدى ماقالالارى جارىق كورىپ تۇرادى. مەن الەمنىڭ باسقا جەرىندە مۇنداي كەمەل كوشباسشىنى كورگەنىم جوق»، - دەپ، سالماقتى ٴسوز ساپتادى.

ۋنيۆەرسيتەت پرەزيدەنتى بولاتبەك سەرىكباي ۇلى ماقالاداعى باستى باعىتتاردى باعامداپ، جاستارعا كەڭىنەن ٴتۇسىندىردى. ۇزەڭگىلەس باسشى جەنگيز تومار مىرزا بولسا، ەلباسى ماقالاسىنداعى يدەيالاردىڭ ياساۋي بابا مۇراسىمەن ۇندەسىپ جاتقانىن اتاپ ٴوتىپ، وقۋ ورنىمىزدىڭ اتقارىپ كەلە جاتقان اۋقىمدى جۇمىستارىنىڭ كوبىنىڭ ماقالادا تۇجىرىمدى تۇردە كورىنىس تاپقانىن جەتكىزدى.

اعا بۋىن عالىمدار مەن جاس ىزدەنۋشىلەر دە ماقالانىڭ ٴمان-ماعىناسىن الۋان تۇرعىدا تالداپ، وزىندىك كوزقاراستارىمەن ۇندەستىرە وتىرىپ، پىكىرلەرىن باياندادى.

«وزعان ەل – تاريحىن تاسپەن جازادى، توزعان ەل – تاريحىن جاسپەن جازادى»، - دەگەن اتالى سوزبەن باعامداعاندا، ماقالادا قوزعالعان تاتىمدى تاقىرىپتار تاريحي سانانىڭ جاڭعىرۋىنا دەم بەرەتىنى تالقىلاۋ جيىنى بارىسىندا ايرىقشا اتاپ ٴوتىلدى.

ٴماجىلىس سوڭىندا قادىرمەندى قوناقتارعا بىلىمگەر انكارا جاستارى اتىنان العىس حاتتار تاپسىرىلىپ، قۇرمەت كورسەتىلدى.

ەلباسى ماقالاسى عىلىم مايتالماندارىنا تىڭ سەرپىن بەرىپ، جاستاردىڭ ۇشقىر قيالىنا قانات ٴبىتىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي