BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴپىتىر ساداقا بەرۋدىڭ ماڭىزى نەدە؟

بيىلعى مامىر ايىندا وسكەمەن قالاسىندا وتكەن قازاقستان مۇسىلماندارى ٴدىني باسقارماسىنىڭ ٴتورالقا ماجىلىسىندە ەلىمىزدىڭ ٴار ايماعىنداعى بيداي باعاسىن ەسكەرە كەلە، ورتاق ەسەپپەن ٴبىراۋىزدان بيىلعى پiتiر ساداقاسى 300 تەڭگە كولەمiندە بەكىتىلدى. ەلىمىزدەگى ٴپىتىر ساداقاسىنىڭ كولەمىن قمدب جىل سايىن قاسيەتتى رامازان اينىڭ الدىندا ٴتورالقا ماجىلىسىندە بەلگىلەيدى.

ٴپىتىر ساداقاسى تۋرالى يسلامداعى دەرەك، تاعىلىمدارى اقتاراتىن بولساق ونىڭ ماڭىزدىلىعىنىڭ جوعارى ەكەندىگىن بايقايمىز.

رامازان ايىندا ٴار مۇسىلمان بالاسى ٴپىتىر ساداقاسىن بەرۋ-اربىر مۇسىلمان ەر مەن ايەلگە – ٴۋاجىپ. ٴپىتىر ساداقاسىن بەرۋ حيجرەتتىڭ ەكىنشى جىلى رامازان ورازاسى پارىز ەتىلگەن جىلى مۇسىلماندارعا مىندەتتەلگەن.

يسلامدا ساحيح بۋحاريدە كەلتىرىلگەن ٴبىر ريۋاياتتا ابدۋللا يبن ومار (ر.ا.) بىلاي دەيدى: «اللا ەلشىسى (س.ع.س) قۇرمادان ٴبىر سا نەمەسە ارپادان ٴبىر سا ٴپىتىر ساداقاسىن بەرۋدى ٴار ٴبىر مۇسىلمان قۇل مەن ازاتتىعا، ايەل مەن ەركەككە، ۇلكەن مەن كىشىگە ولشەپ بەكىتتى. جانە ونى ايت نامازىنا شىقپاي تۇرىپ بەرۋدى بۇيىردى». (ٴبىر «سا» شامامەن 2 كگ 918 گرامم) دەيدى. (بۋحاري - №1432) دەمەك، مۇسىلمان بالاسىنا ورازا قالاي مىندەتتەلسە، ٴپىتىر ساداقاسى دا سولاي مىندەتتەلگەن.

ٴپىتىر ساداقانىڭ ماڭىزى جايلى ابۋ داۋد يبن ماجا جانە حاكيم يبن ابباستان (ر.ا.) بىلاي دەپ ريۋايات ەتەدى:«اللا ەلشىسى (س.ع.س) ٴپىتىر ساداقانى: ادامنىڭ ورازاسى سوزىندەگى قاتەلىكتەرىنەن تازارۋى جانە مىسكىندەرگە تاعام رەتىندە كومەك بولۋى ٴۇشىن مىندەتتەگەن». دەمەك، ٴپىتىر ساداقاسى ادامدى قاتەلىكتەرىنەن ارىلتادى.

ٴپىتىر ساداقانى تەك ايت نامازىنا دەيىن عانا بەرۋ كەرەك. ەگەر دە ٴپىتىر ساداقاسى ايت نامازىنان كەيىن بەرىلسە، وندا ول جاي ساداقا ەسەبىندە بەلگىلەنەدى.

قاسيەتتى قۇراننىڭ تاۋبە سۇرەسىنىڭ 60-اياتىندا: «شىن مانىندە ساداقالار (زەكەتتەر)، اللا تاراپىنان ٴبىر پارىز. قولى تار پاقىرلارعا، تۇگى جوق مىسكىندەرگە. ونى جيناۋعا بەلگىلەنگەندەرگە، كوڭىلدەرى الىناتىن (جاڭا مۇسىلماندارعا)، قۇلدى ازات ەتۋگە، بورىشتىلارعا، اللا جولىنا جانە جولدا قالعاندارعا بەرىلەدى. اللا ٴار نارسەنى ٴبىلۋشى، حيكمەت يەسى» دەلىنگەن.

ارداقتى پايعامبارىمىز: (س.ع.س) «ورازا تۇتقان ادامنىڭ ورازاسىنىڭ ساۋابى ٴپىتىر ساداقا بەرگەنگە دەيىن تولىق بولماس» دەپ ەسكەرتەن.

يسلام حيكايالارىندا حازىرەت وسمان (ر.ا). ٴوز زامانىندا ۇمىتىپ كەتىپ ٴپىتىر ساداقاسىن بەرمەگەنى تۋرالى ايتىلادى. سوندا: ٴبىراز ۋاقىت وتكەن سوڭ ەسىنە ٴتۇسىپ، ٴپىتىر ساداقاسىنىڭ كاففاراتى ٴۇشىن دەپ ٴبىر قۇلدى ازات ەتتى. سول كەزدە پايعامبارىمىز (س.ع.س) ايتتى: «-ەي، وسمان، سەن ٴجۇز قۇلدى ازات ەتسەڭ دە ٴپىتىر ساداقاسىنىڭ ساۋابىن تابا المايسىڭ» دەگەن ەكەن، دەيدى.

مىنەكي، ٴپىتىر ساداقاسىنىڭ ماڭىزدىلىعى وسىداي بولسا كەرەك. ٴار مۇسىلمان بالاسى ٴپىتىر ساداقاسىن بەرۋ ٴۋاجىبىن ورىنداپ، قاسيەتتى رامازان ايىندا ٴپىتىر ساداقاسىن بەرۋگە اسىقسا، اللا تاعالا قادامىنا ساۋاپ جازارى انىق.

امانكەلدى جاراسوۆ

شقو تارباعاتاي اۋدانى «بايجىگىت بابا» مەشىتىنىڭ باس يمامى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي