BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ورازا تۇتقاندارعا اۋىز اشقىزۋدىڭ ساۋابى قانداي؟

اسىل ٴدىنىمىز يسلامدا ورازا ۇستاعان جاندارعا اۋىزاشار بەرۋدىڭ ساۋابى وتە مول ەكەندىگى ايتىلادى. ەكى دۇنيە ساردارى ارداقتى پايعامبارىمىز (س.ع.س.): ٴوز حاديستەرىندە: «اۋزى بەرىك جاندى اۋىزاشارعا شاقىرىپ تاماق بەرگەن كىسى – ورازا ۇستاعان ادامنىڭ الاتىنىنداي ساۋاپ الادى. اۋزى بەرىك ادامنىڭ ساۋابىنان دا ەش نارسە كەمىمەيدى» دەگەن.

مىنە، بۇل ورازا ۇستاعان جاندارعا قۇرمەت كورسەتۋدىڭ نەگىزگى بولسا كەرەك.

ٴدىني حيكايالاردا ارداقتى پايعامبارىمىز (س.ع.س.) ساعد يبن مۋازدىڭ (ر.ا.) ۇيىندە اۋىزاشارعا بارادى. سول ۇيدە داستارحان باسىندا پايعامبارىمىز (س.ع.س.): «داستارحانىڭىزدان ورازا ۇستاعاندار ٴدام تاتسىن. استارىڭىزدى ىزگى كىسىلەر جەپ، پەرىشتەلەر سىزدەرگە دۇعا ەتسىن» دەپ دۇعا جاساعان ەدى» دەسەدى.

تاعى دا ٴابۋ شەيح يبن حيبباننان جەتكەن ريۋايات بويىنشا اللا ەلشىسى (س.ع.س.): «ەگەر دە كىمدە-كىم رامازان ايىندا ادال تابىسىمەن اۋىزاشار بەرسە، پەرىشتەلەر رامازان ايىنىڭ سوڭىنا دەيىن وعان دۇعا جاسايدى…» دەگەن. سوندا ول: ۋا، راسۋل اللا! اۋىزاشارعا ەشتەڭە تاپپاسا نە ىستەيدى؟ دەدى.

سوندا پايعامبارىمىز «س.ع.س) – «ٴبىر ٴتىلىم نان بەرسىن» دەدى. – «ول دا بولماسا شە؟»

– «وندا قارا سۋ بەرسىن» دەدى، اللا ەلشىسى (س.ع.س)

دەمەك، اۋىز اشقىزۋدا بەلگىلى ٴبىر ۇلگى نەمەسە قاعيدا جوق، اركىم ٴوزىنىڭ تاپقان اسىن اۋىزاشارعا قويسا بولدى دەگەن ەكەن. مۇندا تەك اۋىزاشار بەرۋشىنىڭ تابىسى ادال بولسىن دەپ تاپسىرعان.

اۋىز اشقىزۋدىڭ كەلەسى ٴبىر ماڭىزدىلىعى ادامدار اراسىنداعى بەرەكە، بىرلىكتى بەكەمدەي تۇسەتىندىگىندە سونىمەن قاتار ادامداردىڭ بىر-بىرىنەن ۇلگى الىپ، ورازا تۇتۋعا دەگەن قۇلشىنىستارى ارتتىرۋعا دا سەپتىگى تيەتىندىگىندە.

قازىرگى تاڭدا اۋىزاشار دۋماندى مەرەكە ۇلاسىپ، جاڭا سيپاتقا يە بولۋدا. اۋىزاشار داستارحانى ۇستىندە قايىرىمدىلىق شارالارى جاسالىپ، تاعىىمدار ايتىلادى.

اۋىز اشقىزۋدىڭ ٴجونى وسى دەپ اسىرەسە ىسىراپقا بارماۋدى ەسكەرۋ كەرەك. مۇمكىندىگىنشە ارتىلعان اس-سۋدى، قاراجاتتى جەتىمدەرگە، مۇقتاج وتبسىلارعا، بالالار ۇيلەرىنە بەرسە وتە زور ساۋاپتى بولار ەدى.

تيمۋر قايدار ۇلى

شقو زايسان اۋدانىنىڭ باس يمامى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي