BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ونەر ادامدارى ۇلتتىق مۋزەيدە مادەني مۇرالارىمىزدى ناسيحاتتادى

بۇگىن ۇلتتىق مۋزەيدە ەرەكشە كۇن. سەبەبى، ساحنادان عانا كورىنەتىن ونەر ادامدارى «جۇلدىزدى گيد» جوباسى اياسىندا قىزمەتىن اۋىستىرىپ، ٴبىر كۇن مۋزەي ىشىندەگى زالدارعا ەكسكۋرسيا جۇرگىزدى. جوباعا قاتىسۋشىلار وزدەرىنە تيەسىلى زالدا قوناقتاردى كۇتىپ الىپ، حالقىمىزدىڭ ٴتول تاريحى، مادەنيەتى جانە باعالى جادىگەرلەرى تۋرالى ماعلۇمات بەردى، دەپ حابارلايدى baq.kz ٴتىلشىسى.

بيىل قر ۇلتتىق مۋزەيىندە ەكىنشى رەت وتكىزىلگەن شارا عاسىرلاردان جەتكەن ۇلتتىق قۇندىلىقتارىمىز بەن سيرەك كەزدەسەتىن تاريحي مۇرالارىمىزدى ناسيحاتتاپ، كوپشىلىككە جاقىنىراق تانىستىرۋدى كوزدەيدى. ٴسويتىپ، رۋحاني ورتالىقتىڭ قوناقتارىنا وزگەشە قىزىقتى ەكسكۋرسيا ۇسىنا وتىرىپ، تاريحى تەرەڭ مۇرالار مەن قۇندى جادىگەرلەردى ناسيحاتتايدى.

ۇلتتىق مۋزەيدىڭ «قوعاممەن بايلانىس» ٴبولىمىنىڭ پيار مەنەدجەرى ايگۇل جاسەنوۆانىڭ ايتۋىنشا، جۇلدىزداردى مۋزەيگە كەلەتىن قوناقتاردىڭ وزدەرى تاڭداعان. ياعني، 1 جىل بويى كەلۋشىلەر اراسىندا ساۋالناما جۇرگىزىلگەن. ناتيجەسىندە بۇگىن تانىمال ەسترادا انشىلەرى مەن كينو جانە تەاتر ارتىستەرى مۋزەيگە كەلۋشىلەردى قارسى الىپ، ولارعا قازاقستاننىڭ وتكەنى مەن بۇگىنى جايىندا باياندادى. ماسەلەن، مۋزەيدىڭ «التىن زالىن» ٴانشى التىناي جورابايەۆا، «تاريح زالىن» اكتەر ٴادىل احمەتوۆ، «تاۋەلسىز قازاقستان زالىن» ٴانشى ينديرا راسىلحان، «ەتنوگرافيا زالىن» اكتەر قۋاندىق قىستىقباي، «استانا زالىن» ٴانشى شاحاريزات سەيداحمەت تانىستىردى.

انشىلەر مەن ارتىستەردى مۋزەيدىڭ عىلىمي قىزمەتكەرلەرى مەن ەكسكۋرسوۆودتارى 1 اي كولەمىندە دايىنداعان. ولارعا ارنايى كوستيۋمدەر دە تىگىلگەن ەكەن. استانالىقتار اسىعا كۇتەتىن وسىنداي ماڭىزدى شاراعا جۇلدىزدى گيدتەردى دايىنداۋشىلاردىڭ ٴبىرى، قر ۇلتتىق مۋزەيىنىڭ ەكسكۋرسيا جۇرگىزۋشىسى انەل كەمال: «ٴبىر مادەنيەتتە، ٴبىر سالادا جۇرگەندىكتەن جۇلدىزدارمەن جۇمىس ىستەۋ قيىن بولعان جوق»، - دەيدى.

ٴادىل احمەتوۆ، تەاتر جانە كينو اكتەرى:

- وسى شاراعا دايىندىق بارىسىندا مۋزەيگە ارنايى كەلىپ، قىزمەتكەرلەردەن ٴدارىس الدىق، دايىندالدىق. كەيبىر مالىمەتتەردى كىتاپتان وقىپ، ينتەرنەتتەن ىزدەدىم. سەبەبى، كورەرمەندەردىڭ سۇراعىنا جان-جاقتى دايىن بولعىم كەلدى. بۇگىن «تاريح زالىنا» ەكسكۋرسيا جۇرگىزدىم. مەن ٴبىز ەڭ باقىتتى ۇرپاقپىز دەپ سانايمىن. بىزدە بارلىق ەركىندىك بار. تاۋەلسىز قازاقستاندا ٴومىر سۇرەمىز، قالاعان جەردە ٴبىلىم الامىز. دەسەك تە، ٴبىزدىڭ اتا-بابالارىمىزدىڭ باسىنان قانشاما قيىندىق ٴوتتى. ەگەر ٴبىز سول تاريحىمىزدى تەرەڭىرەك بىلەتىن بولساق، وسى تاۋەلسىزدىككە قول جەتكىزۋ قانشالىقتى قيىن بولعاندىعىن سەزىنە الساق، وسى كۇنىمىزدى باعالاي تۇسەر ەدىك.

شاحاريزات سەيداحمەت، «قازاقستان داۋىسى 2014» جوباسىنىڭ جەڭىمپازى:

- وقىپ دايىندالعان ٴبىر بولەك تە، ٴىس جۇزىندە دايىندالعان ٴبىر بولەك. ەكسكۋرسيا جۇرگىزەتىن قارىنداستارىمىزدىڭ كومەگىمەن پراكتيكا جۇزىندە دايىندىق جۇمىستارىن جۇرگىزدىك. ولار ٴبىزدى وقىتىپ، ۇيرەتىپ بارىنشا كومەك كورسەتتى. سونىڭ ارقاسىندا، ٴوزىمىزدىڭ بىلەتىن ازىن-اۋلاق اقپاراتىمىزدى تولىقتىرىپ، بۇگىن بىزگە جۇكتەلگەن قىزمەتتى ابىرويمەن الىپ شىقتىق.

ايتا كەتەرلىگى، ەندىگى كەزەكتە قر ۇلتتىق مۋزەيى ناۋرىز مەرەكەسى قارساڭىندا استانا قالاسىنىڭ تۇرعىندارى مەن قوناقتارىنا ارناپ «مۋزەيدەگى ٴتۇن» شاراسىن وتكىزۋدى جوسپارلاۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي