BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نۇرسۇلتان نازاربايەۆ: دومبىرا - قازاقتىڭ جانى

قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ دومبىراعا قاتىستى ٴوزىنىڭ وي-پىكىرىمەن ٴبولىستى، دەپ حابارلايدى baq.kz اقپارات اگەنتتىگى.

ەلباسىنىڭ دومبىرا تۋرالى ايتقان پىكىرىن اقوردانىڭ ٴباسپاسوز قىزمەتى الەۋمەتتىك جەلىدە جاريالادى.

«دومبىرا قازاقتىڭ جان دۇنيەسىمەن بايلانىستى. كۇيدى، دومبىرانىڭ اۋەنىن، سازىن مۇرنىنا جۋسان ٴيىسى بارعان ٴارى ۇلى دالا توسىندە ومىرگە كەلگەن قازاق قانا تۇسىنە الادى. سەبەبى بۇل ەرەكشە مۋزىكا ادامنىڭ جان دۇنيەسىن كورسەتەدى، ياعني مۇڭدى نەمەسە قۋانىشتى، ويدى اشىق بايقاتادى. كەشكىلىك دومبىرانى شەرتىپ وتىرعان كەزدە، بارلىعى ۇمىتىلادى. ماعان بۇل اسەر ۇنايدى، سونداي-اق دومبىرانى جاقسى شەرتەتىن ادامدارعا قۇرمەتپەن قارايمىن. ٴبىزدىڭ قازاقتىڭ ولەڭدەرى مەن جىرلارى ادامنىڭ جان-سەزىمىن تولقىتادى، ولاردا فيلوسوفيالىق مازمۇن بار. قازاق اندەرى مەن جىرلارىندا مۋزىكاعا ەمەس، ونداعى سوزدەرگە ٴمان بەرۋ كەرەك. بۇل سوزدەردىڭ ٴمانى وتە تەرەڭدە جاتىر جانە ولاردىڭ ۇلكەن ماڭىزى بار» - دەيدى نۇرسۇلتان نازاربايەۆ.

ەستەرىڭىزگە سالا كەتەيىك، قوعامدى ۇلتتىق مادەنيەت پەن بىرەگەيلىكتى ساقتاۋ مەن قايتا جاڭعىرتۋ يدەياسىنىڭ توڭىرەگىندە ودان ٴارى توپتاستىرۋ ماقساتىندا نۇرسۇلتان نازاربايەۆ ۇلتتىق دومبىرا كۇنى تۋرالى جارلىققا قول قويعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي