BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

موڭعوليادا تۇرار رىسقۇلوۆ تۋرالى ەكى كىتاپ جارىققا شىقتى

فوتو: Ержан Жаубай

بۇگىن استانادا حالىقارالىق تۇركى اكادەمياسىنىڭ جىل قورىتىندىسى بارىسىندا اكادەميانىڭ قولداۋىمەن جارىققا شىققان ٴبىرقاتار كىتاپتار تۋرالى ايتىلدى، دەپ حابارلايدى baq.kz ٴتىلشىسى.

اكادەميانىڭ قاراماعىنداعى «عىلىم» باسپاسىنان بيىلعى جىلى ك.كونكوبايەۆ. ن.ۋسەەۆ، ك.شابداناليەۆتاردىڭ «اتلاس درەۆنەتيۋركسكيح پيسمەننىح پامياتنيكوۆ رەسپۋبليكي التاي» دەپ اتالاتىن اتلاسى، «جەتىسۋ-ىستىقكول قاسىرەتى» جانە «درەۆنەتيۋركسكيي سلوۆار»، ٴا.احمەتوۆتىڭ «جاھاندى جالعاعان تەرەڭ تامىرلار»، ق.ا. ٴياساۋيدىڭ «ديۋاني حيكمەت»، عابدوللا توقاي تاعىلىمى قاتارلى 50-گە جۋىق كىتاپ جارىققا شىققان.

وسى قۇندى مۇرالاردىڭ قاتارىندا قازاقتىڭ ماڭدايىنا بىتكەن ايگىلى تۇلعاسى تۇرار رىسقۇلوۆتىڭ موڭعوليادا بولعان كەزىندەگى قايراتكەرلىك ومىرىنە ارنالعان ەكى بىردەي كىتاپتىڭ جارىق كورۋى وتە قۋانىشتى جاعداي.

ي. سارۋۋل، چ.داشداۆاا، ن. بولد قاتارلى ٴۇش اۆتوردىڭ بىرلەسىپ دايىنداعان. «كومينتەرنيي تولوولوگچ تۋرار رىسكۋلوۆىن مونگول داح ٴۇي اجيللاگاا» («كومينتەرن مۇشەسى تۇرار رىسقۇلوۆتىڭ موڭعولياداعى قىزمەتتەرى») جانە «تۋرار رىسكۋلوۆىن مونگول داح ٴۇيل اجيللاگااند حولبوگدوح باريمتۋۋد» («تۇرار رىسقۇلوۆتىڭ موڭعولياداعى قىزمەتتەرىنە قاتىستى قۇجاتتامالار») دەپ اتالاتىن ەكى بىردەي تولىمدى ەڭبەك سول كەزدەگى تۇرار رىسقۇلوۆتىڭ قازاقتىڭ عانا ەمەس، ناعىز حالىقارالىق دەڭگەيدەگى ديپلومات ەكەنىن تانىتاتىن ەڭبەك. ەكى كىتاپ تا اكادەميانىڭ تاپسىرىسى بويىنشا ۇلانباتىر قالاسىندا باسىلىپ شىققان.

اكادەميا باسشىسى دارحان ٴقىدىرالىنىڭ ايتۋىنا قاراعاندا بۇل ٴىستى قولعا الىپ، جۇزەگە اسىرۋعا موڭعوليانىڭ قازاقستانداعى توتەنشە جانە وكىلەتتى ەلشىسى سۇحەە جاگير مىرزانىڭ، موڭعوليا ورتالىق ارحيۆ باسقارماسى مەن ورتالىق مۋزەي باسشىلىعىنىڭ ەڭبەگى زور.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي